رحلتي مع العلاج الكيماوي

مريضات السرطان شفاهن الله

السلام عليكم جميعا..

اللهم للك الحمد حتى ترضى ..
يوم السبت الماضي بديت باول جرعه ...بعد شهرين من التردد.. طبعا سالت الدكتور وقلتله هل بالم الكيماوي قالي لاء ابدا تقدري تحظري حفله عادي جدا.. كنت حاسه انو بيضحك علي بس خلص ماضل عندي شي..
توكلت على الله واخذت اول جرعه ماكنت مفكره انها بطول جلست 6 ساعات اول شي ثبتوابرة المغذي بايدي وجا دكتور وضرب ابرتين في انبوب المحلول وبعدها مشى الكيس الول فكرت خلص خلصت قامت الممرضه وجابت لي كيس ثاني وثالث ورابع ..يالله صبري ... اخر شي ركبت لي كيس كان هوا الي دمرني ايدي حسيتها تحترق الم مو طبيعي دموعي وقفو بعيوني ماقدرت حتى انطق نادت امي على المرضه وجت ووقفت المحلول وبعدها بطئت سرعت المحلول وراح الالم بعدها جتني الممرضه وقالت لي بسرعه شوي لانو بتاخر قلتلها طيب وسرعتو شوي ورجع الالم من جديد بس مسكت نفس وحاولت اتحملو شوي وبعده الحمدلله راح من نفسو مرت الساعات ببطئ شديد
انا كنت بفكر بيعطوني ابره وبمشي ..الله يعين

طبعا انا كتبت هذا الموضوع بعد اسبوع من الجرعه الاولى
بععد مارجعت من المستشفى كنت عادي مافي الم بس معدتي كنت بحسها ثقيله كان مليانها حجر
اليوم الثاني على المغرب تقربا حسيت عيوني فيها مثل الغشاوه وحاسه فيني تعب خموووول قلت اكيد فيني نوم
رحت ونمت عالسرير بس مافيني نوم وبيت احس بوجع غريب بجسمي مثل الارهاااق الشديد
اليوم الثالث الام بجسمي زاد كنت بالدف اقوم من سريري وبس نايمه عالسرير الام غريبه ماقدر اوصفها حتى الملعقه ماقددر ارفعه الشهيه معدومه
اليوم الرابع والخامس في تدهور مستمر مع الام في العظام حاسه مثل الناااااااار بعظامي خاصه بصدري وظهر بالموت اقوم الصلاه كانت مثل الجبل اصليها بسرعه وانا جالسه
السادس والسابع حسيت بتحسن كثير بس فيني ارهاق وبديت اصلي وانا واقفه لاكن الحراره الي بعظامي نفس الشي
الحمدلله فرق كبييييييييير عن اول بس الى الان الحراره بعظامي مادري ليه
وانا اليوم باليوم الثامن الحمدلله بخير وقدرت اكتب تجربتي لكم ..بس للان ايدي الي مضروب فيها الكيماوي الى الان تالمني وقاعده افكر كيف راح يضربوني فيها طبعا ماراح ارضي اعطيهم الايد الثانيه لانو انا بدرس صعبه ماقدر امس القلم بعدين
...........
الجرعه الجايه يوم السبت الجاي خايفه كثير وخصوصا على شعري ..قصيت شعري لحد اكتافي ..الله يعوظني..وراح اقصه اكثر لحد مانحته ..خايفه انصدم والله كل ماطيحه شعره بقول بس بدا شعرك يطيح وينشف دمي الله يثبتني والله مادري كيف اح استحمل هالشي مستعده اتحمل الام الا شعري

دعواتكم لي بالشفاء وان الله يسهل عللي الجرعات الجايه
507
516K

يلزم عليك تسجيل الدخول أولًا لكتابة تعليق.

تسجيل دخول

belhiba19
belhiba19
الغالية يمونة الحلوة

الله يشفيكي يا رب و يشفيني و يشفي كل مريض آميـــــــــــــــــــــــــــــــــــــــــــــن يا رب

حبيبتي هالسطور الي كتبتيها و كأنك دخلت جوا قلبي و نبشتي الماضي الي مو بعيد

الأيام حبيبتي رح تمرق عليكي بسرعة و رح يصير كل شي ذكرى و بس

هي أول جرعة بتكون صعبة شوي لأنو أول مرة الكيمو يفوت لجسمك بس بعدين رح يخف الألم بالجرعات الجاية أنا الأسبوع الماضي أخذت سادس جرعة و كأنو مو كيمو ما صار معي اي أعراض و ما راهت شهيتي

