رحم حالي تغيروا الناس عقبي وش السالفه؟! <<شوفو وش حصل معي امس

هلالالالالالالالالا بناتات كيف الحالااااات
لكم وشحه قسسسسسسسسسم بالله

ابشركم صقيقتي المتخرجه معي منذ مئات السنين جالها تعاقد وصارت أبلا قولوا ماشاء الله ترى الوظيفه جت بطلعة الروح وتعاقد بعد ماهي رسميه بس حبيت اقولكن << خخخ وش دخلكم:35:
السالفه الى هنا اوكي
8
8
المشكله ان صديقتي من عرفت انهم اختاروها تعاقد وهي لاليلها ليل ولا نهارها نهار تزهم علي كل وقت وتصيح
تقول : خايفه من البنات اشكالهن توحّش وانا يانجد مالي الا الله ثم أنتي وانا انطوائيه وانتي جريئه وهالوظيفه داخله على الله ثم عليك لاتطير الوظيفه مني ماجت الا بشق الانفس وانا محتاجه

واقول لها: توكلي يابنت الحلال وروحي ومن بكرا تزهم علي الظهر تقول عجزت اشرح وخايفه كل مارحت لفصل سحبت كرسي وجلست برا وخليتها انتظار والعالم تسيّب على كيف كيفك واخاف تجي ام قرون المديره وتمسطني!!
وانا اعطيها توجيهات يعنني واعلمها الكاراتيه وفنون الدفاع عن النفس هههههههههه
ومن بكرا مثل اللي قبله عجزت البنت تشرح

الى ان جا امس وقالت لي لازم تروحين معي انتي جريئه ابي اخليك رزه واقعدي ورا والبسي نظارات كنك موجهه
علشان اشرح وانا مرتاحه
8
8
انا فزيت وجت النخوه وقلت ابد يافلانه انا معك قلب وقالب توكلنا:mad:
ويوم جا الصبح لبست ملابسي واخذت معي شنطه صغيره واسعافات اوليه احتياط لاي امر طارئ
ولبست نظارات شمسيه وكعب وميكب ودنيا وتعوذت بالله ومرتني صديقتي بالنقل ومشينا

ويوم وصلنا المدرسه الساعه 7 :time: ياربيه جاك الموت ياتارك الصلاة من زمان مادخلت مدارس << بدى قليبي يدق!

الا مجمع كبير متوسطه وثانويه ياليل مطولك متى تجي الطلعه
قسم بالله خايفه :(
وانا وصديقتي كل وحده تعزم الثانيه على الدخول
وانا اقولها حلفت ان تدخلين وهي تقول لا والله محشومه ماعاش من يدخل قبلك << خخخ لا والله من الخوف!

المهم دخلنا والا بنات اشكال والوان وصبغات وقصات وكحل وروج خفيف وش السالفه وش هالمخالفات لانكون بعزيمه!!!

وسحبت روحي وتغبيت ورى باب غرفة مهجوره مادري وش سنعها فيها كتب شكلها المستودع وكلها غبار ابي اكح اخاف احد يسمع خخخخ والله حاله
ابي محد يشوفن لين تجي صديقتي وتدخلني معها بالفصل لان عندها الحصه الاولى شرح واللحين هم بالطوابير وانا اخاف المديره تشوفني واقعد بها والله لااروح فيها ملح!!

المهم رقوا الناس لفصولهم ورقت صقيقتي وطلعت انا لدورات المياه وجلست اتملّح امام المرايات وه بس وربي اهبّل خخخ ياحليلي ولبست نظارتي الشمسيه الله يفشّل العدو الدنيا ظلال لاشمس ولا شي ككككككك وحطيت قلم ورى اذني يقال لي مشخصه مثل الاطباء << ياحبني لي مااعرف شخصية الموجهات خخخ والمشكله انا عصلا ومن عرفت المدارس ماقد شفت موجهه عصلا الغالبيه دببه ديناصورات
وبديت اصعد بالدرج ودخلت الفصل وسلمت الا وش اشوف :44:

قسسسسسسسسم قمة الاستهبال ياربي وش ذا بثالث متوسط وانا مشخصه وقلت وقت الجد جد ويوم دخلت الا وحده بعدي رافعه مريولها والسيقان في مهب الريح قلت انا هيه وين انتي فيه ؟ تراك بصرح تعليمي ليش رافعه مريولك؟
قالت ابي اشوت بلنتي كككككك وقحات بدرجه ماتخيلون يالله لك الحمد ياحليلنا اول كنا نخاف من المعلمات خوفنا من الجن
والا العالم ملابس غريبه وقصات شوجي وفاطمه الصوفي وفكتوريا وبويات ياربيه اخاف انا !!!!!!!!!!!!!!!!!!!!!!!!!!
الله يرحمنا برحمته أثري من زمان ماطبيت المدارس ياحليلي قاعدتن بالدار وماادري وش صاير بالعالم الخارجي!! :(
والا يوم جلست ورا انواع التعليقات
بنات يضحكن ويقولن: كااااركااار يقال لها موجهه !!
وثانيات يقولن : ابلا ليش لابسه نظارات شمسيه بالظلماء؟؟ <<< ياربيه فشله

ماعندك احد استهتااااااااااااااااااااار

ومع الصجه وقلّة الذوق الا جوال يدق من شنطة وحده من الطالبات
وه يمممممممه معقول الجوال مو ممنوع والا المديره ماشافته والا وش السالفه
في هالاثناء خفت يكون معهن كاميرات ويصورنن انا وصديقتي وصديقتي حسمت الموضوع وقالت دق الجرس
نكمل فيما بعد <<< خخخخ احلى تصريفه والله من الخوف بتنحاش وقمت اركض وراها وطلعنا سالمين بعد التعليقات المزريه وقلة الادب :icon33:
والطامه الكبرى يوم جت الطلعه طلعت ولبست عباتي بنات المتوسطه وراي يعيروني <<هههه عباتها قديمه عباتها قديمه !!!!!!!!
لعنبو بليسكن المشكله عباتي توي مفصلتها من توايلا وخسرانه فيها كل مالي كاشخه فيها ومخليه النقل يجي بدري علشان اكشخ فيها وأطلع قدامهم واقهرهم ههههههههههههه حليلي يمكن علشانها عباة راس!!
أخسن وانا بنت ابوي
جد تغيروا النااااااااااااااااااااااس
ياحليل بنات قبل حتى ذيل الحصان المرفوع ممنوع والربطه ممنوعه والقصات ممنوعه اللحين زمان الفهر الله يعيننا!!

مع التحفظ على بعض ماصار هناك
تحمدولي رجعت سالمه غانمه:angry: