.
.
قال "الشافعي" رحمه الله ..\
تغرب عن الأوطان تكتسب العلا
وسافر ففي الأسفار خمس فوائد
تفريج هـمٍّ واكتسـاب معيشـة
وعلـم وآداب وصحبـة مـاجد
فان قيل فـي الأسفار ذل وشدة
وقطع الفيافي وارتكاب الشدائـد
فموت الفتى خير له من حيـاته
بدار هوان بين واش وحـاسـد
فالشافعي رحمه الله عدّ من فوائد السفر خمس فوائد .. وهي ..\
انفراج الهم، واكتساب المعيشة، وحصول العلم، والآداب، وصحبة الأخيار والأمجاد.
وقال "الثعالبي" .. من فضائل السفر، أن صاحبه يرى من عجائب الأمصار، ومن بدائع الأقطار ومحاسن الآثار ما يزيده علماً بقدرة الله تعالى ..‘
حتى سبحان الله تلاحظون في أنفسكم تغيّر النفسيات في السفر و المشاعر تلاقينها غيييير عن وأنتي في البيت .. تصير فيّاضة :icon20: .،
ولأني مؤمنه بأن السفر له فوائد عظيمة .. صار فيه قصة حب بيني وبينه
..وبما ان الاجازات جايه ان شاء الله سواء بالحج او حتى لو اربعاء و خميس وجمعه : )
حبيت أفيدكم بسفره لنا بصراحه من الصيف وهي في ربوع بلادي
..وقريبه مررره وتحصل للكل ان شاء الله ..
بشرط تختارين التوقيت المناسب لا يقعد أبوك والا زوجك يدعي على من دخل الفكره في راسك :icon32: ؟
وياليت بعد ما أنتهي من الموضوع..
اللي سبق و سافرت لمكان معيّن وتحس بحنين دائم له تذكره لنا ؟
طبعاً غير مكه و المدينه لأنها فعلاً خارج عن المقارنه و أصلاً الرحله غالباً ماتبدأ فيها .
لكن أنا أقصد كـ سياحه .. سواء داخل أو خارج الدوله اللي أنتي فيها ،
وهل تحسوون فعلاً ان السفر يجدد بحياتك اليوميه شيء ؟
ومن أي ناحيه ؟
واذا كنتي تقدرين تتحفيننا ببعض الصور لمناظر فيه فـ ياليت ..،
معظم الأسر تحتار قبل السفر .. فياليت نتعاون : )
سفرتنا هذي كانت في الصيف وصورت فيها كل شيء :biggthump .
وقلت أفيدكم ..
عموماً المنتجع هذا شهادتي فيه مجروحه ..
وبصراحه أكثر لو ماأروح له بالسنه مرّه أحس اني فاقده شيء : (
اسم المنتجع .\ " الخليج مكارم "
موقعها . \ " الهاف مون "
هذا موقعهم للي حاب يتوسع بالمعرفه عنه أو يتواصل معاهم .\ هنا : )
أحب هالمنتجع مدري ليه ؟
بعض الناس يفضل عليها شاليهات ثانيه بس هذي أحسها تناسب العوايل كثييير غير عن ذكرياتي فيها .،
المهم يابنات الموضوع الصور فيه مرررررره كثيره فوق الـ 100 صورة .‘
تعبت وأنا أنقيها لكم وأعلق عليها فـ ياويلكم لو ماتتابعوني >> عطوها حقاقها خلوها تطس :icon20: !
وبأنزلها على أكثر من رد لأنكم عارفين ان الرد الواحد ما يأخذ الا كمّ قليل من الصور للأسف : (
أتمنى لكم رحلة سعيدهـ معاي أنا وأختي العضوه " وناسه والناس محتاسه "
.‘على طاريها ذاك اليوم وانا أضبط الصور اقولها وش رايك وش أكتب توقيع لإسمي بالصور RoRo والا ReRe احسن ؟
قالت لالا .. امممممم اكتبي R&W .،
قلت وش معنى W :blink: .!
