رحت مع زوجي مكتبه ولقيت ......

السلام عليكم ورحمة الله وبركاته
اشلونكم بنات عساكم بخير

الله يسلمكم هذي انا وزوجي كنا في مجمع انتسوق ونشتري اغراض ناقصتنا
وزوجي من النوع اللي يعجلني كثيييير
ولا يخليني اطول بالسوق كعادة كل الرجال
وطلعنا من المجمع وقال لي زوجي انه يبي يمر المكتب (مكتب تجاري خاص له يداوم في المساء بس)
نسى فيه بعض الأوراق المهمة قلت له اوووكي ونزلت معاه المكتب محد كان مداوم لأن الجمعة اجازة
وراح يدور على الأوراق وانا كنت قاعدة في على الكرسي حق الضيوف وهو طلع وراح الغرفة الثانية
والا وانا جيت عند المكتب اللي يقعد عليه (مكتبه الخاص ) ولقيت تحت طاولته هدايا وشكلها من محلات
باريس غاليري والهدايا كثيرة حوالي اربعة وكانت مغلفة بجلاد باريس غاليري الأسود جيت ابي اشوفها حسيت
زوجي بيدخل قمت وغيرت مكاني علشان ما يحس اني شفت شي وجا وحسيته ما يبيني اشوف الهدايا ويحاول يبعدني عن مكتبه بطريقه غير مباشرة عقبها راح صوب مكتبه وشفته نزل راسه ودخل الهدية تحت المكتب بدون ما يحسسنس بشي وانا سكت عن الموضوع قلت يمكن الهدايا لي لأن بكرة هو مواعدني بيأجر لنا فندق
وبنام فيه ليلة وحدة وقلت يمكن يبي يسوي لي مفاجأة ويعطيني
بس والله انا قلبي ناغزني زوجي في عمره ما قد جاب لي هدايا بهالكمية حده حده اذا جاب لي هدية تكون هدية وحدة وبس مبا اربع هدايا مرة وحدة
والشي الثاني ان الهدايا كانت مغلفة بجلاد اسود واللي اعرفه ان باريس غاليري عندهم الاحمر للنساء والاسود
للرجال يمكن وحده اهدته
شوروا علي افاتحه بالموضوع بكرة اذا ما عطاني اياهم ؟ :(

تراني مقهووووورة