رحلة العمر الى انترلاكن اجمل ما في الكون

الرحلة على الخطوط القطرية
الدرجة السياحة انا وزوجي
من الدوحة الى زيورخ بالطائرة ومن زيورخ الى انترلاكن بالقطار


المسافة من زيورخ الى انترلاكن بالقطار ساعتين
ويمر الوقت ما تحسين فيه من جمال وروعة الطبيعة


ولذلك اخترنا السفر الى زيوخ بدل جنيف لانها ابعد عن انترلاكن من زيورخ

تكلفة الرحلة تذاكر وسكن
التذاكر على الدرجة السياحية لشخصين لان حجزناهم متاخر كانت غالية شوي 11080 ريال
لو سبقنا ممكن نحصلهم ارخص

سكن ماريوت زيورخ بدون فطور 1040 ريال

سكن انترلاكن لمدة 10 ايام 16552 مع الفطور ريال

القطار من زيورخ الى انترلاكن درجة اولى 216 فرنك سويسري ذهاب وعودة

اما الا كل فيعتمد على نوع الاكل والمطاعم اللي تروحون لها


وهي سويسرا غالية في كل الاحوال وفي نظري اغلى من لندن

لو تاخرت اعذروني فانا الان في انترلاكن واكلمكم لايف وكلكم تعرفون مشاوير وطلعات

واحب اذكر لكم

النقاب عادي والعباية سودا عادي واخذي راحتك في لبسك المعتاد عادي

السويسريين ناس طيبين لكن البلا في بعض السواح اللي ماشافوا خير بعضهم يقعدون يطالعون من فوق لتحت

عكس السويسريين اللي مالهم شغل ومخلينا على راحتنا

الله يهننا بسفرتنا ويحقق لكل وحدة منكم امنيتها للمكان اللي تبغي تسافر له




مع الصور

من مطار الدوحة

الصالة اللي جلسنا فيها


كان فطورنا بسيط لان الرحلة في الصباح















بينت سويسرا وثلوجها





وصلنا زيورخ بعد 6 ساعات ونص

اخذنا تذكرتين للقطار من المطار الى محطة زيورخ ارخص من التاكسي

التذكرة الوحدة 6،40

وصلنا محطة القطار بعد 12 دقيقة نزلنا ورحنا مشي لفندقنا اللي حجزنا فيه



تابعوني