كومدينه..ان شاء الله بسيطه..خذي الابر في وقتها..طمنينا عليج..

اما بانسبه لي..نزل علي ماي شوي وافرازات وطايه في الشوكولاته طيح..يعني الدوره تطق الباب..

انا دورتي المفروض تنزل تاريخ 1 بعد بكره
واوقف الدفستون تاريخ 31 بكره

خلاااااااص انا مو حامل..

ليه حكمتي على نفسك بسرعه

ربي كريم

والله انا تو الحين ضهري ذبحني وبطني

اهلين فديت امي...
انا تقريبا متاكده انها عين....الناس ذبحتني وسمعت باذني ...بس حسبي الله ونعم الوكيل...
انا احاول ارقي نفسي واللي كاتبه ربي يصير...
تدرين...انا بعد ساعات يجيني احساس ان الابر اقوى...
وساعات يجيني احباط...
الدكتوره حفظت وجهي ومليت منها وملت مني(علاقتي فيها صارت قويه مو اقول لك 4 سنين؟؟:))
والله صرت استحي منها كل مارزيت وجهي عندها ....
اما عن المصاريف حقت العلاج لاتحكي لي ابكي لك ...من سونار واشعه صبغه وابر وكشفيات ...الله يعوضنا بولد صالح يبرنا يارب ...
اللي مضيق صدري شعور بايخ احسه مدري تحسينه انت والبنات مثلي..؟؟ احس ان الناس حياتهم ماشيه ...وانا يلازمني احساس مو حلو هو اني كاني بمحطه قطار ...وانتظر!
احس الكل يجي قطاره ويركب ويوصل وجهته ....الا انا ...لسه انتظر ...
مع اني ماودي احس هالاحساس الحمدلله ربي منعم علي بنعم رائعه ...ليه احس كذا؟؟؟
مدري!
يقول لي زوجي حولتي حياتنا لانتظار ! مجرد انتظار ....:(
وانا عارفه هالشي ...
شهوري انتظار ...كل شهر افكر بالمنششطات وبعدين احسب التبويض والسونار ...وبعدين استنى الدوره ...كله انتظار ..كرهت هالشعور والله ....
امس وحده تسولف لي انها ناويه تحمل ...وانها تركت المانع هالشهر وشلون تحس انها ماودها وزوجها غصبها ....وتعتقد انها حامل ...
دعيت ربي بارك لها ....ولكن عز علي حالي ...
اللهم لااعتراض ....ياربي لك حكمه .....
الحين ودي اقلم نفسي ...
ودي اترك الانتظار واقنع بحياتي ...
ودي انسى الموضوع ...
لكن ....حياتي كلها تدور حول هالمحور ...
الحمدلله الحمدلله الحمدلله ..
استغفر الله
اراده ربي فوق كل شي ....

اهلين كومدينه ...
مدام عندك بويضه ...حجمها 15 هانت مع الابر بتكبر ان شا الله ...
ويارب يرزقك ويوفقك .....
وطمنينا عنك

فديت امي ...
انا دورتي المفروض الخميس الجاي ...
لاتوسوسين ...لاتقولين مو حامل الا اذا جت فعلا الدوره ....
ريحي بالك ....