الرساوية :

لا يمكنك مشاهدة هذا التعليق لانتهاكه شروط الاستخدام.

,,,وجــــــــود,,, :

الصراحه المضوع أكثر من رائع وبحكيلكم تجربتي اللي ما أقولكم فاشله لا بس مشكلتي اذا بديت ما أكمل لعدة أسباب ... أولها اني أسمع كلمه مب حلوه في حقي تجرحني فأبطل شغل ... او اني اصرف كل كل اللي عندي ما اجمع فاحس انه هالشغله مامنها فايده ... المهم اول شغله بديت فيها اني اشتركت كمندوبه في شركه من الشركات وبديت ابيع لاهلي وجيراننا من خلال النت والحمدلله كان مكسبي حلو منها بس مثل ماقلتلكم ما كنت اجمع شي ... لين قررت اني ابيع برا حدود الفريج والنت لقيت وحده اعرفها تروح كل مكان وماتستحي مثلي استحي اجابل الناس ويه بويه ... المهم طلبت منها تبيعلي ولها نص الربح بس اكتشفت انها كانت تزيد فوق السعر اللي حاطته فمحد كان يشتري ... وعقب وقفت شغل مع انهم صاروا وايد يتصلوبي من الشركه لاني صج كنت شغوله ... الشغله الثانيه وهذي شجعني عليها ابويه واخواني هي الوساطه في بيع الاراضي والعقارات والاسهم والحمدلله كان مربحي حلو منها وقدرت اجمع مبلغ لانه ربحها كبير ماينصرف بسرعه والحين بفتح فيه صالون ان شاء الله .. ومابقولكم اني بطلت هالشغله لا مستمره بس صرت اشتغل بحذر يعني ما ادش موضوع او صفقه الا اكون واثقه من اطرافها حتى لو ماتمت ... والحين صارلي فتره ماطلعت شي بس عسى خير ان شاء الله ... ومن فتره قريبه عني صارلي اسبوع تقريبا قريت عن شي اسمه تجارة الدمينات قلت ليش ما أجرب المهم حجزت دومينين ب 120 درهم الواحد ب60 درهم ... هالسالفه من يومين واليوم بعت واحد منهم ب 200 درهم يعني ربحت فيه 140 درهم وبعد قالولي انه هالمبلغ شويه فيه بس الحمدلله حسيت انه فعلا مشروع حلو بالذات انه ماصارلي فيه الا يومين ... واللي قاعده أفكر فيه الحين تجارة الجمله يعني اشوف تاجرات اوتجار من برا الإمارات وأوفرلهم بضاعة من هني بسعر الجملة عاد مادري شرايكم في هالموضوع ... وسمحولي طولت عليكم

الصراحه المضوع أكثر من رائع وبحكيلكم تجربتي اللي ما أقولكم فاشله لا بس مشكلتي اذا بديت ما أكمل...