رحلتي مع الجمال ,,,من الالف الى الياء .......... حياكم

بسم الله الرحمن الرحيم
البشـــــــــــــرة::

طبعا بشرتي مايحتاج احكيلكم معاناتها .......الحمدلله مايلة للبياض لكن للاسف كانت منتهية
يعني حبوب+اثار قديمة لحب شباب+غير الشمس الي حرقتها لي ........فصارت وجهي باهت مافيه حياة
الموية ماكنت اشربها الا ناااادرا يعني عايشة ع الكولا والمشروبات الغازية ..........القهوة لاززززم كل يوم وطبعا لازم معاها حلى وبما اني ماني من عشاق التمر استبدلته بالشوكولاته .........اكلي كان يشتمل على المخللات والشطة وكل الي تحبه قلوبكم ....................................

المهم مالكم بالطويلــــة ....!!!
طبعاً اول شيء سويته اني رحت لدكتورة جلدية ............. لين متى وانا مهملة نفسي وكل ماشفت وحدة بشرتها حلوة حسيت بالحسرة.........!!!. واعطتني كريمات للبشرة ...............وبعض النصائح <<<لاتخافون باقولها لكم هههههههه ............قالتلي كثري من الخضار والفواكه........ابعدي عن المشروبات الغاااازية........اشربي لبن وموية وحليب بكثرررة........ابعدي عن الشوكولاته.............لاتتعرضين للشمس بكثررررة ومن غير واقي
(للامانه هذا مو نص كلامها بالضبط لكن هذا الي فهمته من كلامها)
عاد انا ايش سوووووويت...؟؟؟؟؟؟؟؟؟؟؟
قطعت المشروبات الغازية ......... والقهوة خففت منها يعني وين ووين اشربها ......... الموية كثرت منها
بما انه لازم شرب 8 اكواب يومياً على الاقل ....... في البداية كنت اشرب من غير مااحسب كم كوب يعني كل مالقيت نفسي فاضية شربت ........ بعد كذا صرت اشرب 5 _ 6 اكواب في اليوم لين اعود نفسي على 8 اكواب
وفعلاً وجدت نتايج الموية على بشرتي صارت رطبة والحبوب خفففففففففت وحسيت ان وجهي فتح حتى امي لاحظت هالشيء............
لااااازم يومياً اشرب كوب لبن ع الاقل (نصيحه للي وجها فيه حبوب لانه يعتبر مطهر للجلد ) وفي وحدة من الاخوات (ميلودي) كانت كاتبة ان(( اللبن يتحكم في الميلانين الموجود في الجلد ويوازنه في غضووون أسابيع ......))....عارفين ايش يعني هذا الكلام يعني انه يفتح لان الميلانين اذا زادت نسبته في الجسم يسبب اكتساب الجلد للون الاسمر....................


الفواكه الي ماكنت اكلها الا وين ووين هالحين صرت حرررريصة عليها كل ماحسيت بالجوع قعدت اكل فواكة
برتقال.......تفاح<<<امووووت فيه............فراولة ........كرز............خوخ (وهذا مفيد للبشرة وللجسم لانها ماتسمن) ماعدا الموز لاني مااحبه ,, والعنب يقولون يسمن .....!!!!!
والخضار بعد سرت استمتع بعمل السلطات بدال مااكل خيارة لوحدها ولا طماطمه كاني مغصوبة عليها ...........اسويها سلطة واتفنن فيها خيار+طماطم+بقدونس+خس+فلفل اخضر+جزر مبشور+بصل مبشور مااكثره البصل ...وشوية ليمون وملح لاحظوا شوية يعني القليل خخخخخخخخخخ عشان ماتنزع الفيتامينات الي فيها بالملح ..................وممكن تضيفون عليها ملعقة زيت زيتون <<<يقولون يخلي البشرة موردة ياااااي
استبدلت المشروبات الغازية بالعصيرات وانصحكم بعصير التفاح+الحليب (العصاقيل يحطون سكر الدووووبيات لا خخخخخخخخخخخخ)...............مع مرور الايام يفتح البشرة ويخليها مايلة للوردي
وعصير الجزر واااااااااو فظيع استمريت عليه فترة حب الشباب اختفى ...........ومانصحكم بالعصيرات المعلبة
مامنها فايدة غير انها تسمممممن لانها مليانه سكررررررر ...!!!!!!! خليكم عالفرررررريش احسن
انا الحين اعطيتكم نظامي الغذائي الي انا ماشيه عليه للبشرة والحمدالله نتايجه رووووعه ........
طبعا وجهي مااحط عليه خلطات لاني الحين اعالج بشرتي فمستمرة على كريمات الدكتورة...........وعلى فكرة اعطتني سكراب وماسك للبشرة ماركة arval وعلى ذمتها انها افضل سكرب ومقشر للبشرة في العالم ....... وفي وحدة مدحت لي هالماركة والله اعلم ........... واستخدم الروكوتان للحبوب وكثير يمدحونه كافضل علاج لحب الشباب <<<<حشا قلب الموضوع اعلانات خخخخخخخخخخخخ http://forum.hawaaworld.com/files/58208/بلبلبلبل.gif
لكن في شيء طبيعي استخدمه لبشرتي كانت امي دايم تنصحني فيه لكن شتقولون اذن من طين والثانية من عجين ..!!! ودايم اقرى عنه في المنتدى ............. لكن يوم جربته ماعاد اقدر استغنى عنه الي هو منقوع السدر اغسل وجهي فيه رووووووعه وطريقته بسييييييطة::
اخذت اوراق سدر ( افضل من الي عند العطار) لون السدر اخضررررررررر غاااامق مو مثل الي عند العطار
وجففتها وطحنتها الين ماصارت بودرة ..............
ونقعته في موية صحة في قارورة وحطيته في الثلاجه وكل مابغيت ارج القارورة واخذ كمية بسيطة اغسل فيها وجهي ................. الصراحه انصحكم فيه لاتنسون السدرة من اشجار الجنه يعني شجرة مباركة باءذن الله..
وقبل مااروح للدكتورة كنت استخدم الطين المغربي خطيررررر ....... ينظف الوجه من الدهون ....... يعمل على قبض المسامات وشد البشرة ........... ممممممممم وش بعد خلوني اتذكر ايه ماء الورد حلو للبشرة كنت انظف وجهي فيه ............ وممكن ترشونه على الوجه منننننعش ................ وفي حركة اعجبتني الي هي شرب ماء الورد ممكن تاخذين ملعقة موية ورد وتشربينها او تخففينه بالماء العادي وهذه الحركة مشهورة عند الايرانيات .....................
وعلى فكرة يابنات ترى القرفة روووووعه للبشرة امي وقت النفاس تشربها تخلي بشرتها لا اله الا الله بيضاء ومشدوووودة .................... والحلبة بعد <<<<مااشربها يقولون تسمن

يتبــــــــــــــــــع
7
7
7
7

لا اله الا انت سبحانك اني كنت من الظالمين
راح اتكلم عن جسمي ..........................

تقريبا قبل سنتين ماكنت اعرف شيء اسمه خلطات واهتمام بالجسم حتى اللوشن ماكنت استخدمه <<<<بلا فضايح خخخخخخخخ
والي خلاني اهمل نفسي ان لوني فاتح <<< ابوووك يالتقة هع هع هع
لكن من يوم عرفت المنتدى تغيرت جذرياً <<<<< حلووووووة جذرياً مدري وين سامعتها
مااعرف لازم كل كمٍ سطر يطلع خبالي واخرج عن الموضوع ....................... الموووووهيم مالكم بهالهذرة
ومرت الايام وانخبطت عفوا قصدي انخطبت .................... وقعدت افكر في حالتي شلون ياهموسة بتعرسين وانت كذا ماتهتمين بنفسك ومافيك انوثة <<<< حوار مع النفس خخخخخخخخخ
وقعدت افكر وافكر لين ماقررررت اني خلاص باتغير .................. في البداية حطيت كل مشاكلي على جنب وبدات بالاهم فالمهم واستفدت من خبرات البنات في المنتدى بما اني كنت جديدة .............. وجمعت لي كمٍ خلطة وقعدت اتلطخ بهالخلطات بعضها يصيب والاكثرية تخيب تدرووون ليش...؟؟؟؟؟؟؟؟؟؟

لاني استخدمت الخلطات من غير مااشيل الجلد الميت ...!!!! سويت الحمام المغربي لكن للاسف ماطلع مني شيء ماادري هل طريقتي غلط ولا انا نظيييييفة زيادة عن اللزوم<<< امحق نظافه ههههههههه
سويت سكراب طبيعي لجسمي واخذت طريقته من المنتدى الي هو الملح + الليمون والصر احه روووووعه
اخذت كمية من الملح الصخري وبما انه خشششششن حبتين وجلدي حساس وطحنته بطحانة البهارات والهيل عرفتوها..؟؟ ماخليته تطول وهي تدور ياددوبك دورة وحدة وحطيته الملح في علبة شكلها حلو.............. وقبل مااتحمم ادهن جسمي بشء يرطبه مثلاً خلطة الجلسوليد الي اخترعت مكوناتها هههههههه لكن نتايجها حلووووة الصراحه فتحتني ............ ورووووعه لليدين والرجلين <<< لاتخافون باقولكم عليها
علبة جلسوليد
فنجان ماء ورد
فنجانين ليمون معصور
لوشن (أي لوشن يتوفر عندي)
فنجان زيت خروع (لاتخافون مايطلع شعر بالعكس يفتح)
جلسرين (اذا كان متوفر عندي )
زيت لوز مر او زيت زيتون (أي زيت اذا كان متوفر عندي)
لوشن جونسون للاطفال ملعقة

ادهن جسمي فيها وخصوصا المناطق الجافة اركز عليها زي الركب والاكواع وادهن رجولي والبس عليها كيس نايلون وفوقه شراب ............... وادهن يديني والبس قفازات واخليها قد مااقدر بعدين ادخل الحمام( وانتم بكرامة) واخذ من الملح كمية واعصر عليها ليمونة واصنفر جسمي ابدا بايديني ولما انتهي منها ابدا بمنطقة اخرى لين اخلص من كل جسمي بعدين انظف جسمي بصابون بالفواكة اسمها هارموني وريحتها روووووعه في منها بالقراولة والخوخ والتفاح ......الخ وافرك جسمي بليفة بودي شوب المنفوشة على قولة حبيبة قلبي (الموسوسة ) .............بعدين اشطف جسمي واغسله اخر غسله بشاور جل من ماكياجي بالخوخ ريحته رووووعه ,,, واخر شطفه تكون بموية بااااردة (من فوايده انها تقفل مسامات الجسم..وتشد الجسم وخصوصا المترهل) بعد مااخرج من الحمام وانت بكرامة احط لوشن على جسمي واكثر في المناطق الجافة زي الركبه
لان من اسباب سمارها الجفاف(كلام دكتور) استخدمت لوشن نيفيا للبشرة الجافة جدا ً ريحته حلوة .... والحين استخدم لوشن جونسون بحليب الشوفان والعسل مرررره حلو ريحه وترطيب .............. ورجولي افركها بحجر اخذته من العطار لازالة الجلد الميت وخصوصا اعقاب الاقدام والله تشوفون الجلد الميت يطلع ( هذه من فوايد خلطة الجلسوليد) وادهنها باللوشن والبس شراب والله يالبنات مع مرور الايام رجولي صارت تهبل مافيها جلد ميت ونااااعمة

ومن الخلطات الي استخدمتها خلطة الاخت( هنادي ) الصراحه حلووووة وتفتح المناطق الداكنه بس يبيلها صبر وطولة بال .......... وقبل مااحط خلطة على جسمي انظفه بالاسكينول

واستخدم الحين خلطة عبارة عن زيت سمسم + ملعقة سدر + ملعقة حناء + ملعقة كركم ( حطيتها في علبة وقبل الاستخدام ارج العلبة واخذ كمية)
احطها وانا في الحمام وانتم بكرامة قبل الاستحمام واخليها اقل شيء ثلث ساعه وفي هالوقت اسوي مساج لجسمي فيها بعدين اتحمم ................ الصراحه حلوة مالي الا يومين استخدمها تعطي الجسم نظافة ولمعه حلوة
ومرة كانت الغالية ( البـــدر) كاتبة ان زيت السمسم يخفف من التشققات ........................

وفي نههاية كل اسبوع يوم الجمعه مثلاً استرخي ( اتنقع ) بالعربي خخخخخخخخ في موية وملح (اعبي البانيو موية مايلة للحرارة الي اقدر استحملها واحط ملح صخري ) واسترخي تقريبا 10 دقائق فيها خطيررررررة هذه الحركة ( من فوايدها انها تشد الجسم + تنظف الجسم خصوصا من الزيوت والخلطات لان الملح يعتبر مطهر + وتساعد على الاسترخاء + تريح العظام والمفاصل وخصوصا للي يسوون رياضه)
والمتزوجات انصحهم يسونها بعد الدورة ......................

وعلى فكرة استخدم بعض الاحيان سكراب (st.Ives) بالمشمش حلو ...... وكانت كاتبة عنه ( الموسوسة)
وناوية ان شاء الله اسوي وصفة الاخت (فيوليت ) باين انها حلوة وباقتبس كلامها للي مايعرفونها .....

(((الخلطه هي :

3 ملاعق كبيره حليب باودر
4 الى 5 ملاعق هرده ( طحينيه )
عصير ليومنه وحده
3 الى 4 ملاعق سنفره جسم ( اي نوع بس فضل علاى مشمش )
ماء حسب الكميه

يخلط الجميع ويضاف الماء حسب مايصير المزيج ثخين ... لا تخلينه حيل سائل أوكي

تضعينه على الجسم بس حذاااااااااري تستخدمينه على الوجه لانه حار عليه بس على الرقبه والجسم تراه ممتاز للعرايس))) انتهى...........

تقريبا هذه هي الاشياء الي استخدمها لجسمي ماكتبتها لكم الا عن تجربة ولاني ابي افيدكم ........ وانصحكم نصيحه لوجه الله وعن تجربة كل ماسويتي خلطه حطيها في علبة شكلها مريح للعين ونظيفة........... عشان ماتحسين انك مغصوبة ع الخلطة بالعكس تحسين انك قاعدة تدلعين عمرك................ الصنفرة مثلا انا احطها في علبة حمام زيت صغيرونه عندي وشكلها حلو ............. وخلطة الجلسوليد حاطتها بعلبة بلاستيك حلووووة سارقتها من الوالدة ههههههههههههه وهكذا ............
يتبـــــــــــــــــع
7
7
7
7

سبحان الله وبحمده عدد محامده التي احصاها عباده والتي لم يحصوها

الشعــــــــــــــر::


