رحت لمعرض كن داعيا اليوم ورجعت متضايقه

السلام عليكم..كيفكم ياحوائيات..بقول لكم موقف صار معي اليوم..قبل كم يوم افتتحو معرض كن داعيا عندنا..ورحت اليوم للمعرض والحضور كان نسائي بس..المهم بعد ماطلعت من المعرض وصلت للبوابه الرئيسيه كان فيه زحمه وأنا كنت أدف عربية ولدي وغصب عني ضربت وحده كانت قدامي لأنهم كانو متزاحمين حيل عند الباب..هي التفتت لي وأنا بطبعي دائما إذا ضربت وحده غصب عني أعتذر منها على طول..فقلت لها معليش أنا آسفه..قالت وبصوت عالي ليش مو شايفتني واقفه قدامك..وتقولها بنفخ ..انا مشيت وتركتها وأسمعها تتكلم مع اللي جنبها عني أنا لما ركبت السياره وربي غصب نزلت دموعي طيب ليش كذا أنا طيب أعتذرت لك..يعني لو إني سكت وتركتها كان يمكن ماتضايقت هالكثر ع الأقل أقول يمكن ع بالها إني متعمده..لكن أنا أعتذرت..وربي للحظه حسيت إني أهنت نفسي وإني ضعيفه لأني مارديت عليها..بس أنا بطبعي مسالمه ماحب المشاكل..يعني ليش كذا ليش هالتصرفات اللي تغث والمصيبه إنك جايه معرض دعوي يعني المفروض تكون الأخلاق عاليه..وربي حيل متضايقه يمكن تقولن الموضوع مايستاهل وبسيط وإنتي مكبرته و و و لكن مدري من جيت وأنا متضايقه وكل مايطري لي الموضوع وأتذكر كلامها وإحراجها لي قدام الحريم مع إني اعتذرت وربي أحس إني بنفجر..بس حبيت افضفض ورجاء اللي عندها رد يغث ويكدر لاتحطه ترا مو ناقصه..أحبكم يابنات عالم حواء