رحل منهو يسليني ..وصار اليوم في قبره ..
رحل منهو يسليني .. و صار اليوم في قبره
رحل عني و فارقني .. حزين و صرت في حسرة
ذكرته يوم يحاكيني .. و هالبسمات من ثغره
ذكرته يوم يواسيني .. اذا ما هلت العبره
ذكرته يوم يشكي لي .. عن همومن ملت صدره
ذكرت و هلت ادموعي .. و صار الفكر في اسره
حبيبك راح يا قلبي .. ولا حتى بتشم عطره
و ظلك مات يا ظلي .. سكن وياه في قبره
ألا وينك تسولف لي .. تحت انوار هالقمره
و تنشدني عن اخباري .. ترى عقبك غدت مره
الا يا غايبن عني .. ترى قلبي فقد صبره
و لكن الأمل عندي .. لقاك بجنتن نظرة
ألا منصور يا غالي .. فقدك الكون من كبره
عساه بخلد يا ربي .. و يشرب عذب من نهره
***********************
مر شهر يا بوي من وقت فرقاك وقلبي الى هاليوم شمسه عتيمه
مر شهر فرقا وحسك وطرياك متوسد باوراق حزني القديمه
مر شهر وانا اتخضب بذكراك بدموعي اللي في عيوني مقيمه
من عجلت في رحلة الموت ممشاك وانا حياتي ما لها اي قيمه
البارحه في غفلة الليل اطراك قلبي ونادت آهتين فصيمه
ومرت بعيني صورة ايام دنياك واوقات كانت في حياتي عظيمه
ياما عطيت الناس من خير ما اعطاك ويا مسحت دموع ثكلي كليمه
وياما يمينك سابقت خير يسراك حتى يدينك شبهوها بغيمه
يابوي بنتك دربها صار اشواك ومعاد تمطر فارضها اي ديمه
واللي خبرته يحسب حساب يمناك واشد ظهري فيه عند العزيمه
ما مداك بس تموت يابوي ممداك الا وجا يهدي لعمري الهزيمه
ومابين غبنة ذاك وجروح هذاك وفراق كلي منه روحي سقيمه
وهذا انا يابوي من بعد فرقاك
((صار اسمي يتيمه))
الله يرحمك يالغالي ويجعل الفردوس الأعلى منزلك
لكل من يقرأ الموضوع الآن روحي لأمك وأبوك وراضيهم واجلسي معهم ترى مايحس بالنعمة إلا اللي فاقدها ،،الله يعلم ان كل مكان أروحله وكل شئ بهالدنيا يذكرني فيه مصحفة،سجادته،نظارته،ثوبه،
شماغة،بشت العيد،كل شئ كل شئ الله يرحمه ويصبرنا سبحان الله قبل وفاته بكم يوم كان يقول العيد الجاي انا مو معكم كأنه حاس وكان يذكر قصيدة وحده بعد مامات ابوها كانت تقول في مطلع القصيدة (لاغاب القمر ماتفيد النجوم )سبحان الله ماتوقعت اني بيوم بقول هالكلام
الحين جالسة اكتب وأشوف قدامي مكانه اللي دايم يجلس فيه (( فاااااضي ))
الله يرحمه ماعندي شي اقوله اكثر من كذا ادعوله
اسأل الله أن يجمعني بوالدي في الفردوس الأعلى
دعواتكم لاتحرموني منها
123
8K
يلزم عليك تسجيل الدخول أولًا لكتابة تعليق.
الله يرحمه ويغفر له ويجعل قبره روضة من رايض الجنه
ويصبر قلوبكم ويعوضكم خير
وعظم الله اجرك
ويصبر قلوبكم ويعوضكم خير
وعظم الله اجرك
Saraahx
•
انا لله وانا اليه راجعون
اللهم ارحمه واغفر له ووسع مدخله واغسله بالماء والثلج والبرد
ونقه من الخطايا كما ينقى الثوب الابيض من الدنس
اللهم اجعل قبره روضة من رياض الجنة
اللهم ارحمه واغفر له ووسع مدخله واغسله بالماء والثلج والبرد
ونقه من الخطايا كما ينقى الثوب الابيض من الدنس
اللهم اجعل قبره روضة من رياض الجنة
الله يرحمه ويسكنه فسيح جناته
كلنا سائرين الى هذا الطريق هم السابقون ونحن اللاحقون
اختي اصبري واحتسبي الاجر
واعلمي ان برك بوالدك لا ينقطع بعد وافته
فبريه بالدعاء والصدقات وسيري على نهجه
الله يجبر كسركم ويلهمكم السلوان
كلنا سائرين الى هذا الطريق هم السابقون ونحن اللاحقون
اختي اصبري واحتسبي الاجر
واعلمي ان برك بوالدك لا ينقطع بعد وافته
فبريه بالدعاء والصدقات وسيري على نهجه
الله يجبر كسركم ويلهمكم السلوان
الصفحة الأخيرة
ويجمعكم فية في الجنه ان شاء الله