شخباركم
اليوم رحت لسوق سكاي مول ، مقابل لـ الهرم اللي بشارع سعد بن عبدالرحمن حي الفيحاء ( بشرق الرياض )
السوق اوول مره ادخل له ،و اعجبـــــني من جميع النواحي
نظافته و الهدووووءءء اللي فيه
و الملاهي مافيه زحمه اطفال يعني ماتظطرين توقفقين اطفالك طابور عـ اللعبه مثل باقي ملاهي المولات
ومب إزعاج وكتمه وضجييييج مثل ملاهي العثيم مول و خريص بلازا :angry2:
واعجبتني اسعارهم ، جدا جدا معقوله ويمكن بعد رخيييصه
دخلت محل السلطان لقيت عندهم فساتين قصيرة حلووه واخر شياكه ، والاسعار معقوله لقيت عندهم فستان شايفته اختي على نانسي . نعوووم جدا ، فساتينهم حلوه للمتزوجات يلبسونها بالبيت
خفيفه و شياكه
ودخلت محل اللي يبيع فيه سعودي ( عشان كذا شريت منه ، اشجع السعوديين :) ) اسم المحل moon جنب محل السلطان و اسماء ..
وفريت السوق فرررر
دخلت محل الفراشات للشنط . شي شي شي . شنط تقليد ماركات و الموديلات الجديده من الماركات العالمية واسعارهم 70 ريال و زي كذا .. :icon28:
خلوني اعد لكم مشترواتي :)
فستان قصير + حزام ، من محل moon = بـ 100ريال
بلوزتين كم طويل = 75 ريال ، من محلين مختلفات ونسيت اسماءهم
2 بدي . واحد بـ 15 رييال والثاني من محل تقليد ماركات بـ 10ريال
بنطلون جينز بـ 50 ريال
جزمتين ، من محل مسوي تخفيض لمدة شهرين .، كل الجزم بـ 20 ريال ،، اخذت جزمتين فلات بـ 40 فقط
وطبعا مريت عـ االملاهي و البقاله و مريت على محل اكسسوارت لازم شغل حريم مانتوب عنه ههههههه
اللي حبيت اوصله لكم
ان السوق هادي ، يناسب الرايقين والي يرتفع ضغطهم من الإزعاج ، و الي ماتعرف تشتري بالاسواق المزدحمه
ومافيه ناس كثيرين ، (يعني اللي زوجها يبصبص , هناك ماله مجال لـ البصبصه ههههههه )
و اسعارهم جدا جدا رخيييييصه ، والمحلات الي موجوده بـ سكاي مول لها فروع بـ اسواق ثانيه ، بس اسعارهم تختلف من سوق لـ سوق ، بسكاي مول ارخص :30: ..
والله اتكلم معكم كانكم خواااتي اتمنى انكم تروحون لسوق
عشان تستانسون فيه مثل ما استانست
وحب لاخيك ماتحبه لنفسك
قبل اسبوعين كان عندهم مهرجان وخيمه تسوق
هو فعلا هادى
وكل المحلات موجوده