هاي تجربتي الأولى في عمل تقرير عن رحلة وحاولت أجمع فيه أكتر الاأشياء اللي حسيت انها مهمة وبتستفيدوا منها ان شاء الله
وحاولت يكون شامل قد ما بقدر بس سامحوني لو كان فيه نقص
نبدأ بسم الله الرحمن الرحيم
أول شي كانت رحلتنا لجزيرة لنكاوي بماليزيا بتاريخ 15 \ 11 \ 2011 >>> يعني زماااااان بس كنت مكسلة بصراحة :35:
بالنسبة لأسعار التزاكر رح أذكرها لكن احنا كنا ماخدينها عرض من
طيران Air Asia
أنا وجوزي وابني عمره سنتين كان السعر 400 رنجت >>> حسب ما ازكر لو غلط برجع بصلحها ان شاء الله
وكانت رحلتنا يومين
>>> الكل كان يحكيلنا كافي كتير ع لنكاوي بس أنا بصراحة كنت حابة اضل اكتر لأني عشقتها :heart: :love:
وهاد العرض فكرته انه بتشتري التزاكر من قبل 6 شهور تقريبا من السفر
والفندق من اختياركم و ع حسابكم طبعا
وممكن تستئجروا سيارة برضو لو حبيتوا
رح احكي عنهم بالتفصيل مع الصور
أول شي رح أحكي عن
استعداداتي للرحلة
طبعا أول شي كان مقلقني انه شو رح ناخد معنا أكل لابني:04: لانه ما بياكل أي شي وأغلب وقتنا رح نكون برة
فلقيت أنسب شي الفطاير مشان أحملها معي وين ماكان بنروحه وكمان بتكون فطور إلنا>>> لأنا احنا ما بننزل نفطر تحت بالفندق
فعملت فطاير جبنة وزعتر
Image004
وبيتزا بالدجاج المفروم
وهي صور البيتزا
SDC16299
SDC16300
وكمان كان ضروري ناخد معنا شنتة صغيرة للإحتياطات اللي بنحتاجها بالرحلة
هي صورة الشنتة
SDC16659
وهي صورة الاشياء اللي كانت جواها
SDC16660
رح أزكرها بالتفصيل
_ مناديل معطرة _ باكيت مناديل صغير ( وفيه كمان بشنطتي ) _ مزيلات عرق
_ فرشة شعر _ شاحن الموبايل مع بلاستيكة الفتحة الثنائية ( لأنه عنا كل القوابس ثلاثية )
_ بطاريات الكاميرة ( طبعا أكتر من وحدة ) _ معجون أسنان _مطهر ديتول ( للجروح وغيرها)
_ بندول ومسكن _ وخافض حرارة للأطفال _ وواقي شمس للأطفال _ وبخاخ مشان يبعد الحشرات ( بنرش منه ع الجسم قبل ما نطلع من البيت )
أخدنا خافض الحرارة والبخاخ والديتول لأنه ماليزيا مشهورة بكترة الحشرات
فكنا خايفين لشي حشرة تقرصه لابني وترتفع حرارته >>> بس الحمد لله ما صار شي
وطبعا جهزنا الشناتي وغيارات لابني والنا
هيك صرنا جاهزين طلعنا الحمد لله :39:
هي صورة ابني واحنا لسة بالعمارة
اعرفكم عليه لأنكم ح تشوفوه كتير بالصور :22:>>>اسمه عبد الرحمن
SDC16311
SDC16306
واول ماتوصلي مطار لنكاوي بيعوطكي منشورات كتييييييرة عن المطاعم والرحلات السياحية
هي صورتهم
SDC16663
وهي أهم وحدة فيهم
SDC16664
اللي هية خريطة لنكاوي بالكامل وفيها كل الأماكن السياحية
بصراحة احنا كنا كتير خايفين لأنه ما بنعرفها لنكاوي وجوزي هو اللي رح يسوق
فهاي الخريطة هية اللي كنا نمشي عليها مفيدة كتير >>> تهنا مرة بس مو مشكلة تفسحنا :hahaha:
وكل مرة بتكون شكل حسب التغيرات بالشوارع ومتل هيك يعني
أول ما طلعنا لقينا السيارة اللي كان جوزي استئجرها
كانت نيسان وإجارها باليوم 55
SDC16593
استلامناها الساعة 3:00 يوم 15\11 وسلمناها الساعة 3:00 بيوم 17\11
فكان المجموع : 110 >>> تخيلوا قديش رخيصة:32:
السيارة كانت مريحة جدا وحلوة والتعامل مع صاحبها كان جدا مريح وما دقق علينا لما سلمناه اياها بالعكس حكالنا بس صفووها عند المطار وأنا باجي أخدها من غير ما يشوفها
أهل لنكاوي كانوا جدا ودودين
وهلأ رحنا ع الفندق مشان ناكل ع السريع ونطلع >>> كل تحركاتنا كانت باستخدام الخريطة :27:
الفندق كان اسمهBella vista
بصراحة لما كنت أقرأ عنه بالنت كان الكل يحكي عنه انه الشكل الخارجي روعة وإطلالته بتجنن بس خدماته مو منيحة وغير هيك بعيد عن السوق
بس أنا رح أحكي تجربتي عنه بكل أمانة وصدق
هي صورته من النت >>> رح افرجيكم من تصويري لكن بدي افرجيكم صورة كبيرة اله مشان تشوفوا شكله أحسن
الليلة فيه ب 150 رنجت >>> ببلاش تقريبا لأنه فنادق لنكاوي غالية
انا كنت مصرة عليه بصراحة أولا مشان سعره – رخيص كتير – وغير هيك شكله رووووعة متل قصور دزني وإطلالته والله انها بتطير العقل:32: وما نفسك تروحي منه
وكمان المطعم كان بالدور التاني والقعدة تاعته بتطل ع البحر برضه في قمة الروعة
>>>صاحبتي أفطرت فيه وقالتلي هيك لكن أنا ما بحب أفطر بالمطاعم لانه نقابي ابيض
فكانت فكرتي انه الخدمات ما رح نستفيد منها لأنا أصلا ما حنقعد فيه غير للنوم
وبالنسبة لبعده عن السوق قلت احنا رايحين نتفسح وبنص السوق ما رح يكون فيه إطلالة حلوة متل هيك
هاي وجهة نظري
المهم نكمل صور من الفندق
هون اول ما فتنا الإستقبال والدرج هاد بيودي ع المطعم
SDC16313