تدرون ان تاج البنت شعرها يمكن هالمقولة يقولونها جداتنا كثييييير لكنها صحيحه 100% وكثيرين مؤمنين فيها وخصوصاً الشباب ................. وممكن البنت تكون عادية مافيها ذاك الجمال لكنها تلفت العالم بشعرها .......... واكبر دليل زينب العسكر الكل بيموت علي شعرها ............. عشان كذا الشعر يبي له عناية خا1111صة جداً لان أي اهمال ولو لفترة بسيطة راح ينتج عنه جفاف للشعر وتقصف اطرافه............... واذا زاد الاهمال ممكن التقصف يمشي في الشعر وينتقل من الاطراف للشعر كله .......................
راح احكيلكم قصتي مع شعري <<<<< الله يعينكم عليّ .............. بس والله ماكتبتها الا للفائدة
الموووووهييييم::
شعري ولله الحمد ناعم ............ لونه كان فاتح تقريبا بني غامق لكني للاسف في فترة من الفترات دمرته ................. زمان كانت امي الله يسعدها هي الي تمشط شعري .............. وتدهنه لي بزيت الزيتون وتسويه جديلة وكان حلووووو ...................... لكن يوم كبرت ووصلت للمتوسطة خلاص شفت نفسي ومحد يمشطه غيري وهنا بدأت تطلع الهوايل <<<< وهذا اكبر دليل ان الامهات اهتمامهم في الشعر غير قارنوا بين شعوركم وانتم صغار والحين...؟؟
ماعليكم المهم .................... امشطه بقوووووة لين ماتكسر شعري ................. وماازيته الا بطلوع الروح ............. واغسلة بقوووة .............. هذا غير الصبغات الي كنت اصبغها من وراء امي وكلها مايبين لونها لكنها قلبت لون شعري الاصلي .................. لدرجة ان كل الي يشوفني الاحين يقول لامي غريبة كالنت شقراء وهي صغيرة

امي كانت ماتدري اني اصبغ شعري اصلا تذبحني لو تدري ماكتن تؤيد الصبغات نهائياً ................. ماوافقت الا لما تخرجت من الثانوية وجبت نسبة بالقوووة وافقت وسويت هاي لايت وطلع شكله حلو ...................... تخيلوا يعني المفروض بعد الهايلايت اسوي له حمام زيت او ازيته شوي واهتم فيه حتى لو بقص الاطراف لكن للاسف ............... كنت مهملته <<<< الله لايعيد ذيك الايام ............... وبدأ التقصف يمشي في شعري والصبغة بدات تنزل يعني شكله كان مو حلو الا منتهي ....................


وجاء ذاك اليوم الي رجعت لي فيه الذاكرة خخخخخخخخخخخ وانتبهت لشعري حشا مو شعر بنية ........... وخلاص عزمت اني اهتم فية ................... كان تقريبا لنهاية ظهري قصيته لنص ظهري وشلت كل الشعر المتقصف ............... وشعري كان لونين من فوق اسود ومن تحت اشقر فاضطريت اصبغه كله لون بني غامق وطلع روووووعه اسود فاااااحم..................... كل شهر لازم اقص اطرافه وفي نفس اليوم من الشهر ............... سويت رسالة تذكير في جوالي عشان ماانسى ..............................

سويت خلطة زيوت والصراحه كانت رووووعه ::

فنجان زيت خروع
فنجان زيت لوز حلو ( الحلو للشعر والمر للجسم )
فنجان زيت مرامية <<< خطيييير هالزيت يخلي الشعر يلممممع وينعمه
فنجانين زيت نارجين
وخلطتها في قارورة وحدة هذا الكلام كان الصيف الي فات .......................... واستخدمتها يوم ايه والثاني لا وهكذا تقريبا فترة الصيف كلها ........... والحمدالله شعري تحسسسسسسن كانها كان ميت وردت له الروح<<< ونعم التشبية هههههههههه



لكن الحين لي فترة مسويت لي زيوت حلوة بعد وشعري الحمدلله بشهادة الجميع حلو .............. وهي عبارة عن فنجانين زيت سمسم + فنجانين زيت نارجين ( والافضل تكون الزيوت من المعصرة) واحطها في قارورة واحط معاها تقريبا 4 اعواد قرنفل + وهالشهر زودت عليها شوية محلب مطحون + قطرات من زيت كيشور دهني
وممكن تكتفون بالسمسم والنارجين روووووعه ........................ ازيت شعري يوم ويوم لا ................ واستخدم حمام زيت بوناويل بالخوخ خطييييير احطه فقط في اطراف الشعر ..........................
ومن الخلطات الي استخدمتها لشعري خلطة حلوووة عبارة عن ::
سدر + زبادي + بيضة + زيت(أي زيت متوفر عندي) + محلب + ملعقة مايونيز
تعطي الشعر نعومة ولمعه .............. كنت احطها كل يوم اربعاء ......... لي فترة موقفتها لكن الظاهر الحين بارجعلها .........................

السشوار الحمدلله في علبته ماستخدمها الا مرتين في السنه في الاعياد خخخخخخخخخ واذا جت مناسبة ضرورية
والي شعورهم معدومة انصحهم يقللون منه لانه يحرق الشعر..................
ولاننسى الاكل يعني الشعر زي الشجر يبيله عنايه من برى ومن جوى .................. انصحكم تكثرون من الجرجير كثير يمدحونه للشعر,,,,,,,,, والسمك يقولون مفيد للشعر .......... وطبعا ماننسى اختيار الشامبو المناسب صانسيلك بالحنه حلو للشعر العادي والي بالليمون والبرتقال حلو للدهني .................. وعلى فكرة يابنات انا الزيوت احطها في علبة شامبو هيربل اسنسز ............... انظفها واحط الشامبو فيها ..................

ومن النصايح الي نصحتني فيها الدكتورة قالت لي لا تلفين شعرك بعد ماتغسلينه(اللفة الي دايما في الدعايات عرفتوها...؟؟) تقول الشعر يتخمر وتكثر فيه الفطريات الي تسبب التساقط ..................... والطرحه ( الشيله) مالفها بقوة على شعري........................ ونصيحه يابنات لاتمشطون شعركم وهو مبلول لان الشعر والاظافر تكون ضعيفة وهي مبلولة فلو مشطتوه راح يتكسر ويتساقط .................. ماامشطه الا اذا نشف تماما .......
الحين شعري الحمدلله لاخر ظهري ..نااعم .. مافيه تقصف ولله الحمد.. اسووووود ............ بس فيه مشكله صغيرونه كل مايوصل لنهاية ظهري الاحظ ان اطرافه تقل....!!!!!
وباءذن الله باسوي وصفة (نوض) الي هي سدر+بصل باين عليها حلوووة
يتبـــــــــــــع
7
7
7

لا اله الا انت سبحانك اني كنت من الظالمين

الرشاقة والوزن الزائد ::
طبعا كل وحدة فينا تحلم انها تكون رشييييقة بالعربي غزالة خخخخخخخ .................... وخصوصا مواسم للاعياد والافراح تكون الملابس الي نازلة كلها او اغلبها للرشيقات ................ لين متى والوحدة تقعد مقهوررررة وهي تشوف الخايسات في الفضائيات وخصوصا المتزوجات .................. ليه ماتكون افضل منهم فاذا كانوا هم شكل فقط هي تكون شكل وديييين واشدد على الدين لازم ماننسى الاهتمام بالدين واداء الصلوات في وقتها والاكثار من ذكر الله .................. لانك مهما سويتي من غير توفيق الله ماراح تلقين نتيجه .................. الشيء الي الله يبارك فيه افضل من غيرة بكثييييير
المهم <<< ياكثر ماقلت هالكلمة هههههههههههههه
انا ماني سمينه لكن احس اني من تحت فيني عرض اكثر من فوق يعني من فوق اكاد اكون نحيفة لكن من تحت عريضة شوي....................... فقلت لازم اهتم بجسمي عشان يكون فيه تناسق .........................
طبعا بما اني ماايد الرجيم بسبب مضارة الكثيرة ................. اتجهت للرياضة + التخفيف
مو معنى هذا اني احرم نفسي لااااا بالعكس ياكثر بلعي بس صرت احاسب اكثر من قبل ......................
يوميا امشي لمدة نص ساعه + الحركة في البيت+ نط الحبل لمدة 15 دقيقة تقريبا 600 نطة (راح اتكلم عنه بالتفصيل) + كل مامريت في الصالة اطلع الدرج وانزلة كذا مرة يقولون ينحف وفي وحدة من الاخوات للاسف ماني فاكرة اسمها كانت كاتبة ( ان طلوع الدرج ونزوله لمدة 10 دقائق يعادل مشي ساعه كاملة)
+ الرقص طبعاً من غير موسيقى لان الاغاني حراااااام ليش اكسب ذنوب فوق ذنوبي صح...!!!
الصراحه ارقص من غير صوت الي يشوفني يقول مهبولة هع هع هع ..................

نط الحبل ::
هذا التمرين انا مركزة عليه هالفترة لاني ابي انحف من تحت,, فخوذي يعني .................. وتشجعت اني اسوية من كثر مالعالم تمدحه ................. فقررت اني انط حبل <<< لو تدري الوالدة كان صارت علوم ههههههههه
في البداية كنت انط على خفيف واتععععععب وهكذا الين ماوصلت لل 600 نطة في اليوم انط 100 نطة وامشي في غرفتي شوي وارجع انط 100 وهكذا ................. لكن قبل النط اسوي احماء امشي في الغرفة شوي واهرول شوي وارقص شوي مع شوية تمارين خفيفة ............. بعدين ابدا بالحبل ...................

والي تشوف ان وزنها كبير تحاول تسوي رياضة تناسبها وتكون حسب كل منطقه سواء للصدر او البطن ....الخ
وقسم السمنه والنحافه ماشاء الله مليااااان ................. والي تعاني من البطن تحاول تجرب خلطة ام سلطان كثير من البنات يمدحونها انا ماجربتها ........... وعلى فكرة وقت الاستحمام اسوي مساج لفخوذي بالبن هذه الطريقة اخذتها من المنتدى ( قريت انها تذوب الدهون الي في الجسم) ................ ووقت الرياضة البس سوتيان يشد الصدر ....... وشورت ضيق مو مشد عشان مايترهل الجسم مع الرياضة .....................


كتبتلكم كل شيء انا ماشية عليه الحين او عملته واستفدت منه قبل وماكان غرضي الا الفائدة............. وللامانه كنت حريصة على ذكر اسماء كل عضوة استفدت من وصفاتها.............. والي ماذكرتهم يعذروني مو تجاهل والله لكن نسياااان....................وتقريبا لي اسبوع اكتب في الموضوع نزلته ع الوورد وكل ماتذكرت شيء كتبته ..........بدال مااكتب جزءو اطول عليكم في كتابة الموضوع كامل قلت انزلة دفعة وحدة افضل ............. وانا كتبت لكم كل شيء بالتفصيل لاني مااضمن ظروفي ومتى ادخل للمنتدى وممكن اطول عليكم في الرد.............. واتمنى انكم تستفيدون وتدعولي بالتوفيق وحسن الخاتمة ..............
والسلام عليكم ورحمة الله وبركاته ...............

ماشاء الله تبارك الله000كذا البنات ولا بلاش 00الله يهنيك ياعمري 00شجعتيني
انا بعد بديت اعتني بنفسي بس حاسه ان الوقت ضيييييق مرررررره في الاجازه00
ابي اعمل رياضه وريجيم 00وابي اعتني بجسمي كاملا وابي اعتني بشعري00
وابي استخدم الوصفات اللي تمنع ضهور الشعر للايدي والسيقان00وابي اخرج وابي
اروح مناسبات 00وابي اعتني بلاولاد 000ووووووو 000مادري الحق على ايه ولا ايه000
الله يعيننا0000