السلام عليكم ورحمة الله وبركاته..
الصلاة والسلام ع سيدنا محمد وع اله وصحبه اجمعين ..
اليوم راح اسرد لكم رحلتي الي المعالجه خبيزه ... الله يطول بعمرها ويجعلها سبب في شفااء مرضانا بعزة الله وقدرته وجلاله..
عندي ولد مشتبهين فيه توحد وماهم متاكدين طبعا من التشخيص ..
في احد ايام مراجعاتي بولدي بالمستشفى صادفت حرمه الله يجزاها الجنه ويشفي لها بنوتتها عند بنتها ضعف بالسمع
لقيت الحرمه تحكي للحريم عن خبيزه ... انها تعالج بالتحنيك وهذي طريقة علاجها وانها تشخص الحاله للمريض ..
طبعا بحثت بالنت عن هالمعالجه ولقيت عنها مايشرح الخاطر ..
المهم صليت الاستخاره وضبيت شنطتي وزوجي قدم ع طلب اجازه خمس ايام وعزمنا الرحيل لها ..
مشينا الخميس واستاجرنا في تباله مكان تواجد خبيزه بعد بيشه 50 كيلو تقريبا ... وفجرية الجمعه حجز زوجي لنا رقم للسبت ... ولقينا الناس واقفين بسياراتهم من الجمعه والعض نايم فيها وامة محمد هناك من جميع انحاء المملكه ومن خارجها .. الله يشفي لهم عيالهم وعيالنا ...
روحنا السبت الساعه 8 الصبح ولقيت الحوش مليان الله يبشرهم بشفاء عيالهم .. من كل جنس ولون ياسبحان الله ونمشي بالارقام وبالدور طبعا تاخد 77 رقم وتعالج من السبت الين الثلاثاء من الساعه 8 الين السااعه 5 العصر وومكن للمغرب ... وايام الاجازات ماتعالج لانها تسافر تعالج برا خارج المملكه .. المهم جاء دور ولدي وكشفت عليه من فمه وقالت عنده انسداد في خلايا الاعصاب ماخرته عن الكلام والفهم وراح افجرها ويطلع دم من فمه وخشمه ... قلت توكلي ع الله .. ومااخفيكم الرعب اللي عشته لاكن الله ارسلي اللي دلتني عليها تقابلنا هناك وساعدتني في ولدي وعند تحنيك ولدي باصبعها طلع دم من فمه وخشمه هو يبكي وانا ابكي معاه ... واخذت علينا100 ريال في كل جللسه .. المهم قالت لي تعاليني الثلاث الايا الجايه ورا بعض وجيتها الين اخر جلسه كانت الثلاثاء وكانت طريقتها في هلجلسات كلها تحنيك فقط قالت لي اعطي ولدك عسل ع الريق كل يوم ... واعطتني موعد كمان هالشهر والله ييسر لي والروح لهاا دعواتكم ..
طبعا راح تسالوني كيف ولدك بعد التحنيك.. اقولكم ولدي بدا يتكلم ومشكلته مايكرر الكلمه احسه يتدلع اذا طلبنا من الاعاده بس اهم شي انه نطق بقوة الله وماشالله تبارك الله ...
اما عن المعالجه خبيزه في انسانه رائعه .. خلوقه عجوزه عمرها يمكن في السبعين طييييبه وتتحملنا ع كثر اسئلتنا
واسال الله ان يطول بعمرها ويمدها بالصحه والعافيه
وبالاخير اسالكم بالله كل من تستفيد من موضوعي تدعي لفيصل بالشفاء وان الله ييسر خروجي لها هالشهر ...
واللي راحت لها تشرفنا بقصتها للاستفاده واكون لها من الشاكرين
احترت في اسمي @ahtrt_fy_asmy
كبيرة محررات
يلزم عليك تسجيل الدخول أولًا لكتابة تعليق.
يابنات قريب لها فاتح صفحه بتويتر ويساعد الناس اللي من برئ المنطقه. بالحجز وحاط ارقام اتصالات. اكتبو بقوقل تويتر خبيزه. والف سلامه عالجميع
الصفحة الأخيرة
الله يتمم على ولدك الصحه والعافيه بالله لاهنتي رقمها وعنوانها عندنا طفل عمره سنتين مايتقلب ولايمشي ولايرضع بسهوله