رحت للمطعم!!

رحتي لَمطعم ودقيتي الخضر واليابس... كم كانت اعلى فاتوره دفعتيها....


مطعم برج الحمام. كانت الفاتوره غاليه ٢٥ دينار .. ابو العيال غص وهو يدفع 😂...


بقولكم سالفة رفيجتي كان فيه بوفي مفتوح بتاريخ 22 وزوجها قرا الاعلان.. المهم يوم جا الشهر اللي فيه الاعلان. قال لزوجته يلا حبيبتي عازمكم ع مطعم يعجبك وراحو وبالطريق مشغلين شيلات ووناسه.. دشو المطعم طلب مقبلات مما لذ وطاب.. وزوجته مستغربه تقول مو من عوايده بالعاده يحاتي السعر 🤪.. والوجبه الرىيسيه طلب كل الموجود مما لذ وطاب ومشروبات.. وخلصو. قال حبايبي لعيونكك بنحلي . زوجته تقول جتني غلقه زوجي مو معقول صار كريم جذي فجاه.. المهم وتحلو وخلصو قال زوجها ونبي نحتفل بعيد ميلاد النونه الصغنن... وسوو لهم جو بالمطعم وفلوها وناسه تقول كان يوم خيالي وروعه اول مره اشوف زوجي حنون وكريم.. خلصو.. قال زوجها يلا حبايب مشينا عاد بونسكم بالبحر... الا الجرسون جاي معاه دفتر الحساب.. زوجها قام يزارط وقلب وجهه... ويكلم الجرسون بشويش... عقب ينادي الرئيس حقهَم... الا. تقول وجهه قلب صار احمر على اسود😂😂.. المهم ويطلع البطاقه ويدفع وهو يتعبر الدمعه تبي تطلع 😂😂.. ويجي ََيقشها هي وعيالها وزفه فيها وزفه بالارض.. ويساله ولده شنو فيك يبه. ويثور يسحب عقاله.. يلا فكو الولد منه.. ويركبون السياره. وهو يتدعوا.. ويتمقرد... طلع اليوم المفتوح باكر 😂😂 وهو يحسبه اليوم 😂. والحساب طلع ٩٧ دينار 😂😂😂😂 عشان جذي الرجال انهار وبغى ينصرع.. تقول رحنا وحنا نضحك. ردينا وهو ساحب عقاله والعيال تشاهق🤪🤪

اتحفونا. بفواتير المطاعم الغاليه. واذا في موقف من هون والا هون. اسدحوه لنا. حياكم الله..