قبل اسبوع تقريبا قررنا انا وابو التوت نسافر المنطقه الجنوبيه والقرار هذا جاء فجأه يعني يوم الاربعاء اخذ اجازه اسبوع وقال نمشي بكره رحنا بعدها على طول نفتح النت ندور حجز ونلاقيه فل مافيه الايوم الثلاثاء القادم قلنا يالله مافيه الا سيارتنا تتحملنا وتودينا صحينا يوم الخميس متأخرين الستعه تسعه وكنا مجهزين عفشنا من الليل على طول حملنا ومشينا بسم الله وبعد ماوصلنا الافلاج كان كل شئ تمام فجأه وبدون سابق انذار ارتفعت حرارة السياره ويوقف ابو التوت يشوف شالسبب ( امور سيارات ما افهم فيها ) بعد كذا شوي شوي لحد ماوصلنا بترو ليلى وقفنا واخذنا انا غرفه ففي فندق عندها وراح ابوالتوت يودي السياره لانها بعد ما وصلنا للبترو وقفت ولا عاد اشتغلت تقول خل تنفعكم الطياره اللي بديتوها علي طبعا السياره يبيلها قطع غيار والقطع موب موجوده هنا لازم اقل شئ يومين على كذا راحت الرحله قررنا بعد كذا نشحنها على سطحه ونركب لنا سياره توصلنا ابها ( ماعليش الا هالحظه ماصورت شئ من الروعه ) والحمدلله ركبنا مع صاحب سياره خاصه وصلنا للجنوب بستمية ريال يعني كل كيلومتر بريال والحمدلله ماجت الساعه 11 الا انا في الجنوب طبعا السياره وصلت الساعه 12ونص بعدكذا اخذت لها يومين على بال ماتتصلح في هاليومين رحنايوم للحبله واليوم الثاني كان يوم الاحد مبارة المنتخب النهائيه جلسنا نشجع وماطلعنا ونفس اليوم كتبو لسيارتنا خروج (منومه )والحمدلله بعد كذا بدت التمشيات الحلوه على سيارتنا الحلوه الله لايخلينا منها
طبعا اول يومين سكنا بالواديين منطقه قريبه من الحبله ودلغان
بعد كذا طلعنا وسكنا بين الواديين وابها وهذي صور للمجمع اللي سكنا فيه
وهذي واحنا طالعين من المجمع
طبعا جلسنا في هالمجمع يوم واحد بس عقب قلنا خل نطلع ندور لنا سكن بالسوده ( ندور البراد ) لكن للاسف السوده مابغتنا كله فلللللللللل وراح علينا اليوم كله دوران في السوده
لكن مايمنع اني القط لكم كم صوره منها هذي بعض من المجمعات اللي مريناها ولقيناها فلللل
مجمع الجعيثن والفلل حقته صراحه رهيب من جوه
بتبع ارجوكم لاتردون لين اكمل
وهذي قرية شيخه والفلل حقتها ومصوره لكم الاستقبال بعد
قرية السوده السياحيه
الحين خليكم مع مناظر السوده والامطار والبرد
يتبع