قالت أنا :icon19: ..!!!
مدري ليه واثقه اني بأحط حرفها ؟
المهم اني تعاطفت معها مرره ورحمتها وقلت أحط حرفها <<<< كأنها بتنجلد بعد هالكلمتين :crap: !
.. يُتبع .. و أرجو عدم الرد حتى أكتب انه انتهى الموضوع ..
،
اللي تبي تشوف الصور كامله تفتح كل الموضوع وتروح تتقهوى وتقرى المواضيع الثانيه :icon20: ،
بعدين ترجع بتلاقي الصور تحملت ،
وحطيت لكم الصور نفسها ولينكاتها بحيث اللي ماتطلع معها الصورة وتبي تشوفها تضغط اللينك اللي تحت الصورهـ .‘
عموماً كل الصور من تصوير كاميرتي .\
Nikon 70s
.
.
" اربطوا الأحزمه .. استعدو "
1
2
3
.
.
" اقلاااااااااع "
.
.
في نهاية أيام الاجازه الصيفيه .. وقبل ان تودعنا هالأيام الحلوه قلنا نختمها بـ مسك : )
وفعلاً كان الوالد والوالده الله يحفظهم مخططين لنا هالسفرهـ .. كم يوم بس ، المهم تغيير جو .‘
طبعاً و كـ عادة السعوديين ما يفطن الواحد ان وراه ترتيب أغراض الا ليلة السفره :icon32: !
المهم جهزنا اغراضنا و حاولت أنام ماقدرت من الحماس خخخخخ
انسدحت شوي بعد صلاة الفجر لعلي غطيت ثواني بالنوم الا واللي يرجف الباب يالله مشينااااااااا !
طبعاً متفقين كلنا نمشي بعد صلاة الفجر مباشره .. بس على ماصارت الساعه 5 طلعنا ..
رحت اركض اقول "اصبروو اصبرووو بأصور بأصور " .!
وأمي تقول الحمدلله والشكر سكنهم مساكنهم :sad: وش فيها بنيتي مقومينها من النوم ماسميتوا عليها .؟
قلت لا ياأمي العزيزه بس ودي أصوّر كل شيء كـ حفظ لحقوق ذكرياتنا :biggthump .‘
وفعلاً أشوى طلعت أنا و أخوي الأوسطاني و قعدت أصور السيارات و القهر ان أغراضهم ركبوها الا شنطتي الجميله لأني طبعاً زي ماقلت لكم أخذت غفوه بعد الصلاة .
توزعنا لـ مجموعات ..،
سيارة أبوي فيها أمي و أختي واخوي الصغار وولد أختي و الشغالات .. وتحسفنا قد شعر روسنا اننا اخذناهن معنا : (
لأن بالعاده نروح لحالنا خصوصا ان الشاليهات فيها نظافه كل يوم الصبح يدخلون ..
بس حق قلق صاروا معنا .‘
.
.
أخوي الكبير .. طبعاً نام و ما مشى إلا بعد العصر لحاله لأن كلنا متحمسين نبي نروح بدري خخخخخ
( طبعاً ماوصلنا بدري الحين تدرون ليه بس هذي حوبتنا ما انتظرناه )
.
.
هذي السيارة اللي رحنا فيها مع أخوي الثاني ،
أنا و اختي "وناسه" معه وأخوي اللي بالثانوي بعد ..
وتظهر شنطتي المتأخره دائماً وأبداً خخخخخخخ :biggrin2:
picture
مشوا أهلي وحنّا مرينا " التميمي " .. تعرفون لااااابد من حلاو و قراميش للطريق :f226: !
picture
شرينا خرابيطنا الموضحه بالصوره أعلاهـ .. وانطلقنا بإتجاه " الشرقيه "..
.. يُتبع ..
،