ريم العيد @rym_alaayd

محررة ماسية

رحلتنا للعمره اللي ماانساها....قصه عجيبه

بسم الله الرحمن الرحيم
الحمد لله على كل حال

قصتنا صارت قبل سنتين تقريبا كنت انا وزوجي وولدي في جده نتمشى في الصيف واذا تذكرون كان رمضان في نهاية الصيف المهم قال زوجي ان شاء الله قبل مانرجع ديرتنا ناخذ عمره قلت خلاص الحمد لله على كل حال..........

ولدي كان عمره تقريبا سنتين واختي الله يحفظها كانت في جده{تؤامي}قالت لي خلي ولدك عندي قلت خلاص ورحت لها الظهر مسكينه هي كانت نايمه فتحت لي وعيونها:icon32: وعطيتها الولد وعلى طول على مكه وفي الطريق حصل لنا بداية النكبه سيارتنا الله لايردها من سياره ارتفعت حرارتهايعني لازم نوقف عشان تبرد اااااااااه يالقهر وقفنا في العصر وحرررررررررروصايمين ومانقدر نشغل المكيف عشان السياره مرتفعه حرارتها{على فكره ترو صار عندي خبره في السيارات من كثر ماخربت علينا ذيك السياره الله لايردها يعني تقدرون تقولون عني ميكانيكية سيارات ويمكن افتح بنشري بعد بسبب خبرتي الكبيييييييييره في نكبات السيارات}

المهم وقفنا يمكن ربع ساعه ومشينا على مكه وصلنا قبل المغرب بشوي قال زوجي الله يهديه بنوقف السياره في مواقف كدي ونروح مع الباص الى الحرم قلت خلاص وانا على نياتي مادريت وش بيصير لي في هذا الباص ورحنا الحرم واول ماوصلنا طفنا الحمد لله كان الطواف سهل الحمد لله ويوم جينا للسعي اذن المغرب قعدنا وافطرنا الحمد لله وكملنا عمرتنا قبل العشا بكثيير وهنا تبدأ المأساه..........متعوب عليها

اول نكبه :انسرق على زوجي الله يكرمكم الزنوبه الشبشب
وهنا طبعا تبدا النكبات تنزل علينا من كل حدب وصوب :ohplease:
مشينا من الحرم مع باص يودينا مواقف السيارات واول ماوقف نزلنا وجلسنا نمشي ندور سيارتنا التعيسه ومشينا مشينا ياربي فين السياره مالقينها والوقت كان على العشاء يعني ليل وزوجي الوقت هذا كله حافي والارض كانت حااااااره تقولين الظهرزوجي الحين بدا يعصب واكتشفنا اكتشاف خطيييييييير طلعت حجم المواقف تقولين حاره كامله من كبر المواقف وكانت مقسمه ا ب ت ث يعني مقسمه اقسام كثيره ويقول زوجي وقفت سيارتي جنب غرفه كذا طلعت كل قسم في المواقف فيه غرفه يعني مسالة اننا نلقى السياره التعيسه مطوووووووووله
ركبنا باص ثاني وقال زوجي اذا نزلت انزلي في الباص يركبون الرجال قدام والحريم ورا وخبركم الوحده اذا خذت عمره ماينفع نقاب لازم غطوه وانا اساسا عندي ضعف نظر يعني النظر مو مره والا تمنيت ان معي مجهر مو نظاره عشان اشوف زين من الغطوه وقف الباص ونزلو الرجال قلت اكيد زوجي معهم وانزل وانتظر زوجي يجي انتظر انتظر والباص بدا يمشي ولا جا زوجي جتني وحده الله يذكرها بالخير هي ورجال معها من القصيم باين من لهجتهم حبيت اهل القصيم كلهم واهل الرياض بسبب هذا الموقف جتني الحرمه وقالت اش فيك قلت زوجي مدري فينه قالت امسكي جوالي دقي عليه انا من ذكائي مامعي لاجوال ولا شي قال زوجها اساليها اش اسم زوجها اناديه في الباص وقلت لها اسمه وراح زوجها يناديه ورجع قال مافيه احد بالاسم هذا هنا صار شكلي كذا:eek: اشبسوي فين بروح طبعا الحرمه ماتركتني قالت خذي جوالي دقي وانا اتصل الا والاخ زوجي شرف حضرته من الباص قال تعالي اركبي ويوم شفته بغيت اموت من الفرحه اللي يشوفني يقول لها من زوجها سنييين واركب وانا ماني داريه اش بيصيرلي ومشا الباص ووقف وهنا زوجي مانزل الا وانا معه لاني ركبت وراه في الباص واول مانزلنا الا زوجي :024:انا ماقلت لك لاتنزلين ومدري ايش وانا:angry2:انت عارف اني مااشواف زين احسبك نزلت مع الرجال اللي نزلو وبعدين يوم جا الرجال يناديك باسمك ليه مانزلت قال احسن:booo: عشان مره ثانيه تتادبين ماتنزلين كذا يافغره
ووجلسنا نمشي نمشي وحصلت المفاجأه لقينا السياره انا هنا كان شكلي كذا:scream: سيارتنا واركب فيها وركب زوجي وحمدنا ربي وجا زوجي يشغل السياره عشان يشغل المكيف لاننا احترينا من كثر المشي وهو كان يبغى يبرد رجوله لانه طول الوقت حافي وتحصل المفاجأه الثانيه ........السياره عيت تشتغل زوجي يحاول يشغلها يحاول مااشتغلت عيت مرررره في هذي اللحظه بالذات ماقدرت امسك نفسي بكييييييييييييييت
ماني قادره اعبر لكم عن شعوري في ذيك اللحظه لان كان شعور فوق الخيال وانزل من السياره واركب ورا واجلس ابكي ابكي وزوجي نظراته كذا:sad: حزن مع تعجب من ردة فعلي وقام زوجي اتصل على اخوه اللي كان في مكه يتمشى هو وعياله وقال له صار كذا وكذا ونبغاك بس توصلنا عند الليموزين اللي تودي لجده عشان شقتنا اللي مستاجرينها هناك وولدي عند اختي المهم قال طيب ونجلس ننتظره ومازلنا على وضعنا اللي انذكر في البدايه وجا اخو زوجي الساعه 10مساء واخذنا وودانا عند الليموزين وركبنا مع واحد توه مطلع سيارته يعني جديده ولازم يمرنها
يعني لازم مايتعدى 100ومشينا بالعاده المسافه من جده الى مكه نص ساعه ساعه جلسنا مع السواق ساعتين وعليها ولما وصلنا جده ما ودانا لشقة اختي وقفنا مدري فين وقال انزلو ونزلنا وخذينا ليموزين ثاني ورحنا عند اختي الله يوفقها حطت لنا :7_2_103v: وكلينا وبعدها اخذنا ولدي ورحنا شقتنا

