رحت للداية ام ابراهيم اليوم .... ايش رايكم

السلام عيكم ورحمة الله اخواتي بنات حواء

ابشركم اخيرا جانتي الدوره اول امس :dozey:

ارفع معنوياتي شوي :angry:

المهم كلمت كل الدايات الي في المنتدى ارقامهم وقالولي امكن عندي نزول في الارحام وسالوني عن اعراض معينه
1-احساس الحشره (الرغبه في التبول ) بس مافي شي
2- غثيان بسيط مره
3- بعد اللقاء مع الزوج خروج الماء على طول (معليش على الكلام بس للافاده )
4-الم اسفل الظهر
5- الم اسفل البطن تحت السره
6-تحسي بان في شي تقيل اسفل البطن
7- اهم شي خربطه في الدوره وكميتها اذا التحاليل كلها سليمه
8- التوسع من اسفل

وتقريبا كلها موجوده وبعد البحث والاستخاره قررت اروح لام ابراهيم في ارض الكردي في المدينه ومن يوم حستني قالت انتي عندك نزول شديد وميلان شوي على اليمين اكيد شايله تقيل او انك تمشي كتير (لو شافت ايش الي شلتوا:08:)
ولازم 3 جلسات واليوم سويت وحده

المهم قالت ان شاء الله حتحملي بإذن الله لان ما عندك اي مشكله بالعكس الامور جيده ماشاء الله

ماشالله ما عورتني في التمريخ ويدها خفيفه :love:
مو زي التانيه الي جبتها طلعت روحي وهيا تمرخ:icon810:
لا وسخونه بعد المروخ من قوتها ماشالله ما عاد اجيبها ابدا كان اسمها ام ياسر الله يصلحها بس :icon36:


وادتني خلطه سفوف لونها اخضر بس طعمها مو وحش مع الحليب مرتين في اليوم وبخور فيه قشر بصل ومدري ايش قالت هدا يخرج الهواء من الرحم وينظفوا من الالتهاب ويضيق كمان لان فيه مره وان شاء الله اخر الشهر تدعيلي :2thmup:

المهم انا اول مره في حياتي حاتبخر من اسفل بس المشكله لمن سويت بحث الي يقول كويس والي يقول لا تخربوا نفسكم ايش رايكم اغامر واتوكل على ربنا ولا بس اتمرخ وخلاص متردده على البخور مين جربت البخور وكيف كانت النتايج :confused-