السلام عليكم ورحمة الله
قصة موضوعي بإختصآر هو اني كنت انثى بالإسم فقط .. مجرد حواء .. فاحبب ان اتغير للافضل .. احبب ان اظهر انوثتي .. وطبآع الانثى الحقيقية .. فقمت برحله طويله للتغير وسميتها (رحلتي نحو الجمآل )
فرحلتي كانت عباره عن الاهتمام والعناية من جوانب عديده وهي :
1- مظهري ولوكي : وهي رحلتي نحو تغيير شكلي الخارجي .
2- ذاتي ونفسيتي : وهي رحلتي نحو تغيير ذاتي وجوهري الدآخلي وتغذيتها بقدير الذات والثقه والتفائل وغيره.
2- جسمي : رحلتي نحو الرشاقه + توحيد لونه وجلعه قطعه واحدة ..
فرحلتي حتكون عباره عن مواضيع .. كل موضوع حيبين رحله من الرحلآت ..
فهذه رحلتي الأاولى ( رجلتي نحو تغيير شكلي الخارجي ولوكي )
سابقآآآ :::----
كنت اظهر باناقه مقبوله لأنو امي هي الي كانت تختار ملابسي .
والسبب انو ماكان عندي ذوق .. ماكنت اعرف الالوان الدقيقه زي الخمري والعنآبي وكذآ ...
ماكنت اعرف اسماء الملابس إلا بنطلون وبلوزة .. اما تيشيرت وبدي ودآ الكلام فما كنت اعرفه ...
لوكي كان مكرر دومآ بحيث :
مكيآج : دائم كحل اسود وروج وردي وبسس مااعرف اسماء ادوات المكياج ولا اعرف شئ اسمه ترتيب الحواجب وكنت اتركها كذا !!
شعري : دائم اعمله بف من قدام ومن ورآ كعكعه ..
ملابس : دائم متكونه من قطعتين .. بلوزة وبنطلون او بلوزة وتنورة .. الفستآن ذآ ماأعرفه ومالبسته إلا لما كنت طفله البس فساتين منفوشه ..
شنطتي وجزمي الله يكرمكم: كان عندي شنطه وحده لكل طلعآتي وزياراتي .. وكنت اغيرها بس لما اكون رايحه لفرح ..
جزمي : كانت وحده لكل الطلعآت ماعدا الطلعات الفاخرة زي زواجات وكذآ ..
وكنت اكرر ملابسي بشكل كبير .. والكل ملاحظ ذآ الشئ .. وكانو قريبآتي الي بسني يدقوني بالكلام بس كنت اظنش ولا أهتم ...
كان عندي عبايآ وحده .. البسها لكل مكآن .. بحر .. سوق .. زواج .. كللله ..
وكنت البسه كذآ بدون كوي .. وكنت اكورة لما ارجع واحطه بالدولاب ..
بعد ذآلك ...
جاء اليوم الي قررت التغيير .. قررت أبرز الأنثى الي جواي ..
فأهتممت بمواضيع الجمآال في حواء .... مكيآج العيون ورسماتها .. الملابس والموضة .. قصآت الشعر وتسريحآته ....
اشتركت بدورة هنآ لتعلم انواع الاجسآم والي ينآسبها فعرفت نوع جسمي التفاحه وعرفت الملابس الي تنآسبني ...
وكنت اشوف صور لأناقة الكوريآت ودمجهم الرهيب للبلايز .. ولبسهم للشالات وغيره ..
فتحت مجلد كامل على لابتوبي .. ومليته صور ازياء وملابس .. اتأملها كل مافضيت وأشوف تنآسق الالوان ..
من هوايتي السباحه في البحر ..
فأامي كانت تنصحني انو انآظر للمرجآن الرائع الملون .. وتقولي خذي تنآسق الوان ملابسك من تناسق الوان المرجآن ..فنفذت الي قالته وحقآ صدقت ..
ليآ اسبوعين تقريبآ نزلت السوق واشتريت لي ملآبس جدييييدة ..
آخر نزله لي للسوق كانت اول مره بحياتي اشتري شالات الفها حول رقبتي بنعومه .. اشتريت أطواق ملونه وعلى شكل روود كبيره .. وحلقآن وأساور بأشكال غريبه وجذابه ..واشتريت لي نظآرة شمسية جميلة ..
من حوآء ..
اتعلمت كيف أرسم حواجبي الكثيفه .. الي كنت اتركها بدون ترتيب ..
تركت مكياجي المكرر.. الي زي ماقلت كان عباره عن كحل ومسكآرا وروج .. بدأت احط كحل ابيض وفضي وازرق والوان اخرى .. . صرت احط احمر خدود وعرفت كيف ارسم عيوني واظللها بظلال رائعه ..
صرت احط ارواج بألوان متنوعه .. لحمي . احمر.. وحتى موفي ..
فالسر هو كيف اختار الروج المنآسب لي..
اشتريت مسكآر بألوان متنوعه وعديدة ..
أشتريت ستكرات على شكل ورود احطها على كتفي او طرف نهاية رقبتي ..
نزلت لكوفيرآ ... قصيت لأول مره قصير بغرر على وجهي .. وصبغته لاول مره خصل بالأحمر العودي على بني ..
عملت تنظيف لوجهي وتشقير لحواجبي ...
كنت احسب انو شعري مااقدر اتركه منسدل لأانه كيريلي ..
لكن كنت مخطئه .. صرت أظهر بتساريح متنوعه.. اضيف لها الشرايط والاطواق واحياانا افردة وانزل الغرر على وجهي ..
اشتريت عباية .. خليته للفرح والمناسبآت الفاخره فقط ..
وصرت اكويه واعلقه بعلاقه واحطه بدولابي لما ارجع من الخارج ..
ملآآبسي .. نزلت واشتريت ودمجت .. افتكر اخر عزومة كانت اول مره اظهر تغيري .. الكل كان ينظر لي بإنبهآر ..
علما اني مازلت ممتلئه .. لكن السر في اخيار الملابس الي تخفي جسمي وتظهره انحف بخمس كيلو!
حتى يقلولي نحفتي !! واانا بالاصل ماني نحفآنه ولاشئ ولكن الازياء هي فن تقدري بيه تظهري الي تبيه وتخفي عيوبك جسمك بواستطة ..
الكل صار يبتسم لما يشوفني واشوفهم ينظروي بإنبهار ويتغزلو باناقتي و بـالشال الفاخر الي الفه حول رقبتي وللوردة الحمرآء الي احطه عند اذني ولمكياج عيوني الي يسالوني كيف عملته ويقربو مني ليشوفو كيف رسمته ..
بصراحه حقآ شعور رائع وجميل ..
حسيت اني جميله جدا جدا .. واترفع شعور ثقتي بنفسي بشدة ..
ارفقت هذا التغير بتغيير في اسلوبي .. ولكن حأذكر كيف تغيرت فذي الناحية بالموضوع الجآي الي هو عن ذاتي .. وكيف اتغلب على الازمآت وتحفيز ذآتي ..
تم بحمد الله
لأني تقريبا مثلك
شكرا يقلبي