هذا الجزء الاول بشوف ردودكم اذا تبغوني اكمل لكم مشوارنا مع سيارتنا التعيسه قولولي وانا حاااااااااضره انتظر ردودكم:unsure:

يلزم عليك تسجيل الدخول أولًا لكتابة تعليق.

تسجيل دخول

~ دلع و سنع ~ • 15 سنة

يااااااااااااااااااربيه تنرفززت وانا اقراها بس

عن جد ماتسوا عليكم

يلا اهم شي سلامتكم

Dant3l • 15 سنة

خخخخ ماقلبي عليك ..
كملي يا اختي قصصكم مع هالسياره ..
أحس انكم تذكروني بأختي وزوجها .. مساكين أختربت عليهم السياره من شهر العسل .. وهي الحين اختي لها سنتين متزوجه وإلى الان السياره تسوي فيهم مقالب وتخترب عليهم

ريم العيد • 15 سنة

قلي لاختك اي خدمه لسيارتهم انا حاضره لاني فتحت بنشري خخخخخخخخ الله يعينهم بس

حياة اسهل ...stc • 15 سنة

Dant3l :

خخخخ ماقلبي عليك .. كملي يا اختي قصصكم مع هالسياره .. أحس انكم تذكروني بأختي وزوجها .. مساكين أختربت عليهم السياره من شهر العسل .. وهي الحين اختي لها سنتين متزوجه وإلى الان السياره تسوي فيهم مقالب وتخترب عليهم

خخخخ ماقلبي عليك .. كملي يا اختي قصصكم مع هالسياره .. أحس انكم تذكروني بأختي وزوجها .. مساكين...

؛؛ أشعر بالخوف ؛؛ • 15 سنة

اهلن اهلن باختي الصغنونه ماشاءالله تبارك الله مايمديني اغيب الا الاقيك ناشره الغسيل ....
عاد انتي والبكاء زحمه ياحبك للبكبكه>>>> لاحد يدقق

جازت لي هالعباره تحسين الحسره ناخره قلبك نخر

انتي لو ولولتي ماحد يلومك ..... يعني طلعت الروحه عرض لكن الله يكتب لكم آلاجر .....

بعدين ياختي ترا مو بس انتم اللي تنسرق شباشبكم تتذكرين اخر مره خذت عمره انسرق شبشبي اللي قاهرني
ان بطه >>>> لاتدققون مره ثانيه .... حاجزه الشبشب تقول عاجبها >>> بطه تحجز كل شي وتاخذه ههههههههههه
جابت لنا الصمرقع بس نخشش اغراضنا لاتاخذهاااااا .... والله اموت فيك يابطه ..

ريمتي اسلوب لا يعلى عليه ماقصرتي الله يحفظك يارب ويجمعني فيكم ياخواتي في القريب العاجل ...