كيفكم ياابنات حواء ويابنات الطايف قولو اميييييييييين الله يكتب لنا الذريه مع بداية هذي السنه ويفرح قلوبنا تعبنا من الادويه والله اعلم بحاجتنا
ماابي اطول عليكم انا متاخره بالحمل لي 3سنين وشهرين يعني امشي بالرابعه طبعا بقول قصتي مع المداويات
اول وحده رحت لها ام فلاح قالت الرحم مليان مويات وعندك فقره يبي لنا نكسره جيبي :arb: يكسرها مع ظهرك قلت سلامات والله لايحط رجله ان يخبزني بس يالله الحمدالله واعطتني اعلاجات كثيره واستفدت منها بس ياااااااااااااربي والله انها مره:09: والنفسيه زفت:44: الدواء 15 يوم يعني شووفو كيف احنا صبورات 3شهور ولاكتب الله لي الحمل واللي استفدت من ام فلاح ان المويات اللي كانت مضايقتني الحمدلله ارتحت منها واحس اني افضل من اول طبع سعر علاجاتها 500ريال طبعا مامرختني مدري ليه
والثانيه ام عادل الله يوفق هالادميه سبحان الله ترتحون لها مرختني وقالت يابنتي معك ميلان بالارحام وسوت لي ربط على بطني وثلاثه شهور وانا معها بس ماكتب لي ربي الله يجعله خيره وادتني عسل مخلوط باعشاب وسعره300ريال والمرخ ببلاش بس زحمه بس سبحان الله طيبه وتحبينها وتقراء عليك وتمسك يدك وسبحاان الله تعرف وش معك من القراء باليد يعني تعرف اذا معك هرمون حليب او غده للامانه بنت خالي معها غده وتقول ابي اشوف هي صادقه تختبرها يعني ولاعلمتها قالت اقري علي ياام عادل على طول قالت انتي معك غده للعلم بنت خالي حامل والغده معها وهي ماتستخدم علاج نهائيا والغده بارزه بقوه في رقبتها سبحان الله وش استفدت من ام عادل انا الله وقت الـ.... تنزل المويه عشان الرحم مايل الحمدلله بعد المرخ ماعاد نزل مني شي :)
وثالثه وحده ام ماجد هيا العقيل معروفه بالطايف لها بهالشغله 30 سنه جيتها ومرختني وسوت لي كاسات هوا وربط على بطني بس ماتقول وش معك مدري ليه اسالها تقول استغفري وسبحي يابنتي والله يرزقك ادتني ادويه وتحاميل 5حبات ب450 الناس اللي جوها تاخذ منهم وقت المرخ 100 او 50 للمرخ بس انا ماخذت مني شي مدري ليه وانا والله الذي لااله الا هو اني اول مره اشوفها بس مدري ليه طبعا العلاج مادري ماحس اني استفد منه شي يعني مالاحظت شي حتى التحاميل ماشفت شي بس رحت لها شهر ولاعاد جيتها ولاكتب لي ربي شي اللهم اجعله خيره
والرابعه ام فهد وضحى الروقي هذي توني جيت من عندها مرختني خفيف وقالت معك الرحم نازل شوي ومايل وعندك بويضه ضعيفه وتقول اجيها بعد كل يومين تشوف كيف الارحام وادتني علاجات وتحاميل 7حبات ب750 والله لايوريكم العلاجات احس واحد منه مع دخان طعم لايصدق :09:يارب ارحم ضعفي وتقول سوي حميه من:arb: قلت ذي اسفه ماقدر والله مايرضى وان تصير حرب داحس والغبراء قالت طيب بس انا قلت التحاميل يمكن ماستخدم منها الا حبه لان شكلها مو مره نضيفه ترووع وانا خايفه اوهق نفسي انتم وش رايكم استخدمها والا لالا؟؟
طبعا ام فهد راح تكون اخر حرمه راح اتعالج عندها لان الحريم خلاص بنساهم وببدا اروح للمستشفى عند محمد خان اذا الله كتب الله يرزقني قبل مارواح له
طبعا ياحلوات انا كنت مع طارق وشكل طارق يبي الشعب السعودي عارضات ازياء هههههههه ماغير ذي الحميه الا ااتعبتنا
يالله وربي اني مسختها وطولتها عليكم بس حبيت افضفض شوي والله يعينكم على الهذره الواجد
طليتكم يمكن وحده ربي يستجيب دعاءها ادعو ان هالشهر اكون حامل :27:
مرقه بنت مرقوق @mrkh_bnt_mrkok
عضوة جديدة
يلزم عليك تسجيل الدخول أولًا لكتابة تعليق.
دمعتي تكسر عنادي
•
ياااااااارب تكونين حامل وترتاحين من هذا كله بس حبيت أسالك عن اللحمية أش قالو لك عنها لازم تشيلينها والا لا عادي متأخر الحمل لأني لي اربع سنوات متزوجة ماحملت
الله يرزقك ياقلبي وترتاحين من الحريم والمستشفيات
الله يرزقك بالذريه الصالحه السليمه الباره فيك
الله يرزقك بالذريه الصالحه السليمه الباره فيك
الصفحة الأخيرة