كوبونات الراقية تسجيل الدخول

عذبه الصوت
عذبه الصوت •
ام سعد 2009 ام سعد 2009 :
بنات ابي احديوصفلي تقي الدين وش اسم عيادته ووين بلخبر
بنات ابي احديوصفلي تقي الدين وش اسم عيادته ووين بلخبر
دكتور عمر ممتاز تابعي عنده بس زوجي لان صار حملي على يد تقي فهو يتفائل فيه ........




حاول انا اعطي نفسي فرصه نفس الشي بس الله ماكتب
انتي عطي دكتور اخر فرصه وجربي تقي ..............


انا اشوف اكثر الدكاتره الممرضات يجهزون المريضه وهو يكشق انا تقي كان عنده دكتوره تابع معاه
لان يعرف ان الرجاجيل مايرضون ان حريمهم يتكشفون .........



مستشفى السلامه هو قريب السويكت
ياقساوة قلبهم
ياقساوة قلبهم •
يامستجيب للداعي يامستجيب للداعي :
فديت امي لالالا انت فوق في العلالي متربعه على القمه<<<<الخوف زين :) ها بشري ...عسى نجحت في الاختبار؟؟:) قساوة قلبهم والله توقعت منكن هيدا السؤال...:) انا بصراحه مااتذكر اي اسم... اتذكر كنا احنا المتاخرات ...وبس... وبعدين تعالي هنا ...؟؟؟ وش هالاحباط اللي انت فيه؟؟؟ افرديها ياحبيبتي ولك رب كبير بيرزقك .... اللي خلقك مهو ناسيك ... ومثل ماربي رزق غيرنا بيرزقنا ...بس باوانه ... فرفشي يابنت:) وعقبال مااشوفك في الدور التاسع<<<يعني حامل وبقوه:)
فديت امي لالالا انت فوق في العلالي متربعه على القمه<<<<الخوف زين :) ها بشري...
الله يسلم قلبك يالغالية الله يرزقنا ويرزقك ويرزق كل محرومة والله يسمع منك واحمل قريب يارب
:27:
ياقساوة قلبهم
ياقساوة قلبهم •
فديت امي فديت امي :
قساوه قلبهم..ليش ماتاخذين حبوب تنزلينها؟؟
قساوه قلبهم..ليش ماتاخذين حبوب تنزلينها؟؟
زوجي مو راضي يقوول اول أتأكد من تحليل المستشفى بعد التحليل برتاح لو مافي حمل انزلها ولو فيه حمل الله كريم

حتى صار بيننا خصام طوويل عريض بسبب الحبوب انا باانزلها وهوه رافض
ياقساوة قلبهم
ياقساوة قلبهم •
صباح الخير بنات فيه احد والا اقلب وجهي
أم محمد وسعد
أم محمد وسعد •
ياقساوة قلبهم ياقساوة قلبهم :
صباح الخير بنات فيه احد والا اقلب وجهي
صباح الخير بنات فيه احد والا اقلب وجهي



السلام عليكم ورحمة الله وبركاته،،،


اخواتي العزيزات

الله يرزقنا معكم بالذرية الصالحة ان شاء الله

ويرزق كل من يتمنى بإذنه تعالى


انا لي سنة وأربع شهور من تزوجت وما الله راد لي الحمل

في كل مرة تجيني الدورة اقعد اصيح وريلي يهون علي ويقول تونا!!!

بعد ثمان شهور أو أقل قررت أروح للدكتور وطبعاً أخترت دكتورة هندية شاطرة عندنا في البحرين

أول مارحت لها قالت لي تجيني بيوم 13 من الدورة علشان أشوف التبويض

كشفت علي بالسونار قالت ماعندج بويضات كلش!!!

طبعاً هذا اليوم الله لايراويكم حالتي صياح ونياح :(

قالت لي من الشهر الجاي ببدا معك العلاج وفعلاً بديت بالكلوميد أول شهر حبتين باليوم كبرو البويضات بس مهب الحجم المطلوب وما صار حمل

الشهر اللي عقبه بعد رحت لها وزيدت لي الجرعة وخلتها أربع حبات باليوم وطبعاً كانت اتابع البويضات بالسونار في اليوم 13 بعد كبرو بس ماصار حمل

الشهر اللي عقبه قالت لي ما اقدر ازيد لك الكلوميد بعطيك حبتين وأبرة وبديت من أول يوم الدورة لي كم يوم وهي تضرب فيني من هالأبر وفي يوم ال13 منها شافت ان فيه بويضتين وحده حجمها 15 والثانية والله مادري كم كانت كنها 19

المهم قالت لي بعد هذا التعب والأبر والخسارة بسوي لك حقن مجهري اختصار للوقت والتعب أول شي قلت مابي بعدين قال زوجي خل نسوي دام هذا شورها