كنت لما ارجع من المستشفى بعد الكيمو اقلهم انو نار مشتعلة بمعدتي من هالدوا الأحمر

بس بالجرعات يلي بعدين صرت أقول للمرضة وينو عصير الفراولة تبعي ههههه

أما عن شعرك حبيبتي فهو بيتعوض قالتلي الدكتورة رح يرجع أحسن من الأول قلتلها لأ بدي اياه يرجع مثل أول ههههه
كان شعري طويل و لما بلشت الكيمو قصيتو و هلا عادي متقبلة الموضوع و ان شاء الله بيتعوض

نصيحة الك : بالأيام الأولى بعد الكيماوي و خاصة أول 10 أيام رح تنقص شهيتك و أكيد بينزل وزنك بس رح يفضلك 11 يوم للجرعة يلي بعدها لازم تعوضي فيها و تاكلي كتير لحتى تحافظي على وزنك

و أهم شي يا الغالية ايمانك القوي و نفسيتك لازم تكون منيحة

ادعي الله كتير و ما في أوسع من رحمة الله

اللهم اشفها و اشفني و جميع مرضى المسلمين
آميـــــــــــــــــــــــــــــــــــــــــــــــــن يا رب
اليمونه الحلوووه
هلا هبى والله بيسعدني انوانتي اول وحده شرفتي على موضوعي وانا كنت بتابع قصتك وبدعيلك والله
ويارب تكون اخر احزانا ويبعده عنا وعن اجساد المسلمين يارب ..
وبحب اقللك انو انا متعجبه كثير من قوتك وصمودك مشاء الله عليك انا بذكرك على طول لما بكون في اتعس اوقاتي بذكر
روحك القويه سايره مصدر الهامي بدون مبالغه ..
لا وكمان عصير التوت هههههههههه الله يسعدك ....والله انا ا سرت بكره هذا الون تعقدت منو
الحمدلله على كل حال وتمشي مثل الهوا يارب
belhiba19
belhiba19
تسلمي يا الغالية

يا رب يشفيكي و يشفيني و جميع مرضى المسلمين يا رب

الحمد لله اني شفت ضحكتك هيك حبيبتي لازم دايما و اتذكري انو النفسية بتأثر 80 بالمية ع العلاج سواء بالسلب او الايجاب فلازم على طول تكون نفسيتك منيحة

يا رب تكون آخر أحزانا يا رب

على فكرة شفت موضوعك من قبل و كنت قلت ما بدك تصيري عقيمة و بدي بشرك بعرف اثنين اتعالجو بالكيماوي زمان و هلا اتزوجوا ما شاء الله و عندهم أولاد و الحمد لله خلي ايمانك قوي
(وطن)
(وطن)
حبيبتي ربنا يشفيكِ ويعافيكِ يا رب
ويجعل جرعات الكيماوي علي جسمك برداً وسلاماً

لا تخافي حبيبتي بأذن الله ربنا معك ورح يشفيكِ
وشعرك ما تحزني لما ينزل بطلع احسن من اول واقوى
كوني قوية وما تكوني حساسة كتير...أصبري واحتسبي الاجر
كل لحظة ألم الك فيها أجر عظيم من عند الله

يمكن تحكي الكلام سهل علي انا...وصعب عليكِ
لا حبيبتي انا بحكي من خلال تجربتي مع احد اقاربي شب بأول العمر
الحمدلله قدر يتجاوز الازمة بسبب نفسيته الحلوة وتقبله للموضوع وقوة ايمانه
والحمدلله هو الان تعافى وان شاء الله انتِ كمان نسمع اخبارك وتيجي تبشرينا أنك تعافيتي كلياً من السرطان

الله يبعد هالمرض عن جميع امة لا اله الا الله محمد رسول الله

( على فكرة...شعره صار احلى واجمل من اول بعد ما طلع)
اليمونه الحلوووه
الله يخليك ياهبى نفسيتي كانت زفت زفت خلال الشهرين الي راحو بس الحمدلله الحين اقتنعت كثير وتحسنت نفسيتي بس جسمي هوا الي بدهور بس فالاخر ان شاالله صابرين ويكون تكفير لذنوبنا ورفعه في منزلتنا بالجنه بأذن الله وصحيح كن كثير خايفه من حكاية الانجاب
صعبه كثير بس طمنت كثير لما من كلامكم وتجارب الي تعافو ..يعني كل شي تقبلتو الا حكاية الشعر باذن الله بتعدي كمان ..شكرا ياقلبي على كلامك الي بيطمن الله يعافيك باذن الله

اختي وطن والله كلامك وكلام هبى خلو عيوني يدمعو وبنفس الوقت ارتفعت معنوياتي كثير الله يسعدكم يارب ويبعد عنا شر الامراض