اللهم لك الحمد على عظيم نعمك وامتنانك ... اللهم لك الحمد حتى ترضى ولك الحمد اذا رضيت ولك الحمد بعد الرضى..
أولا ... أحمدالله عزوجل على أن يسر لـــنــا سفرتنا الى ماليزيا والتي كانت والله من أجمل وأمتع سفرياتي .
فالشكر لله أولا
ثم الشكر لكل من شاركني الترتيب والرأي في هذا المنتدى الرائع وفي المنتديات الاخرىولكل من كتب تقرير أو استفسر بسؤال.
والان سابدأ تقريري بمقدمة بسيطة فيها بعض النقاط لاخواتي حتى تستفيد منها من أرادت زيارة هذا البلد الجميل والساحر
1/ اخواتي مسالة الحجاب ليست مشكلة ستواجهينها في ماليزيا دعي حجابك كما كنتي في بلدك فالشعب الماليزي مسلم وطيب ويحترم المسلمين
انا والله رحت بعبايتي عباية الراس السوداء وبالعكس زادتني احترام وهيبه صحيح تلقين بعض نظرات الاستغراب والتعجب وليست نظرات استهزاء من الصينين والاوربيين لانهم يمكن اول مره يشوفون حرمة متغطيه ويبلشون فيك وشلون تمشين ووشلون تاكلين بس انتي لايهمونك
2/لا بد من التخطيط المبكر للسفر وهذا له فوائد منها ترتيب اوقاتك ومعرفة الاماكن المهمة ومنها من الناحية المادية
فكل ماتحجزين بدري راح تلقون اسعار ارخص
احنا حجزنا قبل اربعة اشهر بسعر تذاكر غيررر متوقع فمن يوم قال زوجي عن موعد السفر وانا يوميا ادخل على موقع الخطوط السعودية وفعلا لقيت سعر راائع والافضل لك الرحلات المباشرة بدون توقف
3/لابد من جمع معلومات عن الاماكن السياحية والفنادق والاشياء المهمة حتى لو ماقتنع زوجك انتي ابحثي واجمعي معلومات فانت المستفيد الاول
طبعا انا زوجي كان يقول اذا رحنا تتسهل ان شاء الله وصرت ابحث واجمع واسجل الى ان سجلت جدول فيه اكثر من فندق وجميع الاماكن المهمةوالحمد لله استفدنا منها استفادة كامله لانه احيانا في ماليزيا فيه متجعات 3نجوم لكن احنا نشوفها انها خمس نجوم والمكاتب السياحية دايما يعطونك الخمس نجوم واننتي يصير ببالك الي اقل انه غير مناسب وبالعكس وعشان لو احتجتو مكاتب سياحيه تعرفون اللي تبغون احنا تعاملنا مع مكتب سياحي بماليزيا بس عطيتهم اسماء الفنادق اللي قريت عنها وعارفتها واسعارها وكان يحجزها لنا
4/ماليـــــزيا مع الترتيب المسبق أرى انه يكفيها 14يوم
احنا جلسنا فيها 20يوم وحسينا انها كثيررة مررة بس عشان كان فيه عشرة ايام فيها دراسة عند زوجي لان فيها اشياء ماتستاهل
5// الحقائب والعفش لاااتكثرين لانك راح تتنقلين من مدينه لمدينه واذا معك اطفال لازم تخلين معهم شنطه عشان تحطين فيها لبس واكل ومناديل اما انتي خوذي اخف شنطه عندك
واذا انتم راعين قهوة لاتتردي بقهوتك وترامسك اجعليها بمقدمة الشنطه فراح تشوفون ان شاء الله طريقتي بالقهوة
6// اخيرا اجعلي التسوق اخررر همك بس تثقلين على زوجك وغالبا الرجال مايحبون طاري السوق واحنا همنا الاول والاخير السوق
صراحة دخلت كم سوق نفس اسواقنا ونفس اسعارنا والله ماشريت شي
والاسواق الصينيه كلها شناط نفس اللي هابين فيها عندنا هي اللي ممكن تاخذين منها يمكن انها ارخص
والهدايا عندك الشوكولاته والقهوة في كل مكان خذي منها
والان هذا مافي جعبتي من تنبيهات حبيت انوه اخواتي واذكرهم فيها وانتظروني ان شاء الله في باقي التقرير وبحاول انزل اصور اذا قدرت ماضمن لكم الصور
وصلى الله على نبيينا محمد