رحلتي لأوكرانيا بشهر 8

وعليكم السلام
بالانتظار ي عسل

بانتظار تقريرك 

الليلة بإذن الله راح أنزل التقرير بس أجهزه لعيونكم

اليوم بإذن الله أكتب لكم تقرير مفصل عن رحلتي لأوكرانيا في صيف 1434هـ كانت الرحلة في شهر 8 هجري

قبل كل شي أول سؤال راح يجي في بال كل وحدة حابة تسافر هو الحجاب . فأقول لها ( خليكي متحجبة ,, لأنه رمز لعزتنا كمسلمين لا تضعفون وتخافون والله العظيم إني أمشي بعباتي السوداء وعباية بنية و إني ألاقي الإحترام والتقدير منهم ,, والله إني أمشي وأنا أبتسم وأذكر حديث الرسول صلى الله عليه وسلم ( طوبى للغرباء ) أرجعوا للحديث لمعرفته كاملاً . طبعاً هذا الحديث ليش بالذات هو أكثر واحد تردد على ذاكرتي لأني وبكل بساطة في كل مكان أطلع فيه أكون أنا الوحيدة اللي لابسه العباية السوداء وأحتسب الأجر عند الله ولكي تتعود أوروبا الشرقية على اللباس المسلم وكل من سافرت بعدي إلي أوكرانيا ما تخاف وفي نفس الوقت يكونوا الأوكرانيين متعودين على لباس المسلمات .
بالنسبة للنقاب أنا ماشفت ولا وحدة منقبة شفت عائلة خليجيه بناتهم محجبات .



النقطة الثانية اللي راح أتكلم عنها هي التخطيط للسفر .

قبل أي سفرة نبي نسافرها لازم التخطيط والتخطيط الصحيح هو أساس النجاح ,, ولازم نتثقف كثير عن البلد اللي راح نسافر له .
منها تعرفين أيش الأشياء المميزة في البلد و الأسعار وصرف العملات وعناوين السفارة وأفضل المستشفيات لاسمح الله إذا أضطررنا إننا نروح لأي مستشفى ,, مطاعم الأكل الحلال ,, وكذلك نركز على حاجة مهمه هي طبائع الشعوب لأنها تختلف من بلد لبلد ( مثلاً في بريطانيا إذا جيتي عند شخص وتكلمتي معاه وما فهمتي وش يقول وقلتي له what راح يتضايق لأنها عندهم تقال للأطفال وليست للكبار ولكن نقول له excuse me , can you repeat again ? وراح يتقبل ذلك وهو مبسوط . وعندنا بالسعودية عادي تسألين وإذا مافهمتي تقولين له أيش ,, عيد ,, والشخص يعيد ويوضح بشكل طبيعي ) .

هذا اللي في بالي إلي الآن أي أستفسار ؟

طبعاً سفرتنا كانت ع الطيران الأوكراني من دبي . طلعنا لدبي ومن دبي كييف اللي هي عاصمة أوكرانيا .
حاولنا نلاقي خط رحلة يطلع من السعودية لأوكرانيا بس كلها لازم توقف في دوله ( يعني ترانزيت وأنا ما أحب الترانزيت وقت أنتظار وحوسه أفضل الدايركت على طول ) طبعاً الطيران السعودي يوقف بفرنسا وأنا ما أحب فرنسا
طلعنا دبي وبعدين سافرنا أوكرانيا الرحلة كانت تقريباً 5 ساعات . أول مره أطلع على هذا الخط . طلعنا درجة الأفق وكانت رخيصة الشخص ب4000 ريال . وع الطيران السعودي تكلف 20000 الف والدرجة السياحية . الدرجة الإقتصادية ع الطيران الأوكراني يمكن يكلف شخصين 3000 ريال فقط . الطيران الأوكراني فقط من دبي يعني السعودية بكبرها مافيه خطوط أوكرانية .
درجة الأفق مو ذاك الزود صحيح أنك مميز في الضيافة ولكن ماتقدربن تمددين الكرسي وتنامين وأنا كان همي كله أني أنام بس تفاجئت أنك ماتقدرين تمددين الكرسي فحسيت أني أنقهرت شوي . بس بالمقابل المضيفات ما قصروا شبعونا أكل هههههههه