رحمتك ربااه في والدي

السلام عليكم ورحمة الله وبركاته......

اتمنى من كل اخواتي في الله الدعوه لي بان ربي يشرح لي صدري ...ويسعدني ...ولكم بالمثل ان شاءالله

اخواتي العزيزات كل من عنده نعمة حياة الوالدين فلتشكر الله عليها ..ولتبذل قصارى جهدها في رضاهما وادخال

البسمه لهم....فهم ارروع واحن ماخلق الله ...

اخواتي انا توفي والدي عليه رحمة الله وانا امي حامل فيني واخوي توه طبق السنتين ...ماحسيت بحنان الابو ابد..

الله يخلي لي الوالده ويطول في عمرها غمرتني بالحنان والعطف ..بس هناااك احسااس فيني فاضي وماحسيت

فيه الا يوم كبرت صرت اشوف بنات عمي وخالي كيف يسلومن على ابهاتهم والله ثم والله تنزل دمعتي غصب عند

الناس..صرت حساسه مره مره ..اذا صليت ودعيت ادعي لامي وزوجي ودموعي تسيل واذا جيت ادعي لابوي

شي غررررريب مااعرف وش اقول كيف ادعي له وانا ماعرف شكله بس الحمد لله لم اتركه من حقه علي فالاموات

في امس الحاجه للدعاء من الاحياء ...والله احس اني محتاجه له مره مره..خاصه فيه مشاكل تمر علي في حياتي

الزوجيه واضطر اني اخبيها عن امي عشان ماازعلها ولا اكدر عليها ...اعرف ان مايحلها الا الرجال بس انا اضطريت

اني اكتمها وازيد الوجع في قلبي صدق اللي قال البنت عزها في ابوها واذا مات ابوها راح عزها ..ماحد يعرف

قيمة الكلام هذا الا اللي فقدت ابوها لا وكيف مااشافته ..بس اعرف ان رحمة الله فوق كل شي وربي هو ملجاي

ونصيري ....

ربي رحماك في ابي ربي انه توفي وهو في سن الرابعه والعشرون في عمر الشباب ربي لاتحاسبه على ذنوبه

ربي عامله بعطفك ورحمتك الهي انه شهد انك انت الله لااله الاانت وشهد ان محمد عبدك ورسولك ربي فحرم

وجهه من النار واجمعني به في جنانك برفقة نبيك المختاااار ......ولكم بالمثل ....