يامستجيب للداعي :

فديت امي ... لو انك جنبي كان حبيت راسك ... انا محتاجه فعلا لهالكلام ...لاني حساه نفسي تغيرت ... انا شخصيتي مرحه ...مرحه جدا ...احب الضحك والوناسه ... لكن من يوم دخل موضوع الحمل حياتي ...صرت عصبيه ونكديه .... اكيد في ايام تمر علي استظرف واجدد مع زوجي ...لكن اذا رجع شي يذكرني ... مثل كلام امه ...او اسئله الناس او خبر حمل وحده او ولاده وحده ... مااااااااقدر اخفي مشاعري ... يا اني اصيح ....او اظل مبرطمه اليوم كله ونفسي بخشمي ... وفي كل الحالتين الوم نفسي ...لانه زهق ... اقول لك شي ؟؟ هو مو فارقه معه ابدددددد سالفه الحمل ....يقول اراده رب العالمين فوق كل شي ... اانا اللي احن وازن وابحث واوسوس وافكر .....واحسب ... هو يقول ارحمي نفسك حراااااااااااااااااااااااام عليك ... تلقيني البس قناع المرح مع الناس ومع صديقاتي ... واذا رجعت البيت رجعت للنكد والصياح وضيقه الخلق ..ز والله ماكنت كذا ابد.... مدري شفيني صرت كئيبه ... اليوم بس اصرخ في البيت ... كلن ينرفزني ..واي شي يرفع ضغطي ... انا اقول يمكن الدوره ... بس كلامك فعلا انا محتاجته ... محتاجه ارجع لزوجي مثل اول .. هو يقول لي افرحي باللي عندك ...واتركي اللي مو عندك ... اذا جا فرحنا فيه ...واذا ماجا ....فحياتنا حلوه ... احاول افرحه ... بس من داخلي لا .. تصدقين عاد يوم سافرنا اوربا بالصيف اخذت معي الكلوميد هناك ؟؟ وحتى هناك احسب التبويض واوقت الجماع ؟؟؟ الناس ترتاح وانا لا... فديت امي ... ترا فعلا صحيتي فيني شي ....انا عارفته ....لكني متحسفه انه راح مني ... وحاليا بحاول ارجع لطبيعتي .... خلك متواصله وكثري من هالكلام ... واخر شي ... ادعو الله انه يبارك لك بزوجك وعيالك ويحفظهم لك ويمتعك بحياتك اكثر واكثر ....ويديم عليكم نعمته يارب ....

فديت امي ... لو انك جنبي كان حبيت راسك ... انا محتاجه فعلا لهالكلام ...لاني حساه نفسي تغيرت...