السلام عليكم ورحمة الله وبركاته.. كل عااام وعالم حواء وأخواتي عضوات عالم حواء بخييير :39: ..
اللهم لك الحمد حتى ترضى ولك الحمد إذا رضيت ولك الحمد بعد الرضا.. اللهم لك الحمد لجلال وجهك وعظيم سلطانك بأن أصطفيتني أنا وأمي وأخوي بأن نكون من حجاج بيتك الحرام لهذا العام.. والله إنها من أجمل الأيام التي عشتها في حياتي أيام ماراح أنساها حتى الموت.. يااااارب تعيدها لي وتكتبها لكل غالي وغالية ولبنات حوااااء جميعهم أعواما عديدة..
راح ابدأ وأقول الحمد لله كنت في كل سجده أدعي بـ (حسبنا الله سيؤتينا الله من فضله إنا إليه لراغبون) لأني الفترة اللي قبل الحج مريت بظرف كان ممكن يتطلب مني دفع مبلغ مالي كبير ومع حساب الحملات وزي ماأنتوا عارفين الحملات أسعارها شوي مرتفعه وأنا أبي الحج لي ولأمي وأخوي يعني يبي لنا مبلغ كبير والحمد لله من حرصت على هالدعاء الظرف اللي مريت به أنتهى بسلام ولم يطلب مني ريال واحد لك الحمد يا ربي.. ومبلغ الحج تيسر بكل سهوله وماأحتجت أتسلف من أحد لك الحمد ياحي ياقيوم.. بصراحه تأخرنا عن الحجز من فتحت الحجوزات أسبوع واحد بس ولقينا معظم الحملات اللي أعرفها قفلت وراح أخوي بالصدفه قالوا له عن هالحمله إنها باقي مفتوحه وفعلا لقينا عندهم وكنت متخوفه كثيييير لأني قرأت عنها في قوقل لقيت من يذمها بقوووووووووه فخفت مرررره بس وكلت أمرنا لله ولكن والله ثم والله إن المبلغ اللي دفعناه قليل بحقهم وتعبهم وشيلهم لنا على كفوف الراحة.. كانت حملة من أروع وأفضل الحملات رغم إنا فئة (د) بس الله شاهد إنا ماحسينا ولا شفنا أي فرق إلا ناس تشيلنا على كفوف الراحة..
خدمة 24 ساعة من المشروبات الساخنة والباردة والبوفيهات من كل ماتشتهيه النفس والموقع الأفضل من راااااااااااائع وبتلاحظوه في الصور كيف روووووعه والداعيات اللي ماسمحوا لنا إنا نضيع وقتنا في غير فائدة (الله يجزاهم عنا خير) والعاملات والمشرفات اللي ما يأكلوا حتى يتطمنوا إن الكل أكل.. برامج ومسابقات ودروس ومحاضرات أجرهم على الله وحده فوالله ماحرمتهم من دعواتي الصادقة من إدارة وإشراف وعاملات فمن لايشكر الناس لايشكر الله.. في الباصات وجبات الأكل والمويه تجينا لحدنا.. الكتيبات بأنواعها تتوزع بإستمرار.. في كل مكان في المخيمات حاطين رقم أحد المشايخ الكبار وإدارة الحملة متعامله معاه لإستقبال أسئلة حجاج الحملة.. إنترنت مفتوح.. رسائل مجانا على جوالاتنا نفس خدمة حج للرسائل مرررره حلووووه.. والله خايفه أنسى شي وأحس إني قصرت بحقهم..
قبل كل شي أعذروني بصراحة ماقدرت أصور كل شي أستحي أطلع الجوال وأصور مو حلوه قدام الناس فالصور الموجودة هي اللي قدرت عليها وحتى بعضها قصيتها من مقاطع فيديو كنت مصورتها..
طبعا الوالده فديتها رفضت نمشي بسيارتنا الخاصه تخاف من السفر بالبر عشان السرعه وزحمة الطريق بالحجاج ففضلت إنا نمشي مع باصات الحملة..
