رحت لطاقات... بعلمكم بالنتيجة

السلام عليكم /
انا كتبت موضوع وسألت اذا احد راح لهم من البنات يفيدنا ... بس مااحد فادنا بشي :redface:
والحمد لله الله يسرها ورحت لهم اليوم ....وقلت لازم اوضح لكم سالفته
... سلمكم الله اول مادخلت اعطيتها بطاقة العائلة .. عشان تسجل حضوري
وقالت لا صرنا نتعامل بالهويه .. بس بمشيها والمرة الجاية تحضري بالهوية ... قلت ان شاء الله
وسالتني عن اسم الإستشارية الي اتصلت فيني وعلمتها
وقالت انتظروا الين تجمعنا يمكن 12 وحدة 4حضروا متأخر وبعضهم ماحضر ...
بعدين دخلونا قاعة اجتماع وجات الموظفة ...
قعدت تتكلم عن دور الصندوق في البحث عن وظيفة وعلاقته بحافز
ووان الخصم في حالة عدم الحضور من حافز مو منهم .. وان حافز ماراح يستمر وكل الي ينقال اشاعة..
وطلبت منا نتعاون ونكون جادين في البحث عن وظيفة.. وقالت ان فيه دورات يعطوه للي تحتاج مجانية
عن الثقة بالنفس والمقابلة الناجحة حق ساعة بالكثير
وبعدين وجهوا كل وحدة لموظفة... عشان المقابلة
سألت اسئلة روتينية... من ضمنها توافقين على الإختلاط :11:
طبعا لا .. دورت وظائف متى اخر مرة .... واستفسارات كثيرة
سألتني سؤال غريب ... عندك ملابس تلبسينها للمقابلة الشخصية:confused:
سألتني عن نوع الوظيفة الي ابغاها .... طبعا تعليمي:nerd:
قالت مافي عليهم ظغط وعندهم ملفات في الإنتظار... والأولوية للي افضل منك
انسيهم ... شغلهم متعب ورواتبهم ضعيفة وموكل المدار س نفذوا قرا ر رفع الراتب:buck:
ورتني وظائف قطاع خاص اسقبال في عيادات وتغليف دواجن وتنسيق ورود وصنع الكب كيك وخياطة وبائعة وكوفيرة بمشغل ادفع رسوم التدريب اتوظف ... بعضها شروطها غريبة وكلها رواتبها 2000 واغلبها الدوام من8ال4 وبعضها على فترتين ... رفضتها كلها عشان عيالي ... صعبة اتأخر للعصر والراتب مايستاهل:icon810:
عرضت علي وظيفة من المنزل مسوقة ب1500 دخلت مخي اقله اجرب وانا بالبيت احسن مااتعب بالمشاوير
واذا ماعجبني اتركها بس زوجي رفض ... يقول موناقصك شي ولا انا مقصر معك وبعطيك كل شهر 500 راتب
واصبري الين تجيك وظيفة حكومية.:33: كنت ابغاها من باب التجريب والمغامرة .. واشغل نفسي بشي اقل تعب
المهم ..كتبت اني رفضت الوظائف واعطتني ورقة ادور على وظائف واسجلها فيها وسجات رقمها عشان اتواصل معاها
وقلت تعالي الثلاثاء عشان الدورة ونعرض عليك وظائف غير ويوم 24 جيبي الورقة ... وروحي الحين الأحوال طلعي لك هوية .......
طبعا رجعت البيت دايركت ... ابغى استخير واشاور وافكر بروية وبعدين اقرر ايش اسوي
وهذا العلم وسلامتكم:biggrin: