يامستجيب الداعي..انا سويت مناحه هناك..الحرمه تقولي انا صار لي بهذي الشغله 6 سنوات مامرت علي وحده مثلج..

تدرين ..يعور..بصراحه يعور يبيلها صبر..خلي اللي بالظهر تعالي شوفي اللي بالراس..حسنوني بالموس..يعني من داخل راسي مافي شعر اخش الصلعه بشعري اللي فوق..

طلعت 4 فناجين دم فاسد من جهه اليمين من راسي..و4 فناجين من الجهه اليسرى..

اللي مضايقني اليوم

ان زوجي زعلني..رضينا..بس احس لحين شاله بخاطري عليه..

وواحد من اهلنا فسخ خطبته لان صور خطيبته شافها عند رفيجه..قاله هذي انا اطلعها معاي..الرجال انصدم..وهلي اطلبوا مني اني اتصله واهديه..واصبره..وبصراحه انا مصدومه اكثر منه..الله المستعان.

امم..احس من زمان ماشفت امي..بنوم لعيال وبروح لها الساعه 9

انتظر ردودكم على سؤالي..

وشلون راح تكون رده فعلج اذا اكتشفتي خيانه زوجج لج(رساله في موبايله_صوره_مكالمات_شات_)
واللي عندها تجربه تقول لنا اياهه..راح اسوي العشى واقولكم تجربتي..خلونا نستفيد

هلا وغلا يامستجيب ماشاالله عليك يعني ترجعي تنامي انا النوم مايرضى يجيني مرة ثانية ايش اسووي

<<<<وحدة فاضية لاشغلة ولاعملة اكيد مسنترة عالنت

هلا وغلا فديت امي والله انا احس الحجامة تعووور
بس يقولوا فوائدها كثير سبحان الله


وبالنسبة لسؤالك بصراحة ماادري وش بتكون ردة فعلي اكيد اني ببكي وبصارخ وبحاول اسأله انا ايش مقصره فيه معاه

اهلين ...
اولا بقول لك فديت امي ..شي ..
مو لايق عليك الزعل والله ...
حلاتك فرفوشه ...
انا على فكره مديونه لك ..انت اللي غيرتي مزاجي من المناحه الى الفرفشه .....
انت اللي غيرتي نكهه هالملف ...فرجااااااء اتركي الزعل مافي شي يسوى ...
الحين :
الحجامه تعور ؟؟
بصراحه كل اللي شفتهم قالوا ماتعور ابدددددددددددددددددد
بس السحب بالهوا يضايق <<كلامهم ...
الله ييعين يارب ...


البند الثاني :
انت سألتي عن الخيانه ؟؟
لو اشوف عنده شي بقوم الدنيا ولا اقعدها ...بصراحه
بهدوء بدون صراخ ...
بعرف ليه وعشان ايش وبضرب بوز وبحسسه اني فقدت ثقتي فيه تمااما ...
لكن لو اكبر من مجرد شات وصور
يعني علاقه شخصيه ..لا بزيد العيار حبتين ...
:)
وترا كل الرجال مالهم امان
<<فاقده الثقه فيهم :(