كوبونات الراقية تسجيل الدخول

هالة
هالة •
ماشاء الله ............

تقبل الله منكم عمرتكم......................
كملي ياعمري متابعه معااااااااااااااااااااااااك...........
زهرة النوير
زهرة النوير •
يا حيا الله الغاليه ام عموره العسل .. والف شكر على كلامك العسل

حياك الله الغاليه هاله ..الف شكر على المتابعه ..

واتابع معاكم ..

واصلنا السير والطريق لا يزال طويل جدا ..

قاربت شمس اليوم السادس على الغروب و اشترينا من الدوادمي التمر والعنب والرقي ( البطيخ )

لكن لابد من الماء واللبن ..وقررنا التوقف عند احد البقالات لشرائهم قبل دخول الصحراء ..

والمفاجأه ان البقاله اللي وقفنا عندها نفس البقاله اللي وقفنا عندها في اول يوم لشراء الماء والعصير لفطور اول يوم

لكن الغريب ان ابو العيال كان حريص ان لا بشتري منها في العوده وكان يدور على غيرها ..لسوء اخلاق العامل فيها

رغم انه معلق يافطه ( لا نبيع الدخان ) ولكن الله يرزق من يشاء ...وكان هذا رزقه ان نشتري منه .. ونفس الشيء

كان ابو العيال يبي يغسل لنا الرطب والعنب من تانكي موضوع بره البقاله فقال له لا تغسلهم هنا هذا ماء للشرب !!!

وطلب منه ان يغسلهم بالمطبخ وما ادري شنو نوعيه الماء اللي في مطبخهم .. عموما ما كان عاجبهم ان نستخدم شويه ماء من عندهم ..

وغربت شمس اليوم السادس

179578
وهذا فطورنا

179579

واصلنا السير حتى منطقه المجمعه وكان وصولنا بعد صلاه العشاء

وهالمره طلب العيال العشاء من مطعم للبيتزا كنا الوحيدين فيه ! لكن ابو العيال واصغر العيال أصروا على المندي

قعدنا احنا في المطعم واحضروا وجبتهم مندي دجاج ومثلوثه معانا ..

وبحمد الله واصلنا السير مع استراحات كثيره جدا بالطريق ..

وصلنا الكويت بحمد الله صباح السبت السابع من رمضان ...

كلنا نشاط سبحان الله توقعت ان العيال ينامون من تعب الطريق ..وكذلك الخادمات اللي كنت ماخذتهم معاي لاول مره يشوفون الكعبه وكانوا في قمه السعاده ..وصراحه هذه العمره كانت علشان خاطرهم بالأصل ..وصادف انها صارت في رمضان ..وهي العمره اللي كنت احلم فيها من زمان ان يرزقني الله عمره في رمضان غير عن كل الشهور
سبحان الله لها طعم ولذه غير ..اسأل الله ان يكتبها لكم ..
طبعا الكل في كامل نشاطه جابلوا التلفزيون والسوني ! و الخادمات بدأوا بتنظيف البيت بكل همه ونشاط
وبصراحه ما كنت ناويه اتعبهم بدخول المطبخ لكن بسبب همتهم العاليه ما شاء الله .بدأنا باعداد الفطور
وحتى البنات سبحان مغير الاحوال كل وحده تبي تسوي لنا طبق ..
وكانت هذه سفرتنا اول يوم بالبيت ..بسيطه لان معدتنا مو متعوده بعدها على الاكل ..

179580
سفره فطور السادس من رمضان
لكن بعدين بتشوفون اشلون الاطباق تزيد يوم بعد يوم ما كأننا سبحان الله ما قعدنا 3 ايام في مكه على الماء والتمر والسوائل لغايه ما بعد منتصف الليل ..
179581

179582
طبعا الفيمتو + شربت الورد ومعاهم شوربه العدس + بطاط مقلي
رطب و الرقي السعودي اللذيذ .
ومثلثات التوست بالدجاج من ايد بنتي الصغيره
ومثلثات التوست المحمصه بالبيض والجبن والبقدونس من ايد بنتي الكبيره
ومجبوس الدجاج + مرقه الحاشي ! مع خبز التنور
والحلو جيلي وكريم كراميل
ولكن ما صورته لكم ..
لان بعد الفطور تعبنا حيل من هالاكل رغم اننا ما اكلنا وايد ..

وتابعوا سفره اليوم الثاني اللي زادت فيه الاطباق شويه !!ورجعت حليمه لعادتها القديمه !! ورجعنا للمطبخ وكتب الطبخ ..
بس امنيه حياتي ان اقضي رمضان كله في مكه اتفرغ للعباده وقراءه القرآن الي تشغلنا عنه امور الدنيا اللي لابد منها ...
لكن وين بعد يومين كان بدايه العام الدراسي للمرحله الابتدائيه وداومت بنتي الصغيره ..وبعد يومين يداومون الكبار بالمتوسط والثانوي .. وارجع انا لدوامي :(
بس الجامعه دوامهم بعد العيد .. صحيح العمل عباده لكن اول مره احس بحلاوه الاجازه في رمضان ..
زهرة النوير
زهرة النوير •
سفره فطور السابع من رمضان


179583


شربت الفيمتو + عصير الليمون بالنعناع

شوربه عدس - محروق صبعه بالعدس - تشريبه - فته باذنجان

افخاذ دجاج بالبقسماط - هريس من خالتي الله يحفظها

وبعد الصلاه :لكن للاسف ما صورتهم

عيش بخاري بالدجاج + مربين من خالتي

والحلو :

عصير صمدي ( عصير منجه + فواكه مشكله + آيسكريم )

جيز كيك خفيف جدا بالليمون من ايد اختي
179587
ملوووووكة
ملوووووكة •
زهرة النوير زهرة النوير :
سفره فطور السابع من رمضان 179583 شربت الفيمتو + عصير الليمون بالنعناع شوربه عدس - محروق صبعه بالعدس - تشريبه - فته باذنجان افخاذ دجاج بالبقسماط - هريس من خالتي الله يحفظها وبعد الصلاه :لكن للاسف ما صورتهم عيش بخاري بالدجاج + مربين من خالتي والحلو : عصير صمدي ( عصير منجه + فواكه مشكله + آيسكريم ) جيز كيك خفيف جدا بالليمون من ايد اختي 179587
سفره فطور السابع من رمضان 179583 شربت الفيمتو + عصير الليمون بالنعناع شوربه عدس -...
عمره مقبوله حبيبتي الله يتقبل منكم
وربي امتعتينا بالصور وكلامك العسل
سفره دايمه ومبارك عليك الشهر حبيبتي
ام عزيزان
ام عزيزان •
ما شاء الله

تبارك الرحمن

عمممممممممره مقبوله وربي يكتب لكم اجرهااااااااااا

والرحله جدا ممتعه وكاني وانا اقراها كنت معاكم والله :)

وماء زمزم فعلا عجيييييييب سبحان الله لما رحت للحج واتعب كنت اشرب ماء زمزم وكان يعطيني القوه والنشاط لاتابع السييييير

تسلم ايدينك على الاطباق الشهيه ومبارك عليك باقي الششششهر الفضيل

:)