توكلنا على الله من أبها بعد صلاة الفجر :time: من يوم الأربعاء 6\12\1432 هـ..
وزعوا علينا بطاقة التعريف صورتها من قدام ومن ورى..
وقبل نوصل الميقات كانت الحملة مستأجرة إستراحة أفراح عشان نرتاح ونتغدى ونحرم منها وكمان الداعيات ألقوا محاضرة عن أنواع النسك وشرحها المفصل.. جلسنا في الإستراحة من 1 ونص الظهر لين 5 العصر الله يجزاهم خير بجد ماقصروا أرتحنا كثيييير..
وصلنا مكة طفنا وسعينا وهذي صورة بعد ماخلصت الطواف طبعا كنت في الدور الثاني..
وهذي الساعة وإحنا طالعين أخذت لها صورة..
هذي صورة سريعه أخذتها آخر يوم لمكان نومنا طبعا شالوا كل شي من مخدات وبطانيات وبسرعه صورت هالصورة..
ومع التعب خلااااص أبي أنام ونومه للفجر وأصلي وأرجع أنام وع الساعة 7 تجي المشرفة ع البوفيهات تصحينا وحده وحده عشان الفطور ( شوفوا حرصهم ع راحتنا لحد وين ورغم إنهم حاجات مثلنا) دفيت نفسي غصب وآكل وأرجع أنام مر هذاك اليوم بهدوء بحكم إنه يوم 7 باقي مابدأت أيام الحج الفعلية فكان هدوء ومانعرف أحد كلن في مكانه..
الحلو في موقع حملتنا إنا على جبل يعني نطل على باقي المخيمات والشوارع والعالم تحتنا وعندنا زي المطل مررررررررره أنبسطنا منه بس بصراحه رحمت الرجال ماعندهم مثلنا يالحريم..
هذي صورة من يوم 7 في الليل شوفوا الهدوء ولاحظوا موقعنا كيف مرتفع ومطل رووووعه..
هذي صورة ليوم 8 (يوم التروية) وهذولي الحجاج يصلوا المغرب ولاحظوا الحجاج بدون تصريح كانوا تحت المطل حقنا مرتفعين عن الشوارع ويناموا ع الجبل الله يتقبل منا ومنهم..
يوم 9 ( يوم عرفه) أجمل أيام العمر.. مهما قلت والله ماأوصف شعوري في هذاك اليوم من الساعة 2 الفجر الكل صاحي لقيام الليل وصلينا الفجر والكل عند الباب نستعد لركوب الباصات تنزلنا عرفه والله شعوووووور غرييييييب لمن أشوف الكل يتجهز الحمد لله الذي بلغنا إياه.. وتحركنا 6ونص ووصلنا 8 لمخيمنا في عرفه ووزعوا علينا فراش لعرفه ومزدلفه.. لمن كنا طالعين لعرفه أشوف الناس في الشوارع والباصات والقطار الكل متجه بطريق واحد وخلاني أفكر وأستشعر هالموقف العظيم حتى نزلت دموعي.. طلعنا لمزدلفه ويادوب وصلنا 10 ونص في الليل صلينا جمع تأخير ووزعزا علينا وجبات العشاء وبالنسبه لي نمت تقريبا نص ساعة أو ساعة عشان أرتاح بس اللي معاي ماقدروا ومشينا 12 ونص ووصلنا لمنى الساعة 3 الفجر وع الجمرات وأخذت لكم هالصورة السريعه وللعلم قصيتها من فيديو فيه أمي وأخوي بس هذا مبنى الجمرات من برى كان شي خيااااااااال غير الخدمات اللي فيه من داخل الله يعز حكومتنا وينصرها على من يعاديها..
كمان هذي صورة لجمرة العقبة (الجمرة الكبرى) صورتها يوم 12 لأنا إحنا مع المتأخرين والحمد لله ماواجهنا أي زحمه داخل المبنى..