وفعلاً سوت لي التلقيح وقبله عطتني الأبرة التفجيرية، وبعد عطتني الحبوب المثبته مرتين باليوم

واستمريت مع الحبوب لين قريب الاسبوعين وقبل لا اخلص الحبوب الا والدورة نازلة وبدايتها بالافرازات البنية

طبعاً انصدمت وزوجي انصدم معاي لان كنا واثقين بالحمل بعد إرادة الله لكن ما الله كتب، رحت لها من غير موعد أول ما نزلت علي الدورة وقلت لها اللي صار قالت ساعات يصير حتى لو فيه حمل ان الافرازات تنزل لذلك سوي تحليل دم للهرمون وشوفي اذا اقل من 10 يعني مافيه حمل واذا اكثر يعني فيه حمل.. والله وسويت التحليل وانا بداخلي ادري اني مب حامل لأن الوحدة تحس بروحها وباللي فيها لكن قلت معليه خلني اشوف وفعلاً طلع أقل من 10 ولا فيه حمل!!!

صحت وصحت وصحت لين قلت آمين.. لكن مابيدي حيله (ان صبرنا الأمر حاصل.. وان جزعنا الأمر حاصل) الشكوى لله..

رجعت للدكتورة قالت لي بنوقف عن العلاج هذا الشهر علشان الجسم يرتاح شوي.. قلت خير ان شاء الله...

بعد كم شهر رحت لها بيوم 13 من الدورة قلت لها ابي الترا ساوند علشان اشوف التبويض.. سوت لي طلعت عندي بويضة وحدة حجمها زين طبعاً من غير علاج وعطتني ابرة تفجيرية وصار الجماع بثاني يوم.. لكن ماقدر الله لي الحمل..

رحت لها بداية الدورة وقلت لها عن اللي صار.. قالت لي ما اعالجك الا اذا نزلتي وزنك لان الوزن له تأثير كبير.. قلت لها زين..

من شهرين رحت لدكتورة ثانية وهي بعد شاطرة ومعروفة عندنا.. سوت لي تحاليل ولزوجي لقت كل شي طبيعي وهرموناتي طبيعية بس قالت لي نفس الكلام انزل وزني.. وبعد اسوي اختبار الصبغة باليوم السابع من الدورة.. قلت ان شاء الله..

المهم الدورة بشهر 12 المفروض تجيني بتاريخ 11/12 لأن الشهر اللي قبله جاتني 14/11 وأنا دورتي تجدم يومين أو يوم.. جا التاريخ ولا جاتني وأنا كنت بسافر.. طاف 11 و12 و13 وانا قلبي يرقع من الروع والخوف وبعد سافرت.. وصار 14 هذا اليوم قلت حق ريلي وانا في السفر خلني أحلل عن هالحالة اللي انا فيها.. قال زين والله وخذت التحليل المنزلي وحللت وطلع مافيه حمل.. لاحول ولا قوة الا بالله العلي العظيم.. أصبحت الفجر بصلي الا هي مشرفة.. لاحول ولا قوة..
وصادف اليوم السابع من الدورة يوم العيد مادري ثاني العيد وهونت ولا رحت وانا بيني وبينكم خفت من هذا التصوير لأن يقولون يألم وريلي يقولي ما اغصبج اذا ماتبين تسوينه.. واحس في داخله انه يبيني اسويه.. محتاره وأفكر هذا الشهر اذا ما سافرت اسويه والله أعلم..

قلبي يصيح ولو عيوني ما تدمع أحاول أخبي هذا الشي عن ريلي علشان ما يتضايق لأنه يحب اليهال واااااايد وأنا مثله ويمكن أكثر.. هو أكبر اخوانه وهم كلهم معرسين قبله وعندهم عيال الا هو!!!

خاطري أفرح قلبه وأقر عينه بالضنى اللي يشيل أسمه لكن مابيدي حيلة الا حيلة الله..:(


يعني الخوات اللي عندها ولد ولا ولدين ولا بنت ولا بنتين تحمد ربها وتشكره على النعمة.. فيه اللي مثلنا يتمنى ريحة الضنى.. والله يعلم بالحال..


(وما تشاءون إلا أن يشاء الله) صدق الله العظيم

هذا رد زوجي علي اذا قعدت اصيح وأندب حظي على اني ما حملت!!


الله كريم ان شاء الله


آخيراً الموضوع على الجرح من الكلوميد إلى الأبر إلى الأبر التفجيرية إلى الحقن المجهري رحلة عذاب ولعب بالأعصاب!!!


الله المستعان،،،


سامحوني طولت عليكم :(


لكن مب مني،،، من اللي في داخلي...:(



أشوفكم على خير



:44: