رحلتي نحو جسد مثالي

صباح الخير على احلى الحلوات
اتمنى ان مواضيعي الاولى كانت لها اثر في نفسكم و حمستكم ، بس ياخوفي قريتوا الموضوع وقلتوا وخري بس ماعندك سالفة !😂
لا اليوم الموضوع ان شاء الله هو السالفة الاساسية للبدء ..
اول شي ابيك تسوينه انك تقيسين لكن من قياس وزن لااا تقيسين بالمتر جسمك لان هذا هو القياس الصحيح
ترى قياس الوزن في رحلة تعديل الجسم غلط
لان الميزان بيعطيك وزن جسمك كاااامل العظم مع الطول مع الشحوم
يعني عادي انتي وصديقتك نفس الطول وزنكم ٧٠
لكن هي رشيقة و انتي دبة ليش؟
لان مثلا هي تتمرن وانتي لا
هي جسمها مقسم و رشيق لكن عضلاتها قوية و تغذيها بالتمرين والبروتين فعضلاتها لها وزن لكن شكلها مثالي!
وانتي العكس
فهمتوني؟؟
الميزان انسيه و خلي المتر و المرايا هم اصدقائك في هذي الرحلة لاننا نبي نشوف تغير بالشكل مو بس بالوزن
نقدر ننزل الوزن بسهولة لكن بيكون شكلنا بالمراية غلط ومو زي اللي تخيلناه !
هذا هو اللي ابي اوصله ان مافي شي اسمه وزن مثالي في جسسسد مثالي
والجسد المثالي ما يهم كم وزنه يهم كيف شكله .
طيب كيف اقيس جسمي بدون ميزان؟
اول شي معاك دفتر وقلم و متر
هذول الاشياء بنستخدمهم كل اسبوع خليهم معاك على طول
وهذي صورة توضح طريقة القياس

...
كل اسبوع تقيسين .. و ١٠٠٪؜ بتتغير قياساتك كل اسبوع اذا انتظمتي لكن اكيد في منطقة بجسمك بتكون عنيدة و تغيرها بطيء لكن معلييش اهم شي مابيجي العيد الا وانتي راضية عن نفسك
يلا يا حلوات فوشية كلكم قيسوا بالمتر نفس الصورة لان الموضوع الجديد بيكون الجدول و النظام اللي بنمشي عليه و بشرح كل شي بالتفصيل بيكون طوييل حبتين لا تقرونه الا وانتو مروقين عشان تستوعبون الكلام
بحفظ الله .. محبتكم فوشية