رحلتي في عالم الحقن المجهري..ياارب تنجح..

صباح أو مساء الخير..بنات أنا سويت عملية الحقن المجهري وقلت أسولف لكم شوي لأني قبل أسويها كنت أدور أي سالفة تكتبها وحده عن تجربتها..أببدا على طول بدون فلسفه:) سويتها الأربعاء 8-8-2007موافق25_7_1428وهذي أول مره أسويها طبعا" سويتها الأربعاء بعد كورس طويل لمدة شهر تقريبا"من الحبوب والإبر في الجلد والعضل كلكم عارفينها..لما رحت الأربعاء وسويت إجراءات الدخول(سويتهافي التخصصي الطبي عند د.منى مصطفى الله يجعلها سبب يارب كنت أراجع عندها في سمير عباس في الرياض) المهم حطوني في غرفه من الساعه تقريبا"8إلى 9 وخلصوا كل الفحوصات والإجراءات وغيرت ملابسي:09: طبعا" لبست لبسهم ذاك إللي كلنا نكرهه بس الشكوى لله..نزلوني الساعه 9في غرفه قعدت فيها تقريبا" نصف ساعه حتى دخلوني غرفة العمليات وكا سيب طوييييل مليااااان غرف:icon33: تخوف شوي المسأله..دخلت قعدوا ساعه يحوسون حتى دخلوا المغذي..بعدين جاني أخصائي المختبر إللي حيكون مسؤول عن البويضات والحيوانات المنويه ويتابع تطورها وسألني كم سؤال وبعدها جت الدكتوره ودردشت معي شوي بعدين جااااااا طبيب التخدير..أنا أذكر بس إنه حط الأوكسيجين على خشمي وسألني هذي أول مره؟؟وبعدين قال نادوا الدكتوره وووووووبس هذا آخر خبري بهالغرررررررفه الله لا يحوجنا لها ياااااااااااارب..بعدها صحيت الساعه11 تقريبا" والنيرس تقول لي خلاص عمليه أنا ماإستوعبت أبدا" أحس جسمي ثقيل..وتخيلوا أول كلمه قلتها:أبي الحمااااااااام:09: قالوا ماينفع توك صاحيه من البنج وحتدوخين لازم ساعه تستنين وجابوا لي قيصريه بس ماعرفت وإنتظرت هالساااااااااااااعه طلعت روحي بعدها طلعوني الغرفه وكان زوجي موجود ورحت الحمام الله يعزكم بس فعلا" دخت شوي وبعدها ثلاث مرات أدوخ كل ماراحت الحمام بس الحمدلله على كل حال..خف البنج وبدا الألم وماأقدر أقعد ولا أتحرك وكنت أتفرج على السيارات في طريق الملك فهد وأقول يااااااااحظهم:icon33: فعلا" الواحد مايعرف نعمة الصحه إلا إذا جرب التعب بس يااااااااربي لك الحمد والشكر كنت وين وصرت وين..أول يوم كان عذاب كل شي الحمام والقعده والوقفه بس من ثاني يوم ألف حمد وشكر لله بديت أتحسن..واليوم ألجمعه أحسن من أمس..
جتني الدكتوره قالت الحمدلله إن شاالله كل شي تمام وسحبنا عشر بويضات والترجيع بإذن الله السبت والمفروض الترجيع يكون بمهدي بسيط مو بنج كامل بس هي قالت راح أحط لك بنج كامل أحسن لأن المهبل عندك ضيق وراح يتعبك شوي..عطتني حبوب وتحاميل عند اللزوم للألم وتحاميل حتى موعد تحليل الحمل يارب يتممه لي ولكم جمييييييييييعا" ..وهذي قصتي..

ملاحظااااااااااات:)
1_كلفتنا15ألف بس رجعوا 3500لأنهم سحبوا عينه من زوجي بدون بنج(مشكلتنا إنعدام القذف)السائل المنوي كله متجمع في غدة البروستاتا..يعني التكلفه النهائيه11500
2_الدكتوره ممتاااااازه وشاطره وحبوبه وحريصه قبل العمليه هي إللي تدق علي تعطيني التعليمات وتدق مره ثانيه تتأكد إني فهمت والتعامل معها جدا" مريييييييح..
3_بنات بالنسبه للإبر التفجيريه(بريغنايل)زوجي لما راح يدورها يقول شبه منقطعه عن الرياض صيدليات كثييييييير راح لها ماحصل والصيدلي يقول لها فتره وهي نادر تحصلها بس الحمدلله ياااارب حصلها أخيرا" في صيدلية الفارابي في التخصصي وأنا زاد عندي كرتون منها وإللي محتاجتها وماحصلتها والله مستعده أعطيها إللي عندي لأني عارفه أهميتها بالنسبه لنا..
4_التحامييييييييييل آآآآآآآه منها جننتني..قالت لي الدكتوره عادي إذا ماقدرتي دخليها من ورا أدخلها بس أقعد بعدها ساعتين أحسها بتطلع أو مادخلت زين مدري وش قصتها جننتني..ويطلع بقايا منها وأقول أخاف مادخلت لازم أحط ثانيه أبلشتني جد..أنتم وش رايكم؟؟طبيعي هالشي ولا أنا بس ماأعرف!!!!
هذي قصتي وبكره بإذن الله الترجيع والله يتمم كل شي على خييييييييييير:)
وإللي عندها سؤال أنا حااااااااضره للحلويييييييييييين:)