رحلتي لتركيا بشهر رمضان 9/1 /1436

المشرفات احذفو موضوعي نزل ولا نزل معه الشرح ؟؟؟ مع انه سويت معاينه للموضوع قبل انزله

السلام عليكم ورحمة الله وبركاته طبعا نزلت شرح بالموضوع بس ماعرف ليه مانزل نزلت الصور فقطعموما بذكر تجربتي بختصار حجزت التذاكر والسكن عن طريق شركة سياحيه من الرياض الي الشمال التركي ( طربزون - اوزنجول - قلعة السلطان مراد ) الرحلة مدتها 4 ساعات الجو ممطر وبارد السكن عبارة عن اكواخ خشبية فيها مطبخ وصاله وغرفتين نوم ودورة مياة ونت وجميع القنوات العربية بالقرب من بحيرة السمك في مطاعم وكافيهات وجامع وبقالات ومخبز ومحلات خضار وملابس وهداياءفي صرافات قريبه بطاقتي الراجحي بس ياخذون ع كل سحب 35 ريال تقريبا الصيام ممتع جدا رغم طوله لكن الجو بارد مانحس بالجوع ولا العطش الملاحظات اثناء الوصول للمطار دفع تاشيرة قيمتها 60 دولار المواصلات غاليه لانهم يستوردون البترول الحمام افرنجي بدون شطاف الافياش تختلف عنا بس حصلنا توصيلات بالمحلات السكان مزارعون اغلبهن لانه ريف تعاملهم جدا راقي مع السواح الجامع ماشالله كبير نصلي فيه ونسمع الاذان من باب الاحتياط اخذت معي قهوة تكفي 10 ايام وتمر وهيل وبعض المعلبات مع انه بالبقاله كل شي متوفر حتى رز بسمتي اصحاب المحلات يتكلمون عربي ولاتنسون الترجمة من قوقل اكتبو عربي وحولو لتركي وسلامتكم

الحمدلله ع سلامتكم بسىلك اختي كيف وضع الحجاب هناك عادي

ايوه عادي جدا ويحترمون المراءة المحتشمه بس بطربزون بصراحة تمنيت اني لبسة عباية كتف ملونه لانه السورين الله يهديهم ازعجونا يشحذون لدرجة طفشت وكرهت انزل للسوق او المطعم اما اوزنجول هناك الفلاحات محجبات ومحتشمات

زين الله يبشرك بالخير والله يعينا ع الشحاذين