ام عروووب @am_aarooob

كبيرة محررات

رحلتي للجنادريه بالصور

صباح الورد لأحلى الورود ...

اليوم جبت لك ملخص رحلتي للجنادريه ليوم الاربعاء 23/5

دخلتها تقريبا الساعه 4 العصر وكانت روعه بكل معنى الكلمه كأني بحلم مو بعلم كل شئ حولي مبهج ما ادري الحق على ويش ولا ويش ..

توجهت ع طول داخل المهرجان وشفت خيمة لشعراء وعندهم استريو يلقون قصايدهم منه وكانت قصائدهم روعه مررره ..

ثم دخلت خيمه صغيره فيها مجسمات لحيوانات بريه وازياء ملابس للنساء قديما وقدر كبير لطيخ الذبايح وكان فيها بعد رجل يجر الربابه ع قصيدة ياجر قلبي جر لدن الغصوني لشاعرها الدجيما
وكان صوته مره حلو واتمنيت لو غنى بعد ياعلي لابن لعبون ( الله يسامحني سمعت معازف )

ثم طلعت من الخيمه ورحت عند الي يسوي اواني فخار واستمعت كثير اول مره اشوفه ع الطبيعه قبل ما اشوفه الا بفتح ياسمسم :35:

بعدها رحت لرقص الامارتين كان فيه شياب مشغلين استريو يرقصون رقص اماراتي بالخيزرانه :39:

بعدها دخلت القسم المخصص لجامعة الملك سعود وكان فيها طلاب جامعه كل واحد مخصص يسال عن اي سؤال طبي من تخصصه ... الي تخصصه اعشاب والي هشاشه عظام والي مرض سكر والي مشاكل اطفال وغيره وفعلا استفدت كثير لاني سالتهم اساله كثيره كانت محيرتني عن الادويه والاعشاب وجاوبوني ع كل تساؤلاتي واعطوني بعد كيس مليان بهدايا وكتب ومنشورات توعويه..

بعدها رحت لقسم قوات الامن الخاصه وتفرجت ع الاسلحه الحربيه من رشاشات ودبابات ومسدسات وملابس واقنعه حرب وتلفونات عسكريه وبدلاتهم الرسميه كان قسمهم مره ممتاز ومرتب ..

بعدها طلعت لقسم القوات المسلحه وتفرجت ع مجسمات صورايخ لباتريوت وغيره وشفت دبابات حربيه وهليكوبتر وتفرجت ع عرض سينمائي لمناوره حربيه توصف كيف صاروخ باتريوت يصيب الهدف..

بعدها توجهت لقسم الفضاء وتفرجت ع مجسمات للاقمار الصناعيه المصنوعه بالسعوديه مخصصه للهواتف والتصوير هذا كان كلام الموظف ويقول بعد انه يوجد 12قمر صناعي سعودي مخصص لهالمجال ..

بعدها رحت لقسم السفن القديمه وتفرجت فيها سبحان الله كانوا مبدعين قديما بالسفن الشراعيه وتفرجت ع صور للمؤاني السعوديه..

بعدها توجهت للقسم المخصص للملك خالد رحمة الله عليه وكان مرره مرتب ومنظم وكان يعرض ملابسه وادواته الشخصيه وجاكيتاته وساعاته وبشته وجواز سفره ورسائله وصوره وغيره لحظتها دمعت عيني لانه محبوب من الشعب مع العلم اني مالحقت ع عصره بس اسمع مدح الناس له كثير الله يرحمه ويرحم اموات المسلمين:44:

بعدها توجهت للعرضه الجنوبيه وتفرجت ع رقصتهم وكانت حلوه مره وسريعه وتحمس للرقص:p

بعدها توجهت للقسم الياباني وماقدرت ادخله من الزحمه الرهيبه:icon33: بس تفرجت ع استعراض لهم مع التنين وكان استعراض حلو :p

بعدها دخلت قسم مسوي دعايه لمذيعي بدايه بس مافهمت شئ لقيت ابو عبدالكريم جالس ع كرسي ولا فيه فعاليات يمكن توهم مابدا عرضهم ..

شفت بعد مسابقات للاطفال وشفت طريقة اخراج الابل للماء من البير قديما وكان فيه دور ثاني باحد الاقسام رقص للنساء كان ودي ادخله بس ماقدرت تعبت من المشي مررره :icon33: والمطاعم داخل المهرجان اكلاتها تفتح النفس تعشينا فيها ماطلعنا الا الساعه 9ونص المساء بعد مارفهنا عن انفسنا كل ماصعدت درج او نزلت مع نزله القى عن يميني ويساري وقدامي فعاليات وانشطه واسواق تفتح النفس :27:
بصراحه المهرجان السنه ذي كان ممتاز ومنظم ومتعوب عليه الله يعطيهم العافيه :39:

اللحين اخليكم مع الصور الي التقطتها بجوالي بس للاسف فشلني توني شاريه البيبي بولد ع بالي ذاكرته كبيره واول ماصورت هالصور امتلت الذاكره ما امداني الحق باقي المهرجان :mad:

(الي عندها صور اذا ودها تنزلها بردها الله يحييها)
يتبع لا احد يرد رجاءآ