تعالو عندي لكم موضوع
،
موضوعنا عن علاقتنا بالطبيعة
حولنا مخلوقات كثير خلقها ربي سبحانه ، تعطينا تفكر و تأمل في قدرته
و تعطينا احساس ممكن ما نلاقيه في البشر من حب و حياة و نمو خصوصا لما نشوفها تكبر قدامنا تحسسنا بالزمن الي يمر و بالوفاء
،،تخرجو لحدايق و للبحر؟
تخرجو للبر؟ تباتو هناك؟
كيف علاقتكم مع البحر و هل جربتو تصيدو سمك؟
ايش تسوو لما تروحو البحر و خصوصا الشاطئ؟
،
الحيوانات الأليفةعندكم حيوان أليف في البيت؟؟ ايش هو؟
ايش ربيتو سابقا من حيوانات اليفة
و برايكم ايش افضل حيوان أليف
،،
بالنسبة للزراعة
كيف علاقتكم مع الزراعة؟
انا بطفولتي كلما اكلت فاكهة اخذ حبتها احطها بالتراب هههه انتو مثلي؟
،،
اتحفوني
تعالو عندي لكم موضوع
،
موضوعنا عن علاقتنا بالطبيعة
حولنا مخلوقات كثير خلقها ربي سبحانه ، تعطينا...
أحب أخرج للحدايق و البحر و هالشي ما استغني عنه لاني ميالة للطبيعة
احب الكرنيشات و الشواطئ بس أفضل الشاطئ
ما جربت اصيد للأسف بس مقررين نشتري سنارة
لما اروح للبحر ، اذا كان كرنيش نجلس و اكون مجهزة اكل و شاي و البنت تروح تلعب
الشاطئ نسوي حاجات كتير
احيانا نلم اصداف و احيانا ندور عن الحيوانات الي تكون قريبة
البحر الاحمر ماشالله مخلوقاته تجنن و اصدافه و احجاره
لما كنت في الشرقية كنا نروح الخليج العربي
حلو بس البحر الاحمر افضل بالنسبة لي من ناحية تنوع المخلوقات
ايوه و احيانا نمشي في البحر بدون سباحة
احب ريحة البحر خصوصا لما يكون نظيف
،،
بالنسبة للحيوان الأليف
سبق و ربيت سمك زينة من النوع الولود
و عصافير كناري
و عصافير بادجي للان موجودة عندي
بوريكم صورها كلها
كنت ناوية اجيب بسة بس جربت اخذت بسة جيراننا كم يوم ببيتي و ما عجبني الوضع
،،
الزراعة طبعا عشق عندي كمان هههه
من طفولتي ماخليت فاكهة ما جربت ازرعها
الطماطم البرتقال التفاح البطاطس التمر الفراولة
و حاليا اعلم بنتي هالشي
و فرحتني لما حبت الزراعة هي كمان
،،
قبل شهر نزلت لها في جوالها قصة من كرتون حكايات عالمية اسمها بائع التفاح > ابحثو عنها في يوتيوب موجودة
المهم من ضمن احداث القصة انو عجوز ياكل تفاحة و يحط بذورها في الارض و تطلع له شجرة
سألتني و هي تشاهد : ماما انا لما احط حبة التفاح يطلع لي شجرة؟ قلت لها ايوه يا ماما
مر تقريبا اسبوعين و انا نسيت الموقف
كانت تاكل تفاحة و فجأة مسكت الحب في يدها
قالت : ماما يلا نحطها في التراب عشان تطلع شجرة
انا دمعت عيني من الموقف ، يقال لي تأثرت ههه
بس عن جد ما توقعت منها انها اخدت الموضوع جد لهالدرجة و فهمت علي
حطيت لها بذور التفاح في قطن و غرقته موية و نبت و الحمدلله و حاليا عمر تفاحتنا اسبوعين
لو اعرف انزل صور بالجوال كنت نزلت لكم صورتها
،،
هذي صور الاسماك الي ربيتها
سمكة المولي
اكتر سمكة حبيتها
كنت اشوفها قدامي و هي حامل و بعدها يجيها المخاض و تولد
كنت ابكي لما تولد هههههه
مع اني كنت مو مجربة المخاض لسا
\
سمكة الجوبي
الوانها تجنن ، انا كنت اسميها ملكة الجمال
جمالها ماشاء الله تبارك الله
ابحثو عن صورها حتلاقو الوان كتير منها
\
البلاتي
حلوة و مسالمة غالبا و ولودة
\
الزبال
مسالمة و في حالها لا يمكن تأذي احد او احد ياذيها
تنظف الحوض
كمان هذي حبيتها مرا
\
العصافير:
الكناري
تغريد و صوت ماشاء الله
كنت لما اسمع صوته احس بأمل و جمال
الي كانو معاي زي كدا
،،
حاليا عندي بادجي
هذا