السلام عليكم ورحمه الله ..
كل عام وانتم بخير ^_^ ..
جاء الحج وجات معاه الرحلات والطلعات والوناسه ..
رحلتنا كانت قبل النحر بيومين >> تعرفون اجازه لازم نستغل كل يوم فيها ..
بعد ماصمنا اسبوع والحمدلله قلنا بنطلع هاليوم نكسر الروتين ونغير جو ...
ومكه الله يعمرها يااااارب مافيها اماكن ..
طلعنا وادي نعمان اسفل جبل الهدا مع انه حرررر بس بعد المغرب هواء عليل يرد الروح ..
وجهزنا طلبات الرحله واشتريناها ..
المنيو :
دجاج مشوي
سلطه خضراء
سلطه طحينه بالفلفل الحار
باباغنوج
رز ابيض
بطاطس ودجز
اول شي بذكر التتبيله السوبر يميه ^_^ ..
تتبيله الدجاج : نجيب الدجاج وننظفه زين بالليمون والدقيق ونحط عليه 3 ملاعق خل
و10 فصوص ثوم مهروس وبصله مفرومه وكمون وفلفل اسود
وبابريكا وتوصي فيهم .. فقط لاغير ونكهته وطعمه لذيييييييذ
فوق العاده واطعم من تتبيله الزبادي ..
الطحينه : طحينه عاديه مويه وخل وملح واضيييفي لها
3 حبات فلفل حاار وع الخلاط لين تزبط ..
الباباغنوج : باذنجان مشوي على البوتجاز مو الفرن اطعممم ..
وجيبي الباذنجان الكبييير طعمه حلو الصغار يجي فيهم مراره ..
بعد كذا طلعي اللب بالشوك وفقط اهرسيه بالشوكه واضيفي له ليمون
ونعناع مقطع وطماطم مقطع وزيت زيتون وفصين او 3 ثوم ويمممممي ....
واذا بتضيفين طحينه فتصير متبل مو باباغنوج >> حسب ماعلمتني زوجه خالي الشاميه ..
بطاطس مشويه ودجز ( سبق نزلت طريقتها بذكرها ثانيه ) : بطاطس مغسله ومقشره
نحطها بصينيه ونحط شوي زيت زيتون ونحط لها كزبره ناشفه وكمون
وفلفل اسود وبابريكا وبودره ثوم وعلى الفرن مع التقليب بشويش عشان لا تنهرس ..
نبدأ التجهيز :
جهزت الدجاج وتبلته والرز الابيض طبخته نسيت اصورهم العذر ^_^
جهزت القهوه
تجهيز السلات
حطيت صحون بلاستك 3 احجام وكاسات مويه وكاسات
ورق للشاي وملاعق معدن >> ماحب اكل بالملاعق بالبلاستك ..
دخلتها بكيس عن الغبار وحطيت علبه السلطه والملاعق لفيتها
بمنديل داخل كيس نايلون >> عشان اذا خلصنا اكل ادحلها بالكيس ماتوسخ السله ..
جهزت فناجين القهوه >> ماحب الورق بالقهوه ماتجيب راسي مقل الفنجان
جهزت علبه سكر و5 حبات ليبتون .. للبرااااد اللي ع الفحم ..
جهزت البراد وحطيته بكيس >> كمان عشان اذا خلصنا ارجعه بكيسه مايعدم الدنيا ..
وحطيت علبه الرز والطحينه والباباغنوج وبيز (( مساكه )) وهذا نسيت اسمه حق الفحم ..
يتبع ~
جهزت بالسله الثانيه اشياء القهوه ..
حطيت المعمول ومكسرات يابانيه وبسكوت مالح ومشمش مجفف
ونقل حجازي اللي هو الحمص والحلاوه الملونه
وحطيت الخل للسلطه والكتشب والشطه والملح .. وقفلتها
وحطيت بسله ثانيه الببسي وبرتقال وكيس الخبز الشامي ..
وجهزت علبه مناديل وتايد عشان نغسل القدر وشبك الشوي وصابون سايل للايادي ..
وتجهزت السلات هنا ونسيت اصور سله ثانيه فيها ترمس القهوه ..
وجالون مويه للشرب والشبك للشوي وفحم والقدر تبع الدجاج ملفوف بالسفره ..
وبالسياره جهزت جالونين للغسيل وكراسي الرحلات وحطب لا غنى عنه..
وصلنا المكان الجميل وهنا شنطتي حطيت الغطايه ولبست نظارتي
الشمسيه ;) ولفيت شعري بالبندانه ..
هذي الشجره اللي جلسنا تحتها مالقينا احسن منها ...
يااارب ارحمنا فيها جفااااااف مو طبيعي كأنه نازله عليها صاعقه
يتبع ~