اسأل الله ان يشفيك
وعليك بالرقيه الشرعيه واقرئي سورة البقره
وشغليها عندك وقت النوم
ويارب تجين هنا وتفرحينا بشفاءك

الله يشفيك

اسأل الله العلي القدير الحي القيوم الرحمن الرحيم
ان يشفيكي شفاءا لايغادره سقما عاجلا غير آآآآجل

اسال الله العظيم رب العرش العظيم ان يشفيك
عليك اختي الحبيبة بماء زمزم وتيقني بان الله هو الشافي والمعافي

بقولك شيء عن تجربة مو صار مع اختي او قريبتي او عمتي .. جاني اكتئاب قبل 6 سنوات بس مو اي اكتئاب عذاب ووسواسة وخوف من الموت وكنت اتخيل الدود والنمل يمشي ع رجلي .. وفي الدقيقة تنط بعقلي ستين فكرة .. تفكير تفكيررر وحزن وهم وبكاء .. حتى ولدي مااقدر اهتم فيه ولا اقدر اغير له البامبرز كانت امي تهديني وتقرأ علي وتهتم في ولدي .. وزوجي استغرب مره وجاب لي مجلات عشان اقرأ واتسلى وهالشيء خطأ .. بالعكس كانت تزيد همومي اقنعني بالسفر وسافرنا وكانت اسوأ سفراتي مع اني احب واموووت في السفر .. كنت اترجاه كل يوم نرجع :( كان منفجع من التغيير الي حاصل فيني ..
حتى التمشيه في السيارة ماكنت احبها اصلاً ماكنت اطالع في السيارات او المباني لاااا عيوني كانت بس طايره فووووق في السماء ..
كنت اكره الجمعات وكان فيه مناسبات مهمة في بيت اهلي والناس متجمعه وفرحانة وانا اعاني وتعبانة وبس ابي اروح بيتي .. وإذا رحت بيتي اتعب من الهلوسة والتفكير .. رحت صحيت ع نفسي وسويت لي برنامج ديني وطبي..الديني.. اقرأ سورة البقرة يومياً وبجنبي صحن فيه زيت الزيتون .. وانفث فيه .. وادهن نفسي وخصوصاً رجلي عشان الدود والنمل الي اتخيله .. اتوضأ قبل ما أنام أقرأ اذكار الصباح والمساء وقبل النوم .. اصلي بكل وقت وادعي من قلبي .. بعد الصلاة اجلس ع سجادتي واقول اذكاري واركز ع الدعاء .. بغرفة نومي ع طول مسجل شغال سورة البقرة .. حتى وأنا نايمة .. إذا ما شغلته مااقدر انام .. وكنت ماانام الا وزوجي يحضني اخاف يتركني ...
والطبي.. رحت للطبيب واعطاني 3 أدوية .. وحسيت يارب لك الحمد بعد الله انها ساعدتني اول شيء لاحظته خف التفكير عندي والهلوسة .. ماصرت اتخيل كثيررر ..
والله الذي لا إله إلا هو ماكملت اسبوعين الا وأنا متعافية تماماً والحمد لله .. وتركت الأدوية بس استمريت ع الأذكار والوضوء قبل النوم ..

ياليت اختي ماتهملين نفسك سوي لك برنامج مثلي وبإذن الله تشوفين الخير .. والدواء بحول الله فيه فايدة وعون لك .. مافيه داء من دون دواء .. والله يشفيك يارب .. انتبهي لنفسك عزيزتي ..

وميض اتقي الله ماعمرك سمعتي بالأمراض النفسية والروحية والإكتئاب .. إذا ماسمعتي او ماصار لك فإحمدي ربك ع هالنعمة .. ولا تبطري ترى الدنيا دواره .. وأسأل الله أن يبعدها عنك وعن كل المسلمين ..