رحلتي مع علاج الشعر

حبيت أعرض عليكم تجربتي مع عالم علاج الشعر و الفرد ، وش اللي اكتشفته وكيف ..
من فترة طويلة وأنا أستخدم العلاجات من بروتين وكيراتين وثيرابي ،، وأول ما أسوي العلاج يطلع الشعر ناااعم وحلو
وبعد فترة يرجع الشعر أسوأ من الأول ، ومشاكل :(
وبعدها بديت أبحث وأسأل .. وما عرفت الشيء الصحيح الا لما سافرت بريطانيا ,, وقتها مريت على صالون مشهور هناك وقلت بسألهم عن علاج الشعر
واكتشفت عالم ثاااني من العناية ، ومصففات الشعر ، والأدوات المستخدمة
لما سألتهم عن علاج الشعر والمشاكل كان جوابهم :
أول شي نوع العلاج
ثاني شي طريقة العلاج
بالنسبة لنوع العلاج اللي يستخدونه اهوا نانوكيراتين سيستم ، ويعتبر أفضل شي في بريطانيا ، والميزة انها تستخدم حتى في عيادات التجميل هناك ... ولها علاجات مختلفة من نفس الشركة لمختلف أنواع الشعر : شعر طبيعي - شعر مصبوغ - شعر تالف وهش ومعالج كيميائيا
والحين جاري البحث عنها في السوق لأنهم قالو لي ان لها وكيل في السعودية ... وبتأكد من العلبة أنها نفس اللي عندهم
بالنسبة لطريقة العلاج ، عاد حدثي ولا حرج ... يهتمون بأدق التفاصيل ، واللي استغربت منه هو نوع الكاوية و درجة الحرارة .. نوع الكاوية كانت مصنوعةمن نانو تيتانيوم وتستخدم خصيصا لعلاج النانوكيرايتن سيستم ، و درجة الحرارة ما تزيد عن 210 في حالة علاجهم للشعر الطبيعي ,, بعكس اللي هنا يوصلونها 400 ويحرقون الشعر :( لنا الله
وطريقة سحبها غلى الشعر بطريقة ناعمة ومرة وتكون سحبة وحدة من أول الشعر لطرفه ، تتكرر من 6 إلى 10 مرات
خلاصتي :
- لازم استخدم العلاج المناسب ، ولازم أشوف علبة العلاج قبل ما تحطه على شعري ، وبالنسبة لي صرت أستخدم منتجات نانوكيراتين سيستم ، بعد ما حسيت بالفرق .. وما أتنازل
- وكمان صرت أسأل عن العاملة إذا كانت لها شهادة أو متدربة ، لأن الشركات المنتجة للعلاج يقدمون تريننق وتدريب للصوالين و حتى الأفراد يعلمونهم طريقة الاستخدام لمنتجاتهم ..
هذي خلاصة تجربتي ، أتمنى أكون قدمت شي مفيد .. والي عندها أسئلة تتفضل :)