رحت لدكتورة جلدية وقالتلي ... بس ممكن تلب؟؟

السلام عليكم ورحمة الله وبركاته


رحت لدكتورة جلدية وجبتلكم شوية معلومات

وان شاء الله تستفيدو منها وتدعووولي

اول شي اتكلمت عن البشرة

وادتني 3 نقاط اساسيات:
اولا سالتني ايش تستخدمي صابون
قلتلها بابايا قالتلي الوجه مايتغسل بصابون ابدا لانه يخلي البشرة تشيخ بسرعه
لازم بس بموية فاترة وعلى فكرة انا بشرتي مختلطه
قلتلها طيب احسه ماينظف قالت لا بس في البداية حتحسي كده وممكن لو حسيتي وجهك مانظف
تجيبي منديل وتضغطي شوي شوي على وجهك عشان يمتص الدهون الزايدة

وقالت اهم شي ترطبي بوجهك وماحددت كريم
اهم شي اي مرطب يرتاح عليه وجهك حتى لو زيت





ثانيا لاااازم تشربي 6 كاسات موية يوميا لبشرة صحية وموردة وكلها نضارة



ثالثا لااازم واقي شمس
واذا في الصباح مثلا تبغي تحطي مرطب
حطي الواقي بعد المرطب بربع ساعه




نجي للشعر 5 اشياء مهمه:

1- اهمممم شي تاكلي يوميا جرجير وبصل اخضر وفي شي تالت مو فاكراه اعتقد بقدونس

2- غسلي شعرك مرة او مرتين بالكثيييير اسبوعيا عشان الشعر يقدر يطلع دهونه

3- احسن حبوب للشعر هير فاكتور
بس انا سالت الصيدلي وقاللي هير فاكتو ر ماعاد تجي
ف قلتلو طيب اش في شي تاني كويس.. قاللي هير دال
ف سالتو ايش مكوناتها .. ف قال فيتامين ا ب د ه زنك مغنيسوم وماني فاكرة اش الباقي
وقالللي مرررة كويسة

4- قلتلها انا استخدمت لوشن سورسير تقريبا شهرين واكثر بس مااستفدت منه شي
مدري اشتري قارورة تانية يمكن النتيجه يبغالها فترة عشان تظهر
قالتلي لا مدام شهرين ومافي نتيجه انا حاكتبلك على واحد تاني مرررررة كويس
للقشرة والحكه والتساقط ويقوي الشعر وينبته اسمه karoyan s lotion سعره ب 177 ريال تقريبا

5- قالتلي استخدمي شامبو يكون لونه من الداخل شفاف زي شامبو نونو كيف يجي لونه شفاف
بس طبعا نونو ينشف الشعر مررررة
بس الزبدة انو الشامبوهات اللي يجي لونها ابيض يكون معاها بلسم بس مايكتبو عليه
عشان يسوو انو الشامبو ينعم وهو اساس معاه بلسم

حتى شامبو دوف للقشرة وربع كريم مرطب هدا شامبو وبلسم

وادتني مثال على خطورة استعمال الشامبو والبلسم في ان واحد
... ينفع نغسل الملابس بالتايد واللينور في ان واحد؟؟؟؟
طبعا لا والنتيجه انو ما راح تنظف


وطبعا قالتلي عادي تسوي حمامات زيت وماسكات لشعرك وحتى الحمة كويسة


اي وبعد ضرووووري لو الشعر مقصف انه ينقص
اما لو ماكان مقصف لاتقصيه
يعني مو كل شهر ينقص الشعر مو كويس الا اذا كان مقصف
هذا كل اللي اذكره ولو في شي تاني حاكتبه لكم



نجي للطلب

ابغ استشيركم
انا شعري خشن وقررت اني استخدم زيت واضيف له فنجال محلب وفنجال اكليل الجبل
لانهم اكثررر شي ينعمو الشعر

بس ماني عارفة استخدم نوع زيت واحد ولا الخبط كذا نوع
ولو نوع واحد ايش احسن زيت ينعم الشعر ويطوله

وهذي الزيوت الموجوده عندي

املا و جوز الهند و نارجيل و خروع و لوز حلو و عافيه و زيتون
وزيت املا جربته لوحده ماناسبني

بليز لاتطنشو طلبي والله يوفقنا اجمعين