السلام عليكم ورحمه الله وبركاته
حبيت اشاركم برحلتي لماليزيا والي كانت مدتها تقريبا شهر وكانت مقسمه
يومين كوالا لمبور
ثلاثه ايام لنكاوي
10 ايام بينانغ
و12 يوم كوالالمبور
الخطوط الناقله
نبداء من خطه سير الرحله الي كانت اولا الى ابو ظبي وبعدين من ابو ظبي الى كوالا لمبور
بس المشكله كانت فتره الترانزيت وين نقضيها 6 ساعات مره كثير طبعا بحثت كثير في النت عن مطار ابو ظبي والاماكن الي فيه مالقيت غير الفندق جربت احجز عن طريق التلفون قالولي فل
اول ماوصلنا المطار شار علينا شخص اماراتي وقال خلوكم بالمطار الجديد خدماته افضل شربنا كفي وقعدنا شوي بس ملينا ورحنا ندور مكان الفندق عل وعسى نلاقي حجز وفعلا لقينا حجز بس كان باليوم مو بالساعه واليوم ب1000 ريال مره كثير على كم ساعه بس لقينا عرض افضل الي هو انا نجلس بالوبي مع الاستمتاع بالمرافق الي هي غرفه العاب اطفال وغرفه استرخاء وفي مسجد مع الاكل والشرب والقهوه كل هذا مقابل 100 درهم للشخص
اللوبي
غرفه الكمبيوتر
غرفه الالعاب
المسجد
الاتجاه الى غرف الفندق
غرفه استرخاء
واقلعنا باتجاه كوالا لمبور
كانت رحله شاقه جدا بسبب الانتظار فنمت انا وعيالي الا زوجي
قلقان ومايعرف ينام بالطياره
الين صحتني المظيفه تربط الحزام فتفاجاءت بالمنظر
وصلنا كوالا لمبور بفضل الله طبعا على طول على الفندق الي كان
شقق اسكوت الفندقيه( طبعا للاسف فقدت صور اول يومين )
ونومه طبعا وصحينا على الساعه وحده ونص بتوقيت كوالالمبور
وطبعا ميتين من الجوع وبكل ثقه رفعت السماعه ابي اطلب من
الروم سيرفس واتفجاء ان الخدمه تنتهي عندهم الساعه 11 مسا
ء وطبعا استنينا الفطور بفارغ الصبر
صلينا الفجر وطلعنا فطرنا وبعدها اخذنا باص سياحي وتجولنا
على كوالا نتعرف عليها لين جت الساعه 2 الظهر عيالي ناموا
بالباص تغدينا بالمطعم الايراني ورجعنا الفندق وعلى طول على
السرير من التعب
صحينا اليوم الثاني الساعه 3 الفجر مازال النوم متلخبط واستنينا
الفطور واستعدينا للسفر للنكاوي
الساعه 9 كان التكسي جاهز ورحنا للمطار كانت الرحله الساعه
12 ونص
طلعنا الطياره