رحلة البحث عن مفرش الام والطفل من طقطق الى ان عثرت عليه

بسم الله الرحمن الرحيم

اخبارررررررررررررررركم ياحوامل وخصوصاً البكريات

موضوعي هو قصة رحلة بحثي عن مفرش للام والطفل من البدايه مروراَ باكثر من محل الى ان عثرت على اللي ابي

ويمكن بعض الاخوات يستفيدون من المحلات اللي انا مريت عليها ولا عجبتني تعرررررررفون الناس اذواق والميزانيه بعد تحكم :(

وطبعا كثيرمن الاخوات هينا ماقصروا معي وساعدوني لاني جديده بالرياض

المهم بديت رحلتي بزيارة للشامسي في مجمع العثيم مول

لقيت عنده مفرش حلو كامل للام والطفل بحوالي ست ميه ريال بس مافيه شي مميز يعني بسيط بزياده ودارج لاني اكثر المحلات اللي رحت لها لقيته عندها


بعدين رحت لمحلين مفارش في اسواق ريمان عندهم اشكال والوان من مفارش الام والطفل واسعارهم بحدود الالف بس بعد ماعجبوني لاني كنت ادور شي مميز



بعدين رحت للشلهوب والثنيان اللي في اوشيقر مفارشهم دارجه وموجوده بكل محل واسعارهم معقوله



رحت للقبيلي وله فروع كثيره في اسواق المجد والرياض مول والنسيم ومدري وين بعد قال ولقيت عنده مفارش مرررررررررررررره حلوه ومميزه ماهيب دراجه بكل المحلا ت

المهم حطيت عيني على مفرش مره حلوووووووووو وقماشه رررروعه وزخرفته غريبه مهيب دارجه
وحدد لي سعره بالف وميه

ويتكون من : مفرش سرير خمس قطع – سرير كبير للطفل – سرير صغير للطفل – دولاب طفل – علبه مناديل وزباله الله يكرمكم – ومدس تقديم الطفل – وسلة اغراض الطفل


المهم كان فيه كلفه تحت في المفرش ماعجبتني قلت بغيرها

يوم لقيت كلفه بديله ورجعت لللقبيلي بسالهم كم متر يبون

لقيت الدولاب مع سرير الطفل الكببير انباعووووووووووووووا وانقهررررررررر ويدقون على فروعهم ويقولون القماش خلص :(

وهونت عنه لاني نابي اخذه ناقص وارقع فيه


المهم واروح عقب لسوق الرياض الدولي والقى محل توه جديد حتى ريحة الصبغه فيه الظاهر اسمه نونو على الشارع هو

بصراحه حلو وعنده اشياء حلوه بس ماعجبتني لاني اقارنها بمفرش القبيلي

وادخل من داخل والقى محل ثاني بس ناسيه اسمه عنده مفارش عاديه بس عنده مفرش وردي عجبني مرررررررررره بس اانه بسيط

بالاخير قررت اني افصل لي مفرش المهم اقعد اسال بنات حواء واللي تقول لي موضة التطقيم راحت واللي تقول لي لا تفصلين خذي جاهز ونسقيه


بس انا لانها اول ولاده لي ودي بتطقيمه بس ماراح اخذ معها اللبس لاني بشتري قميص النفاس من واحة الجلابيه او الريس

المهم قعدت ادور في المنتدى عن محل تفصيل مفارش والقى احد الاخوات الله يجزاها خير تمدح بمحل اسمه الطلحي في سوق ابن دايل
http://forum.hawaaworld.com/showthread.php?t=656152#Scene_1
واروح له اليوم العصر والقى عنده اشياءءءءءءءءء تجنن كلها معروضه مفارش ام وطفل مره حلو

واختار لي واحد بيج غررررررررررررريب ومميز من جد حلو

حتى شفت عندهم اسرة الام عليها من فوق زي الستاره

المهم خذت لي واحد بيج بس مااخذت الطقم كله خذت منه :

مفرش الام ويتكون من سبع قطع بخمس ميه وخمسين – سرير طفل كبير بحوالي ست ميه – سرير صغير – دولاب طفل – سله حلويات بس انا بخليها لاغراض الطفل وطلعت علي بالف وست ميه

طبعا فيه قميص ومدس طفل بس شكله شين ومفرش طفل وشكله بعد عادي مابغيتهم

وانتهت الرحله عند هذا المحل:icon28:

واسعاره غاليه بالنسبه للمحلات الي رحت لها قبل لكن عنده شي مميز واتمنى انكم تستفيدون محلات رحلتي :icon28:

وادعوا لي ربي يقومني بالسلامه :)