رحلة بنت بطوطة الي غرفة الولادة

السلام عليكم ورحمة الله
راح احكي لكم قصتي كلها مرة وحدة لاني مااحب حركات التشويق وتسحيب
الحمد لله ولدت بفضل الله ورحمتة في25/5 :icon28: بعد ان اخذت من العاشر اسبوع وبدأ ياخذ منى الملل والقلق حدة :icon33: لان الطبيبة قالت لي ان الموية بدات تنقص حول الجنين واذا ماتمت الولادة خلال ثلاثة ايام سوف تتدخل لتسريع الولادة
وبعدها استخرت الله في شرب زيت الخروع وبالفعل شريتة و في الليل لاحظت علامات ان الرحم مفتوح وهو من قبل مفتوح 2سم بس الطلق كان بارد وعلى فترات متباعدة جدا المهم توكلت على الله وشربت الخروع مع عصير البرتقال الساعة 12الليل ونمت وصحيت الساعة 2ولم يبدا لة أي مفعول وعلى الساعة 3 بدا مفعولةاسهال الله يكرمكم ومغص بسيط وبعد نص ساعة بدا الطلق وبدات امشي في الصالة وسويت لي قرفة بالعسل وشربتها
ويصحا زوجي:arb: ويقول لي حاسة بشي قلت لا مغص عادي بعد الخروع ابية ينام ومايقلق ولما جات الساعة الرابعة رحت امدد جسمى لاني تعبت :( انسدحت وانا احس بالطلق بداء ينتظم ويتقارب وبعدين سمعت صوت اذان الفجر قلت خليني الحق اصلي قبل ماتظهر علامة الولادة ولما قمت نزلت على موية كثيرة ومع كل حركة تنزل هنا عرفت انة خلاص ولادة وصحيت زوجي وقلت بسرعة على المستشفي انا فيني ولادة :06:
وصلنا للمستشفي وطلبنا الطبيبة ودخلت الطوارئ وكشفت على الممرضة الولادة وقالت الرحم مفتوح 5سم واتصلت في الطبيبة قالت طلعوها التنويم واذا انفتح الرحم 6سم انا اجي تبي تكمل نومها الهانم:30: والساعة 6جت وكشفت على وقالت بعد نص ساعة ادخلك غرفة الولادة وانا كنت تعبانة مرة من الطلق والاسهال الله يكرمكم وقلت لها انا مااقدر اتحمل اكثر اعطيني الكمام اوابرة الظهر رفضت وقالت الطلق معك ضعيف ماينفع اعطيك الكمام هذا خطر على البيبي وراحت وطبعآ الاهمال سمة كل المستشفيات حتى لو كانت خاصة الممرضة ماشفتها من يوم دخلت الغرفةوشبكت على جهاز قياس الطلق ونبض الجنين اختي الله يجزها خير هي اللى توديني للحمام وتردني وتشبك لي الجهاز مرة ثانية وبعد ساعة طلبت اختي الممرضة وقالت لها طبيبة قالت بعد نص ساعة تطلعها غرفة الولادة وتعطيهاالكمام علشان يخف الالم قالت لا بدري واصرت اختي عليها انها تقيس كم انفتح الرحم وقاست وبسرعة طلبت كرسي متحرك وطارت بي لغرفة الولادة:11retcher وفيها اتصلت على الطبيبة وقالت الرحم مفتوح 8سم وطلبت منهن الكمام قلت احس بالم شديد وبكل برود قالت لامافية كمام احسن الالم كثير بيبي يطلع بسرعة وبعد شوي اعطوني الكمام بس زي قلتة ماخفف الالم والله احس بالطلق من بدايتة لين النهاية المهم جلست ماجت الطبيبة والممرضات ماهم عندي يمرون بس يطلعون شكلهم عندهم حالت ولادة ثانية وبعد فترة جات الطبيبة وكشفت وقالت الراس مرفوعة راح اعطيك طلق صناعي وراحت وبداء الطلق يشد والله اني بدات ازحر والبيبي بيطلع وانا ماعند احد لاممرضة ولاطبيبة ومرت اللمرضة وشافتني ونادت الطبيبة والحمد لله اللى سهل على وجبت احلا بنوتة وسميتها ميار ولما فقت صرت ابكي فرحة وقهر من الاهمال اللى لمستة وهذا كلة وانا بفلوسي جاية ابى رعاية واهتمام وتكملة الاهمال بعد الولادة من ساعة مااحطونى في الغرفة ماشفت الممرضات ولاالطبيبة ولما فقت شوي لنفسي وحبيت اروح اتغسل واغير مالقيت لابيتادين ولامرهم المفروض يكون الطبيبة صارفتهم اللى المهم ناديت على الممرضة طلبتهم منها وقلت تعالى سوي لى تدليك للرحم قالت طيب وراحت وماشفتها بعد كذا وراحت اختي وطلبت منهم الغسول واعطوها وانا اللى سويت لنفسي التدليك والطبيبة ماشفتها الا وقت خروجي من المستشفي جات تقول بتطلعين الحين قالت اكيد وش يجلسني اجلس للدجة حتى ماكشفت على وماتدري انا معي نزف والا لا شفتو قد ايش احنا ياسعودين مهضومة حقوقنا في المستشفيات العامة والخاصة لانة مافية عقوبة رادعة للمهملين واللى مايقدمون الخدمات اللازمة لكل مريض :angry2: