شكلكم نايمين يالله تي تي تي تي زي مارحتي زي ماجيتي يالله مع السلامه بس ماني رايحه بعيد اذا لقيت احد هجمت عليه هجوم الاسد انيههههههههااااي

السلام عليكم ورحمة الله وبركاته

اسفه بنات سامحوني تاخرت .. امس رحت المستشفى على ان دكتورتي موجوده ويخلص دوامها 12 الليل .. ورحت وتخيلوا ماحصلت دكتورتي :(

يبدء دوامها سبعه تمام الصبح .. وتضاربت مع الموظفه قهرتني .. مرتين قبل اطلع من البيت كلمتها تقول الدكتوره موجوده .. يوم رحت مو وقت دوامها

المهم قلت ماني داخله على احد وعصبت وجيت بنزل من الدرج بس مويه نزلت ومن الخوف جلست عالدرجه .. ورجعت لها قلت اي احد هنا دخليني عليه .. قالت تهاني قلت يله تهاني تهاني .. وكان زحمه

انتظرت انتظرت ماقدرت بطني الم .. ودخلت عندها قلت ماني قادره انتظر اكثر ..وشافت وجهي قالت انتي مررره تعبانه .. يله نامي عالسرير

وانسدحت وغفصت بطني من فوق من تحت صدري >> مدري وش الحكمه

قالت بطنك نازل .. وكشفت بسونار .. قالت المويه سليمه بس هالمويه من فين تجي .. وانتي عندك طلق وش تحسين قلت مغص يخف ويقوى

قالت ممكن اكشف << اكره هالكلمه

قلت طيب .. وكشفت تخيلوا .. الرحم مفتوح 2 سم :(

وقالت لازم تنويم .. قلت مابغا ونافخت علي وهجدت .. قالت لازم لازم تتنومين لحد الصباح واعطيك محلول يوقف الطلق اذا ماوقف نتصرف

عاد انا صرت جدار مابكيت حتى .. وشالوني بكرسي ودخلوني غرفه الي فيها حق التخطيط وربطوني ولصقو هذاك الجهاز الي يجيب التوتر

وكان يطلع صوت طن طن طن .. ونبضات الجنين تخووف .. وحطو لي محلول وتحاميل :(

وانبطحت .. طبعا تهاني خلص دوامها وجت بعدها وحده اخرى وجاتني .. قالت كيف الالم راح قلت اي خف .. وسئلتني طبعا اكلتي سمك

من الخجل قلت لا لان الغرفه كان فيها وحده ثانيه شكلها بتولد ومعاها امها .. ونا انحرجت قالت متاكده قلت اي ويوم اذن الفجر

ماعاد قدرت قمت ابكي طفشت قلت طلعيني مابغا اقعد تعبت .. وتهاوشنا شويه بربرت على راسي .. وقالت ابصمي على ورقه

وبصمت وطلعت وقالت لما يرجع الالم تعالي وهذا انا اكتب لكم ونا منسدحه .. وكلمت اهلي وهاوشوني قالو ليه تاخذين المحلول بعدين يعسر الولاده ويقفل الرحم

من جد هو يقفل الرحم .. طيب شسوي شدراني انا ..وكمان شككوني يقولون شكلك حاسبه غلط منتي في الثامن شكلك بتاسع

ووزن النونو 3 كيلو يابنات :(

احس اني مضايقه مره مدري شسوي ..بس ابكي ومابغا احد يقلي شي

زوجي يقول ارتاحي لين الساعه تسعه وارجع اوديك عند دكتورتك .. يمكن تطمنك بما انك ترتاحين لها .. بس اخاف تمسكني ومحتاره

ادري ثرثرت كثير بس مالي غيركم :(

صباح الخيرات

يووووه قمولة خوفتيني اذا ولدتي معناته قربنا احنا مواليد مارس وراك على طول

الف سلامة عليك والله ارتاحي وانتبهي لنفسك واذا جاك الم ثاني اعتبريه ولادة ولاتخليهم يسكرولك الرحم والالم وزنه ماشاء الله كويس يعني اذا ولدتي عادي ادعي كثير ورد الولادة لاتنسيه واقريه في موية واشربيه ورشي على بطنك وان شاء الله مايصير الا كل خير

الحمدلله على سلامتك ياقموله وربي معك ان شاء الله لاتخافين والولادة متى ماارادها ربي بتصير بس وكلي امرك لله وادعي ربي يسهل لك مايقي ويسر لك الولادة ويكفيك شر كل ما اهمك وخليك مرتاحه تلقين هذا من التعب والسفر وانتي من اول حاسه بمغص.

طيب كيف الحين خف الالم والمويه ؟؟

صباح الخير

يوووه قموله تصدقين قلبي صار يدق لو تولدين ماشاء الله معناه قربنا :( ،، طيب ياقلبي يمكن صدق حاسبه غلط وانتي بالتاسع بس السونار وش حاسب لك ؟؟؟

والحمد لله ع سلامتك ياقلبي وارتاحي وان شاء الله مايصير الا كل خير يارب

بس سؤال وش دخل السمك في الموضوع هو السمك يجيب ولاده والله شكلي ماعاد باكله 