سكر ذرة

سكر ذرة @skr_thr

محررة ذهبية

. . رحلتنــــآ إلى المرآعي " بالصور ". . .

تقارير مصورة




** الموضوع من اعدادي انا واختي.. و نك نيمها Tantonh بمنتدى ثاني **


السلام عليكم ورحمة الله وبركاته

يسعد ربي صبآحكم / مساكم بطاعته

كيفكم مع الإجازة .. إن ششاء الله تمام !!
آطرح بين إيديكم رحلتنا لمصنع المراعي واحد من معارفنا حجزلنا يوم كامل عن طريق الشركة
آبتداء من الساعة 10 الصبح .. حتى انتهاء لفتنا ع المصنع < ومتى ما انتهينا رجعنا !!

طبعاً مقدر آوصف لكم حماسنا العجيب ..
لكن اذكر لكم اني صحيت ذاك اليوم عل صوت ركض اختي وهي تصرخ

" البــآص جآء "

كيف ؟ شلون ! متى < هالأفكار كلها عصفت برآسي مرة وحدة !!
ومامنعني هالشيء ألقط لكم صورة الباص من شبآك غرفتي



طبعاً قبل كل هالأحداث ..
ما نسيت صوت امي وهي تكلم على فلان , وترد على فلان , وتدق على ذولاك ..
يعني جد أول مرة احس ان امي سكرتيره






واخيران .. حنا بالباص .. وانتهينا من تجميع الأفراد والعفش



وفتحنا القهوا .. وبدت جلست السوالف
< شوفو الإغرائات بس .. آشفط شفطة من القهوه
وآكل شوكليتو كب كيك

تسلم يديات من سوآهـ

طبعاً مشينا ساعتين حتى وصلنا المحلب ..
وقبل الدخول لازم تعقيم < نمشي فوق الشبك ..!!



< شفتو شلون الديتول والمعقمات تحت الشبك




وما سلم الباص من التعقيم
< الصحيح المسالة مسألة نظافة وشغل سنع .. لكن المرايا توسخت وحست وانا اصور
" رب ضارة نافعة " < كوح
71
25K

يلزم عليك تسجيل الدخول أولًا لكتابة تعليق.

تسجيل دخول

ام تركي 2030
ام تركي 2030
ههههههههه فص الماس حلو ردك
سكر ذرة
سكر ذرة


وهنا دخلنا جوا ا ا



المختبرات من جوا ..
يجرون في هذا المختبر 500 تحليل يومياً
< إن كاني سمعت صح من المتحدث الرسمي في الرحلة





البقرات < يدننون
بصراحة المكان بهرني من كثر ماهو معقم ..
صحيح الريحة لا تحتمل .. لكن كل مكان انظف من الثاني
والرجال تقريباً لبسهم موحد .. < ما انسى اتكلم عن شدة احتياطهم باللبس
ماششاء الله




الي لفت انتباهي انتظام البقرات وهي تمشي لحالها لمكان الحلب





هنا يتم تعقيمها قبل وبعد الحلب
< خلاف عن انهن جاياتنا وهن متروشات .. خخخخخخ




ولها آلة الحلب نصيب من التعقيم ..







مضخات الحليب .. يسخن الحليب فيها بدرجة حرارة معينه
ثم تبرد بسرعة .. بدرجة معينه كمان ..!!

بهدف التخلص من بعض المكروبات الي في الحليب ..



الي على اليسار .. صهاريج تنقل الحليب من المحلب للمصنع
حتى يضيفون نكهات ويصلحون اللين والقشطة

< آهم ششيء حليب الشوكولا

وبكذآخلصنا رحلتنا بهالمكان .. واتجهنا للمحطة الي بعدها ..
سكر ذرة
سكر ذرة


وصلنا لحضائر البقر .. ومقسمه بشكل مرتب ..
بحيث لكل مجموعة فئة عمريه معينه .. وحالتها من ناحية كونها حامل و حلوب











سكر ذرة
سكر ذرة
تابع


هنا وصلنا لبدكير تبع البقر
< ياخذون فيه شاور قبل الحلب
فيه رشاشات ماء من تحت وفوق ترش رذاذ ماء ..



هنا العلف ..
يخلط معاه كرون فلكس و كربوهيدرات وفيتامينات بنسب معينه لكل فئة
طبعاً البقره لازم تاكل 4 وجبات يومياً
وكل وجبة تكلف 30 ريال ..
< دلع وقسسم .. آغلى من هرفي




الكرون فلكس المذكور أنفاً ..
< طبعاً للعجول الصغيرونات .. والي ع اليمين
ناقلة العلف ع سيارات التوزيع



الي على اليسسار حضيرة توها منظفينها ..
وتنتظر البقرات الحلوات من بعد الحلب ..




< الي على اليمين صورة بنت آوختي
عايشة عالمها وجوها وتحوووس .. !!



هنا شاحنات العصير ..
والي ع اليسار مكبر الصوت فوق كل مقعد ع الباص حتى نسمع صوت المتحدث الرسمي للرحلة

طبعاً طلعنا بعيد عن المزارع ودخلنا محطتنا الثالثة
سكر ذرة
سكر ذرة


وهنا دخلنا جوا مصنع العصيرات والحليب ومشتقاته


آثناء اتجاهنا للقاعة .. وبداخل المصعد ..
كان الجو هادي والكل عايش جووه لكنن فجعنا صوت الأصنصيل لما وقف ..!!
< حاطين صوت بقره فيه ..
فتسدحنا ضحك ..

.
.



آستقبلونا بقاعة ..
وشرحولنا نبذة بسيطة عن المصنع ..
ومنها ان الشركة اكبر مزرعة ابقار في الشرق الأوسط







حاطينها للعرض .. وليس للبلع ..
< عاد كنا جوعانين بحكم ان رايحين لبوفية غدا من شغل الشركة ..



هنا مصممين ممر لطلاب المدارس
ولـ الرحلات .. فيه ألعاب وفيها شرح بسيط
وبها نوافذ نشوف من خلالها خطوط الإنتاج



الممر






< فــلوها البزرآن ..