رحلتي إلى لندن ، مانشستر ،برمنغهام ، برايتون ، بلاك بول منقول

وتركبين القطار لمدة 55 دقيقه ساعات يطول اكثر من جذي


المهم من تسمعون نداء بيستر نورث تنزلون على طول


ولازم تكونون سريعين لان القطار يوقف بكذا مكان


:13:
ووصلنا بيستر فيلج






وشفنا اغراض تسوى وفي لا عن نفسي اكثر شي عجبني اهناك لارف لوران وفالنتينو و توري بورش وشريت منهم وكان فيه مايكل كورس بس مو اوت لت منزل بضاعته اليديده حتى والله ماركه فيرساتشي كانو منزلين شغلات حلوة




وقعدنا اهناك من 10 الصبح لين 6 المغرب ووايد طق مطر اهناك فنصيحه تاخذون معاكم اجياسه احتياط لان من المطر الاجياس من تحت تشققت غير جذي المظلات ضروريه




رجعنا عقبها لندن تغدينا بمطعم مروش هم بأجورد رود وانصح فيه اكله لذيذ


الصوره تتكلم عن الجو ،، الجو كان اول يوم جو حلووو وفيه هوا بارد مع شمس خفيفه

قررنا نروح هارودز لان كان مسوي تنزيلات 50%



بس ما كنت حاطه ببالي اشتري ماركات منهم لاني مخلص نص فلوسي ببيستر فيلج

فقلت اشتري من سلفردج احسن بعدين

المهم عشان نروح هارودز اسم المنطقه الموجود فيها knightsbridge

وعلشان نروح هالمنطقه لازم تكون عندنا هالبطاقه وهي حق الباصات الحمر والاندرقراوند



ومثل ما قلت لكم ما احب اتعامل مع الباصات الحمر

وبما اني قاعده اسوي ريجيم فأفضل الاندرقراوند بس ترا متعب الطريج شوي

اقرب محطه حق فندقنا اهي ماربل ارتش ،، فمن ماربل ارتش الى بوند ستريت ناخذ الخط الاحمر اسمه سنترال

عقبها ناخذ الخط الرمادي اسمه جوبلي من باوند ستريت الى غرين بارك

عقبها ناخذ الخط الازرق الغامج اسمه بيكادلي فمن غرين بارك الى نايتسبيرج

يعني نبدل خطوط 3 مرات عشان بس نوصل هارودز اكيد بالباصات اسهل بس احب الاندرقراوند ومو عارفه السر

وصلنا هارودز واهم شي ركن هارودز الخاص الموجود بالدور الثاني











وكان هذي مشترياتي منه







كلينا من كافيه حلووو لذيذ ناسيه اسمه بس بالركن الموجود فيه لادوريه




قبل ما نطلع سوينا التاكس فري الموجود بنفس الدور مكان هارودز اوين


طلعنا من هارودز كلينا بمطعم الارز كان جباله حلو ورخيص

رجعنا للماربل ارتش وتمشينا بشارع اكسفورد ووصلنا لمحل اسمه Superdrug


وايد عجيب ميك اب عندهم ورخيص

طبعا ما خذيت من الماركات الموجوده عندنا

خذيت الماركات اللي مو موجوده الا بلندن

مثل هذا



و هذا



وطبعا هذا باستشارة اللي يشتغلون اهناك

وصج عاد قلمهم اسود غامج

رجعنا فندقنا انعدل اغراضنا وجناطنا لان بنروح باجر مانشستر

قررنا نروح مانشستر





بالنسبه لنا فضلنا وسيلة المواصلات اهيا القطار حوالي ساعتين الى ساعتين ونص من لندن الى مانشستر



و على شان نروح بالقطار اللي يودي حق مانشستر رحنا محطة euston





انا وخواتي حطينا ملابسنا بجنطه وحده وجنطتين خليناهم بالامانات بفندقنا بلندن لان راح نرجع لندن مره ثانيه


