كيفكم بنات ... رايييقققققققققققين ان شاء الله لاني بسولف لكم عن حجتي السنه هاذي لعام 1430 ه .... والله يابنات اشياء غريبه حصلت لي فيها اشياء رااائعه جدا الحمد لله قربتني من ربي وشفت اشياء ما زادتني الا ثقة بالله وتووكل عليه ..
كانت حملتي مع الراجحي يعني مجانيه .. بس كلمة راااائعه قليلة بحقهم الله يجزاهم خير .. من اول ما وصلنا للمخيم جت وحدة واخذت شنطتي لانها كانت ثقيلة علي وكنت معتمرة وتعبانه شوي مو كثير يعني اقدر اشيلها لكن العاملة جزاها الله خير اخذتها ومشت فيها لين وصلت عند فراشي من اول ما وصلت لقيت فراشي وملصقين عليه رقم وعطوني رقم ثاني الصقه على بطاقة المخيم ... حتى ولا وحدة تضيع فراشها من زحمة الفرش ... وكانو المشرفات من بنات الراجحي وبنات ثانيات وما شاء الله كانو قمة التواضع والتفاني في خدمة الحاجات ... المهم فرشت فراشر رحت توضيت وانتظرت لين صلاة الفجر .. صليت ونمت ... صحيت على صوت ميكروفون الخيمة يصحون النايمين علشان وقت الفطور ... افطرت وكان عبارة عن بوفيه تاخذين اللي تبينه ... الله ياذاك اليوم .. رووووعه .. صباحه غييير وهواه غير كان يوم 7/12 بس يابنات روعه لما تناظرين فالحريم ولا وحده حاطه مكياج وكلهم لابسين ملابس رثه عااااادية واقل من عاديه يصحون مع بعض يفطرون مع بعض يصلن الحريم مع الداعيه جماعه يقرون القران مع بعض
شي عجيب ... ونحضر المحاضرات اللي كانت الداعيات يصلحونها والله يجزاهم خير كانو كل يوم يعلمونا وش نصلح بكره ابد كل شي بيومه ونصيحه اللي بتحج لا تعتمد على الكتب اللي بتقراها عن الحج احسن لها تحضر المحاضرات وتستفيد لان مواضيعهم شامله لكل شي ... المهم بعد ما افطرت رحت تروشت لاني بعد العمرة ماتروشت سبحانه مع اني مشيت مسافه طويلة يوم العمرة غير الطواف والسعي لكن سبحان الله كان التعب خفيف ومقدور عليه مع اني كنت خايفه حيل وشايله هم تشدد العضلات لانها هي اللي دايم تذبحني فالعمرة .. لكن يارب لك الحمد والله ما اكذب عليكم ان قلت احيانا وانا امشي احس ان لي جنحان وربي اني صادقة ..
وتذكرت اهلي لما كانوا يحاولون يقنعوني اهون عن الحج خافوا علي من انفلونزا الخنازير والشيعه الله يفكنا شرورهم
وكنت اقول لهم انا متوكلة على الله وان كان الله كاتب لي الموت احسن موته والله يتقبلها مني وابعث ملبية .. وحسيت ان الله معي لكن فالسعي حسيت بدوخه وضعف عام ورعشه لانها تجيني احيانا بس كل لفه اشرب لي كم كوب من موية زمزم لين راحت الحمدلله ..
ادري اني اطامر فالموضوع الله يعينكم علي لكن تراي ما اعرف اركز .. تحملوني
اسكت احسن .. او انكم استفدتوا مني وتبوني اكمل
... واللهما كتبت الا حتى تستفيدون .. وشرايكم اتابع...
يلزم عليك تسجيل الدخول أولًا لكتابة تعليق.
الملكه1
•
مبروك الحج ياحجه والله كان نفسي احج السنه هذي بس ربي ماكتب ***** الله السنه الجايه بس عساك مانسيتي وخياتك من الدعوه لكي كل احترام
أسأل الله العظيم رب العرش العظيم ان يتقبل مني ومنك ومن كل من حج هذه السنه حجنا اللهم آمين
والله أنها تجربة عظيمه أسأله الله أن يرزقني أياها كل عام ومن يتمنى الحج يارب اللهم آمين.
والله أنها تجربة عظيمه أسأله الله أن يرزقني أياها كل عام ومن يتمنى الحج يارب اللهم آمين.
الصفحة الأخيرة