رحلتي اليوم للممرخة

مسااااااااكم خير
كيفكم بنات؟اليوم طال عمركم عزمت اروح للممرخه اسمها ام عبدالله اصلها يمني ساكنه بجنوب الرياض في الخالديه ....رحت لها وفتح لي ولدها الصغير يازينه ويقول مين يوم قلت له انا فتح لي لوووووول كأنه يعرفني :35: المهم دخلت عليها وبدت تمرخني اول ماضغطت على ارحامي قالت انتي رحمك نازل سالتني تشيلين اشياء ثقيلة؟ بغيت اكب عليها العشا كلها واشكيلها عن شغل البيت من كرف :angry:ابتسمت لها مع الروعه ودرت ان مابقى شي ماشلته.... قامت دهنتني كم مره وسوت لي كاسات اول ماشفت النار قلت بتحرقني هذي من الروعه قلت لها لامابي النار بتعورني والله اني انرحم :44:جلست تظحك علي بعدين قلبتني وسوت لي كاسات هوا اخر ظهري وقالت اربطي بطنك بمشد ولاتطلعين الدرج وتنزلين ولا تتحركين كثير واخذت من عندها عسل ب180 ريال وقالت 4 مرات باليوم اخذ ملعقه الحلا والعسل من ريحته فيه رشاد وحبة سوده وفلفل اسود ....بروح له بكره وبعده ****لله وتاخذ على التمريخه الوحده 100 ريال.... الي ودتني لها حرمه كبيره تقرب لي قالت ان عندها 2 من بناتها ودتهم لها الاولى قالو لها المستشفى لازم لك علاجات علشان الحمل ولها 3 سنوات تعالج تقولي من دورتين مرختها وماعاد شافت الدورة الا بعد 9 شهور مشالله والثانيه جايه معهم تبي تشوف الدوره تقول ماتنزل كثير معها ولافي نيتها الحمل بعد تمريخة وحده حملت مشالله .... تقول يدها مبروكه... انا اول مادخلت عليها جلست تسولف معها الحرمه الي معي قالت لها الممرخه حملت البنت الي جبتيها معك المره الي راحت قالت لها لا بس الثانيه حملت حسيت الممرخه تتكلم بثقه مشاءالله ....الله يكتب لي ولكم الحمل يارب ولا يقطعنا من رحمته وعطفه ....
في احد منكم جربها؟؟او سمع فيها؟؟