المهم خلينا شخص واحد يروح بتاكسي مع الجناط


والباجي رحنا بالاندرقراوند احبه فيه سررررر خطيييير مع اني ما اشوف عرب يروحون فيه


وعشان نروح محطه euston


عن طريق محطه ماربل ارتش الى اكسفورد سيركس عالخط الاحمر


ومن اكسفورد سيركس الى ايوستن ناخذ الخط الاسود


ووصلنا للمحطه


انتو ملاحظين ان احنا ما حجزنا تذاكر القطار من قبل حجزنا التذاكر بنفس اليوم


في ناس تحجز قبلها بفتره في ناس بنفس اللحظه على حسب


واصلا هالمحطه يوميا فيها 20 رحلة حق مانشستر ووقت و تاريخ مفتوح لمدة شهر حتى الكراسي مفتوحه





بس لو عندج كرت العائله راح يصير عليه خصم عالتذاكر واحنا ما كان عندنا فشرينا الكرت ب28 باوند تقريبا





واطلعت التذاكر علينا احنا الخمسه روحه ورده ب138 باوند التاريخ لمدة شهر


طبعا لازم نشوف الشاشه عشان نعرف اي بوابه نتوجه


او نسأل الانفرميشن يعطونا بالضبط اي ساعه يمشي القطار واي بوابه




احنا كان قطارنا الساعه 12 الظهر صعدنا قطارنا ووصلنا الساعه 3 الا ربع







ومحطه مانشستر اسمها مانشستر بيكادلي







وكان فندقنا في مانشستر اسمه the palce تعتبر شقه فندقيه









فيها غرفتين كبار وحمامين وصاله وصالون ومطبخ ومكان فيها غساله بس مافيها تكييف واذا ما تبطلت الدرايش تصير الشقه مقموته












طبعا لما وصلنا لمانشستر بيكادلي ما احتاج منه تاكسي كنا نير جناطنا لان على بعد خطوات بس يعني موقعه جدا ممتاز صاير بالنص بين المحطه وبين السنتر للتسوق


وصلنا اهناك وطبعا الجك ان الساعه 3 العصر ولازم ندفع تأمين تقريبا 100 باوند وما صارت الا ربع ساعه الا صعدنا لشقتنا


الشقه تكفي حق 4 اشخاص بس اختي مع ريلها خذو شقه بروحهم


هالشقه الفندقيه خذيناها عن طريق مكتب لان وحده من معارفنا وايد امدحت هالشقه وكل سنه تروح لها فطلع علينا لمدة اسبوع 720 دينار يعني الليله ب 100 اول اقل بشوي فالبنت تطلع ارخص


طبعا بعد ما عدلنا اغراضنا واختي ما شاء الله يايبه ماجلتها من لندن عشان تطبخ لنا العشا بالشقه


قررنا نتمشى بالسنتر





بس كان الجو غيم ومطر قوي واشوي ان شماسينا معانا






اللي لفت لي نظري بالسنتر بري مارك وايد اهدى وارقى وانظم من اللي بلندن وفيه شغالات وايد حلوة انا قاعدة اشوفه ان قاعد يتحسن كل سنه ببضاعته



انا قبل وااااايد كنت اعيب عليه واسأل ليش الناس تشتري منه !!! بس طلع معاهم حق في اشياء تسوى نشتري منه واسعاره مو رخيصه يعني كل ما اطلع منه لازم اكون دافعه 120 باوند


مانشستر تعتبر ثاني اكبر مدن بريطانيا بس وايد هاديه وعيبها ان كل شي يتسكر الساعه 8 بليل حتى الكافيهات ولما تصير الساعه 8 تصير منطقه السيتي سنتر تخرع مافيها ولا احد وطبعا الاحد يسكرون الساعه 6


