رحلة عائليه مكلفه خلتني في موضع احراج والحل؟!

السلام عليكم ورحمة الله وبركاتة
عطوني رايكم في الموضوع
خططنا مع أهل امي نطلع رحله في العيد
وفكرنا نحجز منتجع
أول خطوه دورنا منتجع نظيف ومرتب وفيه العاب وكذا المهم لقينا واحد ب٣٠٠٠ آلاف ريال وقسمنا المبلغ كل شخص يدفع ٢٠٠ ريال
عدد الكبار ١٥ قسمنا على هالاساس واتفقنا نجيب الفطور معنا كل وحده طبق
والعشاء صواني ومحاشي وحلى نطبخها ببيتنا ونجيبها نحطها بالثلاجة لين موعد العشاء نحمرها بالفرن ونسخنها
بقى الغداء ناس اقترحت طبخ في المنتجع وناس قالت مطعم
في النهايه اتفقوا نطلب من المطعم ولايم لحم بمبلغ وقدره
ويبون يقسمون المبلغ على الأطفال كل وحده تدفع عن طفلها ٥٠ ريال وانا عندي اربع اطفال قلت اوك
بعدها زادوا كل طفل صار ٨٠ ريال بعدها ٨٥
اقترحت عليهم نقسم الغداء نص لحم ونص دجاج
عشان يكفي الغداء ويقل المبلغ رفضوا وبعضهم قال عيد ودجاج ماحد يبي دجاج ومدري ايش و لازم كله لحم ويالله ادفعوا دفعت قطية المنتجع
باقي فلوس الغداء
المشكله وصلت القطه ٥٠٠وشوي وتدرون عيد
ومصاريف وانا مصروفي مع عيالي كامل ١٥٠٠ زوجي مستحيل يعطيني غيرهم حاولت كثير مانفع ودخلنا بمشاكل عشان هالموضوع وصامد رافض يزيدني
المهم لو دفعت هالمبلغ من وين اجيب لبس للعيد لي و للعيال مره متأزمه ابي اروح معهم لكن القطه كثيره علي هذا اذا مازادوها بعد
والحل مع الشخصيات المتحكمه اللي ماتراعي
مابي انسحب بنفس الوقت المبلغ اللي بيبقى مايكفي مصاريف العيد والحل؟!