السلام عليكم جميعا خواتي حبيباتي
الحمدلله الذي وهبني زيارة البيت الحرام
خلوني اسولف لكم من البدايه
كنت عاقده النيه للسفر الى مصر وظليت اطلب من عيالي انهم يودوني للقاهره ومشتهيه اتمشى عالنيل واروح للاماكن السياحيه اللي فيها بس محد وداني طيب كنسلتها وظليت اقولهم ودوني دبي دار الحي ومحد له خلق يروح يقولون غاليه وما تسوى لو نروح لندن ارخص
وقلت ما في غير اروح مع اختي الكبيره وعيالها وهي من مده تحن علي للعمره المهم قلت الله كاتب لي هالزياره المباركه
ومعرقل سفري للبلدان اللي ذكرتها ولان اختي ما تعرف ولا عيالها رايحين من قبل وتبيني معاها لاني رايحه كذا مره وبصراحه كنت خايفه لان عيالها موخليجين يعني غربله بمطار السعوديه ودوخه وانتظارالمهم ما طولها عليكم
عزمنا عالسفر وحجزنا التذاكر والفندق صار يوم السفر ركبنا الدابه ( الطياره)وطرنا بحفظ الرحمن ووصلنا مطار جده ايييه اهني الحكي طبعا لما جينا لختم الجوازت الله طيحنا بذاك الضابط اللي اللي اللي اخلاقههههههه اطيب من الطيب اي والله عامل عيال اختي كانهم اصدقاءه والبسمه ماشاءالله ما تفارق وجهه لااله الا الله والمعامله ولا اروع تبارك الرحمن حسيت ان كل اللي في المطار وده يساعدنا والبسمه والكلام الطيب ما فارقهم مع ان تاخرنا مع عيال اختي بالمطار عشان اجراآت امنيه بس يكفي الابتسامه اللي تشرح الصدر من الموظفين المهم خلصنا وطلعنا من المطار
الحمدلله تفاءلنا خير واخذنا تكسي طلع ولد حلال الله يجزيه كل الخير اللي وصلنا للفندق سالمين واخلاقه كانت وايد عاليه وطيبه ومؤدب ومحترم بصراحه الحق ينقال
والحمدلله تسهلت امورنا واعتمرنا الحمدلله حتى الموظفين اللي عند باب الحرم كانوا قمه بالاخلاق والموظفات نفسهم كانت وايد حلوه يحليلهم يسولفون معانا وانغشمرهم ويضحكون الحمدلله والشكر لك يارب وبعد قضاء يومين في رحاب الرحمن عدنا لبلدنا واحنا نسولف لاهلنا عن اهل السعوديه وطيب اخلاقهم ومعدنهم
من هذا المكان احب اشكر اهل السعوديه وعلى راسهم الملك الله يعزه ويحفظه ويحرسه من كل شر
قولوا آمين
حبة قند @hb_knd
محررة برونزية
يلزم عليك تسجيل الدخول أولًا لكتابة تعليق.
بنوته ام
•
تقبل الله منكم
الله يسلمك وهذا واجب كل سعودي لضيوف الرحمن
اخوي شغال بالمطار ويمدح دايم ضيوف الرحمن ويعلمنا بمواقفه من جد ولااروع نفسي اشتغل بالمطار واكسب معرفة الناس الطيبة الي تزور الحرم
والله يقبل عمرتك
اخوي شغال بالمطار ويمدح دايم ضيوف الرحمن ويعلمنا بمواقفه من جد ولااروع نفسي اشتغل بالمطار واكسب معرفة الناس الطيبة الي تزور الحرم
والله يقبل عمرتك
الصفحة الأخيرة