فنضطر نقعد هالمدة بالشقه يا اما بالنت او بالدي في دي


رجعنا شقتنا واختي مزهبة لنا العشا كان مموش خذت الماش والربيان اليابس من بقاله الوادي الاخضر بلندن

مثل ما قلت لكم وصلنا مانشستر بتاريخ 27/6 وهم قلت لكم ان رحلتي اكثرها تسوق مو ترفيه وسياحه وقررنا نقعد بمانشستر اسبوع

ثاني يوم اللي اهوا تاريخ 28/6 قررنا نروح مجمع ترافورد سنتر اكبر مجمع بأوربا



وطريجه نفس طريج نادي مانشستر يونايتد






ممكن تروح للمجمع عن طريق الباص أو المترو بس احنا اخترنا التاكسي لان بنروح مكانين

الطريج حوالي من فندقنا ربع ساعه فخذا منه 17اوند

أول شي رحنا للنادي طبعا سوالف رياييل ورياضه




عقبها رحنا المجمع واااايد حلووو وعجييب وانصح فيه بصراحه ديكورات المجمع شي متعوب عليه وتفتح النفس





والمجمع فيه كذا بوابه مثل الحي الصيني وداخله كل شي صيني








وبالمجمع فيه سيلفردج وجوني لويس وشريت منه بدلة حق العيد وباجي المحلات شريت منهم ملابس عمليه بالذات ريفير ايلاند مسويه تنزيلات مو طبيعيه صج شكل المكان معفوس ومو مرتب واشياء طايحه على بعضها بس لو تدورون فيه عدل بتلقون اشياء فيه حلوووه وعمليه


طلعنا منه الساعه 6 المغرب وعقبها رجعنا فندقنا وتمشينا بالسنتر واغلبه خلينا ببري مارك

وحاولت اضغط على نفسي وما ادش مجمع الاردنيل لان يبيله يوم بروحه اهوا وهيرفي نيكلز


رجعنا عالساعه 7 ونص

برحلتين وحدة حق بلاك بول والثانيه برمنغهام

بتاريخ 29/6/2012

قررنا نروح بلاك بول وحجزنا التذاكر بنفس اليوم من شركة فيرجن

اهم شي في الحجز لازم يكون عندكم كرت العايلة قيمتة 28 باوند



بس لما مره ثانيه بتحجزين تعطينهم هالكرت ويسون لج خصم

بما ان احنا 5 اشخاص طلع علينا التذاكر روحة وردة لبلاك بول 55 باوند طبعا بنفس اليوم الرده

المسافة حوالي ساعه و10 دقايق

من مانشستر الى بلاك بول

محطه مانشستر اسمه بيكادلي

و بلاك بول محطتها اسمها بلاك بول نورث



خذينا اول قطار يودي بلاك بول كانت حزته الساعه 10 الصبح



وصلنا اهناك الساعه 11 وخذينا تاكسي الى مدينة الملاهي بلايجر بيج



طبعا بلاك بول مدينه بحريه بس احسها فقيرة والجو فيها وايد بررررد والمطر يطق كل شوي

دشينا الالعاب قيمة التذكرة للشخص الكبير ب35 باوند بس احنا خذينا باكيج العايله طلع علينا 117 باوند

بس الحمدالله قدرنا نلعب اهناك على راحتنا من غير مطر وكان الجو حلووو



بس نصيحه اذا بتلعبون لعبة الجندول اشترو منهم النايلون لان وايد يغرق الملابس والجو حيل باااارد



بعد ما خلصنا من الالعاب كلينا من مطعم مكتوب عليه حلال




وانا عاد مشتهية هوت دوغ



وهناك في مدام توسو بلاك بول


وتمشينا بالمنطقه عالكورنيش


ورجعنا محطتنا ووصلنا لمانشستر

وقعدنا بالسنتر رحت سلفردج



وشريت منهم هالعطر وايد حلووو وريحته قوية





الأ


08-08-2012, 05:04:12 PM