جزاك الله خير يا أختي

انا بعد بابدا لكم تجربتي

انقسمت نصفين ..
اول شي حمدالله انا شايفة خير ..ويوم من ايام بنهاية العام الدراسي ..


شارت علي المدرسة الللي معاي .. بما اني بانتقل اعيش بالامارات ..

انا نبدا بمبلغ ..شراكة .. وانا اشتري بضايع وارسلها لها قطر تسوقها .. ابتسمت لها وقلت لها اوكي وانا بخاطري مستهزئة بالموضوع .. بس ابي افتك ..
ومرت 6 اشهر تقريبا وانا ببوظبي ما طرى علي شي .. لين شفت وحدة من الاهل ..مطلقة تشتري من سوق الجملة ونكون معاها .. ونعلمها بالاماكن اللي ممكن تلقى فيها بضاعة حلوة وكذا ..

ونعطيها اقتراحاتنا انا وخواتي ايش تبيع ؟؟ لين صارت ماتخلي شركة الا وتكتتب فيها
وزادت فلوسها ..وتتاجر .. وتخبي ...

المهم قلت ليش ما دامني انا اروح معاها اماكن الجملة .. وكذا ما ارسل لصديقتي وهي تبيع ..

كلمتها .. ورحبت .. وحطت مبلغ تخيلو كم ؟؟

؟؟

؟؟

750 ريال على نص وعليها نص .. يعني بديت ب375 ريال انا ..
وصارت تبيع الجلابيات مالت البيت رخيصة يعني والدخون والعطور في غراش صغيرة كللش..
ومعطر للفراش .. وكمن شلحة .. داخلية..

باعت وصار المبلغ 1280 .. ريال ارسلت لي 500 اخذت فيها اشيا ثانية ..

وربحنا 1000 ثاني .. وحطته على جنب وعطتني 500 .. وهكذا ..

الحلو بالموضوع انها تجمع الفلوس وتسوق بسرعة ولسانها حلو ..
ومع الوقت وصلنا 7000 وعطتني 3000 وخذت 3000 .. وخلينا 1000 للبضاعة الجديدة ..

واشتغلنا .. ووصلت لين 7 مرة ثانية ..وهكذا لين هي اشتغلت بمشروع ثاني وحملت ..

فما صارت فاضية ووزعنا كل شي ..وطلعنا بالمعروف ..
في نفس الوقت تعرفت على عالم النت ..
وبديت من حيث انتهيت معاها ..

وما شالله .. صار لي شهرة ..كبيرة بس العيب بالموضوع هذا اني ما اجمع ولا ريال ..
اصرف اول باول ..

والحين اخر قصتي اني اشتغل بالتجارة بالجملة ..للتاجرات ربح قليل جدا بس تروح منج االبضاعة كاملة .. وربحها فوقها ..

في كل شي باتبع تجارة الجملة ..
وعندي كذا فكرة براسي ..باسوويهم .. يوم افضى بس ابي عاملات ومحل ..

الله يييسر بس

للعلم محد يدري عن تجارتي ببالانترنت من الاهل غير امي وخواتي وريلي

ويافضيحتي لو حد درى من برع ..
بيسووني سالفة الموسم ..

بس ان شالله من افتح محل باسد حلوجهم ..

ما شاء الله عليكم كلكم

الله يبارك لكم جميعاً

وحلو الوحده تشتغل شغله اهي تحبها .. كهوايه او موهبه

ويكون منها دخل مادي

شي رااااااائع

بالتوفيق للكل

وفي انتظار المزيد

..

موضوع حلو ومحمس صراحه انا احب المواضيع هذا وصراحه تحمست

واقول للاخت اللي تقول عيب ومستحيل

انا كنت اقول كذا حتى شفت ناس اغني وماشاالله عندهم خير ويتاجرن وكنت اذا سمعت تجربتهم

اعجب فيهم واحس انهم جيدات وقاعدات يستغلن اوقاتهن بالمفيد


وفكرت بمشروع رغم ولله الحمد انا بخير ونعمه


شريت دخون علبة 200 ريال

وقسمته بغراش صغار وكبار شي بعشره وشي 20 وشي 35


وبسرعه طارت خصوصا اللي بعشره


وحصلت على 400 ريال اي الربح 200 وبالربح شريت علبه ثانيه 200 وبعتها 370


ربحت 170


بس المشكله ان الللي شروا يبيلهم مده علشان يشتروا مره ثانيه

وانا معرفتي بالناس محدوده على محيط الجيران


وبعدين اخذت مجموعة زيوت وخلطتها وابيع الغرشه 30 والخلطه مكلفتني 70 وابيع ست غراش


من الخلطه الوحده



وبعدين قمت اسوي عجينة سمبوسه بف واحشيها لحم مع الخضار واببع الحبه بريال


ويطلبون مني 150 حبه 100 حبه وهكذا


بس عيبي اني اصرف الفلوس اول باول مااجمع


وهذا تجاربي البسيطه حبيت اقدمه لكم والله يوفق الجميع

موضووع حلو الله يوفقكم يارب