السلام عليكم ورحمة الله وبركاته
قبل شوي رحت لعطار نعرفه هو سوداني كبير بالسن وملتزم سألته عن عشبة القشعة
الي قالوا عنها انها تنظف الرحم وتنظم الدورة ومالقيتها عنده .. المهم انا لماتجيني الدورة تطول علي
15 يوم وانا معي دم ما انظف بالراحة وكل هالاسباب من بعد ولادتي قبل سنتين و8شهور
والعلاجات الطبية مانفعت معي ولا استخدمت من بعد ولادتي الاخيرة لاحبوب منع الحمل ولا لولب
لانهم مافادوني من قبل سببوا لي نزيف ونفسيتي منهم تعبانة وعصبية ومشاكل بالرحم والمبايض
وتركتهم من سنوات .. المهم رحت اسئل العطار السوداني قالي انه كل الاعشاب ماراح تفيدك
وانه الدم الي يطول معك هذا من الشيطان لانه يجري في العروق كجري الدم وقالي ان الشيطان
هو الان متمكن منك ومهما استخدمتي من علاجات وحسيتي بتحسن بالاخير راح ترجع لك نفس المشكلة
فاذا الحل الوحيد هو انه تلتجأين للقرآن والقرآن هو علاجه قلت له انا قرات البقرة كاملة يوميا لمدة اسبوعين
ونص وماقدرت اكمل .. قالي اصلا واضح كون انه ماخلاك تكملين القراءة مايبغاك تحرقينه .. وانجنيت
وانخرعت من كلامه حسسني بانه الي فيني مس جان قالي انه هذا شيطان !!!! ..
المهم انه انا ماتوقعت بيقولي هالكلام مع اني سبق وسمعته من امي ومن الناس بس نسيته او
انه ماجاء في بالي هالشي ما ادري انا تفكيري مشتت المهم بالاخير اقتنعت من كلامه على الرغم
من انه فيه شي يجبرني اني ما اصدقه وهو اكيد انه الشيطان لابارك الله فيه بس برضو في قرارة
نفسي مصدقته ومتأكدة من كلامه .. المهم انا طلبت منه بعض الاعشاب عشان اجربها واشوف
وقالي اذا مافادتك حاولي قدر الاستطاعة تقرأين القرآن لانه هو الشفاء الوحيييد وكررها لي اكثر من مرة
والى الحين كلامه يرنع براسي وخايفة اني اقرأ القرآن وما استمر !!! يارب انك تعيني على قرائته يارب ..
المهم ما ابغى اطول عليكم حبايبي لاني انا حبيت اخبركم عن الي حصصل
ماادري ممكن تكون فيه وحدة منكم تعاني نفس المشكلة فحبيت انبهها بهالشي لان والله مثل ماقال
العطار انه مايشفينا الا القرآن فقط .. الله يشفيني ويشفي كل من تعاني يارب العالمين ..
ام بيان المبارك @am_byan_almbark
عضوة مميزة
يلزم عليك تسجيل الدخول أولًا لكتابة تعليق.
أثير2012
•
وش عرفه بمشاكل الحريم
انتي يبي لك تزورين طبيبه شعبيه ماهره ومعروفه اكيد فيه مشكله عندك بالرحم
صح ماننكر ان القران هو اساس الشفاء لكن الانسان لازم ياخذ بالاسباب
وبعدين اللي اعرفه ان المس مايخليك تكملين سورة البقره لمره واحده وانتي ماشاء الله تقولين قريتيها اسبوعين
لاتدعي مجال للوساوس والاوهام حتى يتمكن منك الجان
شفاك الله
انتي يبي لك تزورين طبيبه شعبيه ماهره ومعروفه اكيد فيه مشكله عندك بالرحم
صح ماننكر ان القران هو اساس الشفاء لكن الانسان لازم ياخذ بالاسباب
وبعدين اللي اعرفه ان المس مايخليك تكملين سورة البقره لمره واحده وانتي ماشاء الله تقولين قريتيها اسبوعين
لاتدعي مجال للوساوس والاوهام حتى يتمكن منك الجان
شفاك الله
الصفحة الأخيرة
شكله دجال يبي يخوف الناس وبس