رحم الله من تغافل لبقاء الود

السلام عليكم ورحمه الله وبركاته
كيفكم يا حوائيات ...
بقولكم سالفه وحده من البنات اذا قلت اخلاق وذرابه وسناعه
وبشوشه ماشاء الله عليها
وصاحبتها دايما تدقها بالكلام ونشوف ونلاحظ وهيا تطنش
وتسكت او تكمل كلامها وكأن شي ما صار
اختفت عن البنات فجأه ..صارت تتعذر او ماترد
قررت اني اروح لها اشوف ايش فيها مريضه متضايقه عندها شي !!
وبعد السلام وماجلست معاها سألتها عن سبب اني ما صرت اشوفها
البنت قالت كل شيء بقلبها بس كانت تتكلم بهدؤ
تعرفوا ايش قالت(كل الي نشوفه من دق صاحبتها )
انه جرحها ويعني مو حابه تختلط ثاني بالناس
طبعا سبب سكوتها انه ما تدافع عن نفسها كانت تقول رحم الله من تغافل لبقاء الود.....
يعني معقول الطيب بالزمن هذا الناس تدعسوه
وتأخذه مهزله
لازم نجرح الطيب ونرمي عليه الكلام عشانه يضحك معانا ويمشي الكلام او بالاصح الرصاص الي ينرمي عليه
انا بسال نفسي وقلت اشوف رايكم ليش الطيب ما نحسب له
والشرير الي يسب ويجرح نحسب حسابه ونحط له قدر؟؟!
ليش الي قدرنا وضحك بوجهنا وعاملنا كاناس نقوم نستهين فيه
بالمقابل الي عابس ويكلمنا بحده ورسميه نعطيه اكبر من حجمه؟؟؟


طبعا بعد ما سمعت رايها وكلامها جاء فبالي سؤال وسؤال
والحل مع الناس الي ترمي كلام وماتقدر الطيب!!؟!؟
طبعا البنت تقول انا ارتحت لما بعدت تقول لقيت نفسي
ووقت اني اشوف الناس من حولي كويس
كلام كثير وقناعتها ماشاء الله عجبتني
ايش رايكم !!